Bíddu voru ekki Rússar búnir með skotfærin? [u]

Í bráðum átta mánuði höfum við fengið þær fréttir úr heilaþvegnum fjölmiðlaræksnum Vesturlanda, að Rússland sé búið með skotfærin - og að leppgengið í Kænugarði á vegum NATO sé að vinna stríð við Rússneska herinn. Ja hérna

Mynd: Washington Post; kannski stolt af eyðileggingu Washingtons á raforkukerfi Júgóslavíu árið 1999 - eins og í Írak... og svo framvegis

****

En þar á þinghúshæðabæ standa menn enn í þeirri meiningu að stríð snúist um að henda sprengjum úr flugvélum á ónýta heri og varnarlaust fólk og þar að auki að tapa þeim "stríðum" nær undantekningarlaust

Uppfært:

Uppgjör rússneska varnarmálaráðuneytisins á hernaðaraðgerðunum þann 10. október má lesa hér

Rússneskur almenningur segir í háði að ekki komi til greina að Rússland hafi sent þessar stýriflaugar á alla þessa staði í Úkraínu, hvað þá á einum og sama deginum, því hann sé nefnilega búinn að lesa sér til um það í 136 þúsund vestrænum fjölmiðlum að Rússland sé fyrir langa löngu búið með allar sínar birgðir af slíkum tólum - og yfirleitt búið með allar birgðir af hvers kyns skotfærum og hergögnum og jafnvel hugmyndum. Í leiðinni má geta þess hér að sumir telja líklegt að Rússneski landherinn hafi tekið í notkun Tirada-2 kerfið sumstaðar við 1000 kílómetra langar vígstöðvarnar í Úkraínu. Tirada-2 hemlar eða lokar á rafeindasamskipti gervihnatta við jarðstöðvar og lokar fyrir rafeindasamskipti farsímakerfa

Sameinað NATO myndi aldrei hafa Rússneska herinn á og við þennan heimavöll hans, því Úkraína hefur verið rússneskt land síðan á 17. öld - eða í tæplega 400 ár, eins og Morgunblaðið greindi réttilega frá sunnudaginn þann 8. desember 1991 á blaðsíðu fjögur. Katrín mikla Rússakeisari stofnaði til dæmis borgirnar Odessa, Dnípro, Kherson, Mykolajív og Sevastopol. Þar á undan var landsvæðið fiskimið Tatara sem veiddu þar fólk og settu til sölu sem þræla fyrir Tyrkjaveldi

Úkraína verður aldrei eins og hvert annað "útland" fyrir Rússlandi. En tímabilið frá því í desember 1991 er eina forsaga Úkraínu sem sjálfstæðrar ríkiseiningar, og er það tímabil þess utan frekar illa til komið því þann 20. janúar sama ár kusu 94 prósentur Krímbúa að ganga sem sjálfstjórnarsvæði í Rússland. Þá hugðust stjórnvöld í Kænugarði undir stjórn Leoníd Kravtsjúk gera Úkraínu að kjarnorkuvopnalausu landi og skila Rússum kjarnorkuvopnunum. En því var nú ekki aldeilis að heilsa, því "sterkir menn" í Kænugarði neituðu og vildu halda kjarnorkuvopnunum fyrir sig því þau myndu koma að gagni sem söluvarningur í framtíðarsamningum við alþjóðasmáfélagið. Kröfðust þeir því 2,8 milljarða dala greiðslu fyrir þann auð sem fallið hafði þeim í skaut frá mömmu Rússlandi. En sem betur fór enduðu vopnin í vörslu Moskvu

Mynd: Skjáskot af útsendingu Hooverstofnunarinnar

****

Hér fyrir neðan: Sýnishorn úr verstu fjölmiðlastöppu allra tíma: Þetta rusl þeirra er svo yfirþyrmandi lélegt, fávíst og heiladautt að það dugar ekki einu sinni sem áróður, þó svo að stór hluti þess komi úr ranni Pentagons, CIA og Mi6. En sú einu sinni ágæta stofnun CIA var eyðilögð með því að leggja greiningar- og aðgerðadeildir hennar saman í eina stöppu. Er ferill og gildi þeirrar stofnunar því orðinn harla lítils virði í dag. Menn kannast við slík frá bóluárunum fjármálastofnana og nú síðast frá grænbóluárum Grétutímabilsins

==========================

a) The Guardian fyrir stríð: "Welcome to Ukraine, the most corrupt nation in Europe" (6. febrúar 2015)

b) The Guardian eftir að stríðið hófst: "The fight for Ukraine is a fight for liberal ideals" (27. febrúar 2022)

