Kengruglaðir grænkommar

Mynd: "Ég vinn fyrir fólkið" stendur þarna á þessu gamla sovéska áróðursskilti. Í dag stendur þetta plakat fyrir ríkisstjórn Íslands. Hún vinnur fyrir fólkið - í útlöndum. Hún vinnur fyrir glóbalista - þ.e. nalla nútímans, sem kyrja nalla nútímans: 0,04 prósentin

****

Á tímum Sovétríkjanna var þetta hér fyrir ofan eitt áhrifamesta áróðursskilti sértrúarsafnaðar kommúnistaflokks sem á endanum lagði sjálft ríkið og líf fólksins í því í rúst

Í dag passar þetta plakat ákaflega vel við sértrúarsöfnuð þann sem trúir því að sú 0,04 prósenta gufuhvolfs jarðar sem er koltvísýringur (co2) sé að eyðileggja plánetuna vegna þess að hinn kapítalistíski* homo sapiens framleiði heilar fjórar prósentur af þessu brotabroti úr einu prósenti sem kallast koltvísýringur. Báðar eru stærðirnar innan skekkjumarkanna sem skilja á milli fífls og fávita

Áður fyrr var kommúnisminn sá staður sem hagkerfin fóru á til að deyja. Í dag er kolklikkuð jöfnun kolklikkaðra grænkomma staðurinn sem hagkerfin fara á til að deyja

FORSÍÐA FÁRÁNLEIKANS

Kom snjóflóðið á Flateyri á forsíður dagblaða annars staðar á Norðurlöndum? Það er ég viss um að gerðist ekki. Hvað er þá þessi plebbafrétt um eitt ónýtt hús í Noregi að gera á forsíðu Moggans í dag? Er Mogginn kannski líka að verða plebbablað í sovéskum stíl? Eða er þessi mynd þarna á forsíðunni til að styðja við grænsovét nýsovétstjórnarinnar hér á landi, þar sem utanríkisráðherrann er fyrst og fremst orðinn sendiherra Evrópusambandsins á Íslandi?

* Kapítalismi er ekki kerfi. Hann er færslur milli manna. Hann er eins og andardrátturinn; meðfæddur og lífsnauðsynlegur

Fyrri færsla

Rússland nú fimmta stærsta hagkerfi veraldar

Ekki beðið um undanþágu fyrir Ísland

Athugasemdir

[Ragnhildur Kolka, 9.8.2023 kl. 17:07]

Sorglegt en satt, Gunnar: "utanríkisráðherrann er fyrst og fremst orðinn sendiherra Evrópusambandsins á Íslandi?"

Verður ekki betur sagt.

[Gunnar Rögnvaldsson, 9.8.2023 kl. 21:04]

Þakka þér fyrir Ragnhildur.

Gott að heyra.

Já, plebbahúsahæðir Valhallar standa ekki hærra í landinu en þessi brunarúst hans Bjarna Ben í burgeisa- og ríkisbubbaflokki Vinstri grænna.

Leyfi mér að benda á skrif Arnars Þórs um hið sama sovét í dag.

Kveðjur

[Kristinn Bjarnason, 10.8.2023 kl. 18:24]

það eru einhver öfl sem eru að gera tilraunir hvað hægt er að ganga langt í hlíðninámskeiðum og hversu mikið rugl er hægt að normalísera. Eitt hlíðninámkeiðið er að flokka rusl í öreindir sem eru svo fluttar til Danmerkur þar sem kveikt er í öllu saman og notað sem orka. Ég ætla ekki að minnast á kynjaruglið en loftslags ruglið eru allir farnir að tala um eins og það sé raunverulegt. Það sem er í gangi núna er eitt mesta átak í að rugla fólk í ríminu sem sögur fara af. Það spyr enginn hversu miklir fjármunir fara í loftslagsmálin og í hvað þeir eru notaðir. Borgum bara nógu mikið og þá fáum við að lifa. Það er svo yfirgengileg della að halda að þessi 3% af heildarmagni co2 í andrúmsloftinu sem eru af mannavöldum hafi eitthvað með loftslag að gera að ég á ekki til orð að lýsa ruglinu.

Ég held að samfylkingin bjargi okkur út úr þessu.

[Gunnar Rögnvaldsson, 10.8.2023 kl. 20:00]

Þakka þér fyrir innlit og athugasemd Kristinn.

Gott hjá þér að bæta Samfylkingunni á þennan lista súrrealismans sem þú svo snilldarlega setur fram þarna. Það er varla hægt að botna hann betur. 

Bestu kveðjur

[Kristinn Bjarnason, 12.8.2023 kl. 16:08]

Þeir sem þurfa mest á breytingum að halda vilja ekki breytingar. Þar stendur hnífurinn í kúnni. Það virðist vera að  þessi unthinking mass haldi að samfylkingin bjargi málunum núna sem fóru mjög illa með okkur síðast. Hverjar eru líkurnar?

Það eitthvað mikið að hjá almenningi, nema Íslendingar hafi komist  í kosningasvindlmaskínu WEF.