==========================
Putin is running out of options
newstatesman.com 3. mars 2022
==========================
Russia running out of precision munitions in Ukraine war - Pentagon official
Reuters 25. mars 2022
==========================
Russia is running out of troops
express.co.uk 8. mars 2022
==========================
The Russian army is running out of options
spectator.com.au 9. apríl 2022
==========================
These simple mathematical models tell us why Russia is running out of time
medium.com 16. mars 2022
==========================
The Russian Army Is Running Out Of Tanks
Forbes.com 25. maí 2022
==========================
Russia is running out of precision-guided munitions and may...
Yahoo.com 9. maí 2022
==========================
Vladimir Putin is running out of options to avoid defeat in Ukraine
AtlanticCouncil.org 17. maí 2022
==========================
Russia is running out of precision guided munitions and it is more likely to..
Guardian 24. mars 2022
==========================
Russian Army Days Away From Running Out of Resources
Newsweek 15. mars 2022
==========================
Putin is Running Out of Ideas on What to do Next
Bloomberg 9. maí 2022
==========================
Russia is running out of oil customers
Economic Times 4. mars 2022
==========================
Russia Is Running Out Of Cloud Storage!
Fossbytes 16. mars 2022
==========================
Russia is running out of sugar and grain ...
Twitter bla bla 14. mars 2022
==========================
Russia Running Out of Precision Munitions
usanews.com 24. mars 2022
==========================
Russia Is Using Chips From Dishwashers
PcMag 13. maí 2022
==========================
Russia imminent default will have harsh ripple effects ...
Washingtonpost.com 9 mars 2022
==========================
Russia has just one week left to conquer Ukraine ...
Dalystar.co.uk 19. mars 2022
==========================
Russia is running out of its own stocks (af skotfærum) as fast or faster
ForeignPolicy.com 4. maí 2022
==========================
Russia running out of weapons
DailyTrust.com 9. maí 2022
==========================
Exact date Putins forces will run out of ammunition in Ukraine, according to expert
mirror.co.uk 30. maí 2022
==========================

Fyrri færsla

Hvað sagði Pútín?

Rússar hafi skotið 75 flugskeytum að Úkraínu

Athugasemdir

[Guðmundur Örn Ragnarsson (IP-tala skráð) 10.10.2022 kl. 21:48]

Ég komst á tal við Úkraínska konu frá Kænugarði sem býr á Íslandi og hefur búið hér í tæp tuttugu ár. Reyndar kvaðst hún vera fædd í Rússlandi.

Hún sagðist vera á móti innrásinni frá  Rússlandi inn í Úkraínu, því hún þráði frið. En hún taldi Úkraínumenn í raun vera Rússa og aðaltungumál landsins væri Rússneska. Hún talar við börn sín á heimili sínu hér á Íslandi á Rússnesku enda hennar móðurmál.

Ég spurði hana þá hvort stríðið milli Rússa og Úkraínumanna væri þá að hennar mati borgarastyrjöld. Hún kvað já við því.

[Gunnar Rögnvaldsson, 10.10.2022 kl. 22:08]

Þakka þér fyrir Guðmundur Örn.

Mikið til í þessu. En svarið við því sem er að gerast núna er NATO-brölt stofnanavæddra Rússahatara vesturlanda inn í Úkraínu.

Rússland mun aldrei geta samþykkt NATO-aðild Úkraínu, ekki frekar en Bandaríkin geta samþykkt að Mexíkó gangi í kínverskt "varnarbandalag".

Rússar tapa ekki stríði í Úkraínu frekar en Bandaríkin tapa stríði í Mexíkó. Þannig er það bara.

Já eitt og sama fólkið að mjög miklu leyti, nema í vestustu hlutum Úkraínu sem áður voru pólsk, ungversk og rúmensk. Ungverjar misstu mikið í Trianon-samningunum 1920.

Kveðjur

[Gunnar Rögnvaldsson, 11.10.2022 kl. 00:31]

Stríð samanstanda yfirleitt af fjórum til fimm vígstöðvum:

1) Fyrst og fremst af þinginu og stjórnmálum landa, og þegar þau nægja ekki ein og sér, þá klæðast stjórnmálin einkennisbúningum og nota vopn í stað talsmáta. Stríð eru því framhald hefðbundinna stjórnmála og þar eru oftast fjórar vígstöðvar: 

1) Vígvöllurinn eða hernaður

2) Diplómatía eða stjórnmálaerindrekar

3) Hinn efnahagslegi vígvöllur

4) Áróðursvígstöðvarnar

Þar af leiðir:

1) Rússneski herinn er með yfirþyrmandi og óendalega sterka stöðu en fyrst og fremst óendanlega góða aðstöðu og bakland.

2) Diplómatía Moskvu virkar vel á meira en helming jarðarbúa.

3) Evrópa er að verða einangruð frá Rússlandi og því að falla saman í einu allsherjar heimatilbúnu sjálfskaparvíti. Rússland hefur haldið orku-lífinu í Evrópu í 30 ár. En án rússneskrar orku getur Evrópa ekki verið til sem ESB.

4) Áróðursvígstöðvarnar standa Rússum í hag því jafnvel áróður þarf að styðjast við visst magn af sannleika, og hann hafa NATO-ríkin ekki í sínum fórum. Og á vígvellinum getur NATO ekki unnið Rússa.

[Kristinn Bjarnason (IP-tala skráð) 11.10.2022 kl. 09:21]

Ég held að enginn hafi skotið sig eins mikið í fótinn eins og Evrópa með þessari árás á Rússa. En okkar fjölmiðlar tala um að Rússar séu að einangrast frá vesturlöndum. Það þarf annarlegan tilgang eða vera mjög takmarkaður til að leggja af stað í slíka feigðarför eins og evrópa hefur gert. Það er eins og hræðsla vesturlanda við Rússa hafi orðið til þess að þeir verði að kanna styrk Rússa og einhver vonarglæta að knésetja þá. Það er óskaplega dapurlegt að sjá hvernig komið er fyrir Bandaríkjamönnum sem ég leit á sem útverði frelsins í heiminum. Þeir eru orðnir einhvers konar alheimslögga sem veður yfir allt og alla á skítugum skónum.

[Gunnar Rögnvaldsson, 11.10.2022 kl. 10:05]

Þakka þér fyrir Kristinn.

Að mestu leyti er ég sammála þér.

Sjálfur hef ég þurft að rannsaka hug minn frá því að stríðið hófst því ég átti mjög erfitt með að skilja hvaðan óbragðið í munni mínum kom þegar það byrjaði. Þessi staða mála átti alls ekki að geta komið upp, en hún gerði það samt. Hef ég því þurft að taka til upprifjunar alla sögu Rússlands og minna sjálfan mig á að Rússland er ekki Sovétríkin lengur. Það er land og það mjög stórt, en að þessu sinni án sérstakrar hugmyndafræði.

Hugmyndafræðin á hins vegar heima á vesturlöndum núna. Þar býr hún og heitir glóbalismi og hún er að leika okkur mjög svo grátt. Það mátti alls ekki gerast að Rússland yrði nánara Kína en það er náið okkur. Þessi átroðningur stjórnlauss NATO í hundabandi ESB upp að landamærum Rússlands er algjörlega glórulaus og menn áttu að vita hversu alvarlegar afleiðingar slíkt myndi hafa í för með sér.

Bandaríkin virðast keyra um á eins konar eins-gírs sjálfskiptingu sem illa gengur að losa sig úr. Þau hafa aldrei háð landstríð gegn alvöru andstæðing síðan 1942 og 1950 og heldur ekki barist fyrir tilvist sinni síðan í borgarastyrjöldinni 1865. Og þau hafa ekki háð stríð án stuðnings flughersins síðan 1941, en í stríði við Rússland myndi bandaríski flugherinn ekki ráða við neitt, hvorki yfir Rússlandi né í nágrenni þess. Í raun hefur herafli Bandaríkjanna ekki barist gegn alvöru her síðan í Síðari heimsstyrjöldinni og Kóreustríðinu.

En Síðari heimsstyrjöldina unnu Rússar fyrir okkur í Evrópu með því að ganga frá 4 af hverjum 5 hermönnum sem nasistar Þýskalands misstu. Rússar afvopnuðu þannig Hitler. En í þeirri herferð missti Rauði herinn 30-falda stærð bandaríska hersins eins og hann var í stjórnartíð Ronalds Reagans, en sigraði samt. Tvö þúsund skriðdreka á mánuði framleiddi Rússland þá, og framleiddi jafnframt helming allra stórskotaliðsvopna Bandamanna.

Undanfarin 15 ár hef ég iðulega verið kallaður Kanadindill og Ameríkuagent. Í dag er ég hins vegar kallaður fasisti fyrir að vilja skilja stöðuna og skrifa um hana. En því heiti eru allir kallaðir sem hlýða ekki stjórnarfari götunnar þessi árin.

Bandaríkin hafa eytt of mikið af sjálfum sér í óþarfa. Sú stefna hefur tært þau upp að innan og þjóðin þar er orðin þreytt á átakaeyðslunni í hluti sem eru ekki endilega brýnir hagsmunir hennar sjálfrar. Bandaríkjamenn sjálfir hafa alltaf verið mótfallnir því að vera heimsveldi, hvað þá alheimsveldi.

Kveðjur

[Rúnar Már Bragason, 11.10.2022 kl. 10:40]

Erfitt er að segja hverjar afleiðingar þessa stríðs verða en það væri ánægjulegt ef globalisma og loftlagsmálum yrði kastað á hauganna sem verstu fyrirbærum mannkynssögunnar.

Eins og hefur komið fram að ofan þá er Úkraína, eins og hún er merkt í dag, samansafn af fólki sem á enga samleið. Landið stendur í sömu stöðu og Tékkóslavíka og Júgóslavía voru í á tímum sovétríkjana. Samansafn af fólki sem átti enga samleið og aðeins haldið saman af því að einhverjir pólitíkusar fjarska fjarri fannst það sniðugt.

[Gunnar Rögnvaldsson, 11.10.2022 kl. 10:54]

Verð að bæta því hér við að það voru ekki bara þýskir nasistar sem réðust inn í Rússland. Hitler átti mikið af bandamönnum í Evrópu og Miðausturlöndum og má þar telja öll þau lönd sem enn eru á fastri sporbraut um Þýskaland í Evrópusambandinu, plús allan Íberíuskagann. Dæmi:

860 þúsund Ungverjar börðust með þýska nasistahernum gegn Rússlandi. 350 þúsund þeirra voru drepnir og hálf milljón fór í fangabúðir.

94 þúsund Ítalir börðust með þýska nasistahernum gegn Rússlandi. 45 þúsund voru drepnir og 48 þúsund fóru í fangabúðir.

680 þúsund Rúmernar börðust með þýska nasistahernum gegn Rússlandi. 480 þúsund voru drepnir og 210 þúsund fóru í fangabúðir.

86 þúsund Finnar börðust með þýska nasistahernum gegn Rússlandi. 84 þúsund voru drepnir og 2400 fóru í fangabúðir.

[Gunnar Rögnvaldsson, 11.10.2022 kl. 11:08]

Þakka þér fyrir Rúnar

Öl lönd eiga það sameiginlegt að þau eru aðeins þremur máltíðum frá innri upplausn, eins og Lenín á að hafa orðað það.

Það styttist því í síðustu kvöldmáltíð Evrópusambandsins því um var bara að ræða ófriðarbandalag og varðveislustofnun fátæktar.

Sem dæmi má nefna að á síðustu 12 árum hefur íslenska hagkerfið vaxið um 103 prósentur í Bandaríkjadölum talið á meðan ítalska hagkerfið hefur minnkað um þrjú prósent á sama tímabili.

Reyndar hafa öll Norðurlöndin gefið svakalega eftir gagnvart Íslandi, svo ekki sé talað um særstu taparanna Þýskaland og Frakkland, með aðeins 24 og annars vegar 11 prósent hagvöxt á þessum síðustu 12 árum.

Hvað Gulu vestin gera næst í Frakkland og vinstri-hryðjuverkasveitir Þýskalands gera í því landi, er ekki gott að segja.

Kveðjur

[Símon Pétur frá Hákoti (IP-tala skráð) 11.10.2022 kl. 13:29]

Merkilegt með mann eins og Björn Bjarnason, heila ríkisstjórnar grænslepjubandalagsins, hvað hann virðist vita lítið um hvað var skrifað í Moggann á sínum tíma. Hann sem vann þar þó lengi. 

Og eins að hann virðist ekkert vita um sögu Rússlands og orð Kissinger þar um.  Skyldi hann álíta bæði Moggann og Kissinger ljúga? 

Eða skautar hann bara eftir kommisaralínu Ursulu von der Leyen, staðlaðri og heilaþvottar vottaðri beint frá Berlín?

[Gunnar Rögnvaldsson, 11.10.2022 kl. 14:50]

Þakka þér fyrir Símon Pétur.

Skal ekki segja til um Björn.

En margur maðurinn hér heima sem og erlendis er enn  dáleiddur stjarfur af austurþýsku myndastyttunni Angelu Merkel orkuinnkaupastjóra ESB-Evrópu - á milli þess sem þeir gjóa augunum á Deutsche Welle sem er eins konar áróðurs-lögbirtingarblað þýska ríkisvaldsins í vösum þýska iðnaðarins á heljarþröm.

Nú er svo komið að Ísland framleiðir jafnvel meira ál en allt meginland Evrópu til samans, því verið er loka álverum meginlandsins niður vegna orkupakka Evrópusambandsins, ásamt stálverunum. Óttast málmframleiðendur meginlandsins að hrunið verði varanlegt.

Og raforkunotkun og framleiðsla UKRENERGO í Úkraínu hefur minnkað um 50-60 prósentur síðan í febrúar þannig að það sem leppar NATO í Úkraínu sögðu um raforkusölu til ESB-landa á heljarþröm, mun ekki standast, heldur verða þveröfugt.

Hver maður með fullu viti hefði átt að sjá hversu mikil þvælan var sem ollið hefur upp úr Kænugarðsmönnum í þeim efnum síðustu 7 mánuðina.

Kveðjur