ESB framleiðir engin bóluefni. Óvinsældir Bidens aukast [u]

Mynd: pólitískur evruupptakari

****

Stjórnmálamenn og ríkisstjórnir framleiða ekki bóluefni

Evrópusambandið framleiðir ekki bóluefni. En það hindrar framleiðslu þeirra og drepur fólk þannig óbeint

Nei. Það eru fyrirtæki sem framleiða bóluefni

Og þau gera það til að græða peninga og þekkingu á því. Annars hefðum við engin bóluefni í dag. Græðgi einkaframtaksins skaffaði okkur bóluefni gegn kínversku Wuhanveirunni

Hagnaðarvonin til lengri tíma litið skaffaði okkur bóluefni, ásamt grjótharðri samkeppni milli einkafyrirtækja, sem nutu stuðnings þjóðkjörinna ríkisstjórna þjóða, en ekki óþjóða

Ísland er án bóluefna vegna þess að stjórnmálamenn okkar gátu ekkert og gerðu ekkert. Gátu og gerðu ekkert ekkert og ekkert í bóluefnamálinu. Ekkert er svo gott sem það eina sem þeir hafa sýnt að kunna þar. Heilbrigðisráðherra þjóðar ætti aldrei að vera hvorki hálf- né heilkommi. Hann ætti umfram allt að vera stórkapítalisti og helst að hafa prófað gjaldþrot

Evrópusambandið er andkapítalistísk og umboðslaus elítusamsteypa hinnar stjórnlausu pólitísku elítugræðgi, sem er hundrað sinnum verri en flest annað

Sambandið er umboðslaus ófreskja sem ekki hægt að kjósa burt. Sú græðgi á ekkert skylt við hina góðu græðgi eiginhagsmuna og framfara þjóða, og einstaklinga hennar, sem oft eru hluthafar líka, fyrir utan það að vera bólusettir ríkisborgarar, sinni stjórnmálamen störfum sínum og standi við sitt

Geri þeir ekki það, verða þeir kosnir burt

Viðtal Telegraph við kapítalistann Kate Bingham sem sá um bóluefnismál Stóra-Bretlands, þ.e. var verkefnisstjóri bresku ríkisstjórnarinnar í bóluefnamálum, og stóð fyrir öllu frá A til Ö, er mjög svo athyglisvert og lærdómsríkt fyrir okkur öll - en þó einkum fyrir heilbrigðisráðherra sem er kommi. Hún var ráðin með einu símtali og enginn annar var spurður né hvað þá leitað til bráðdrepandi ráðningarnefndar um neitt: Kate Bingham exclusive interview: "EU leaders undermining the vaccine are completely irresponsible"

Hún býr í Wales, uppi í sveit, og á ekki sjónvarp, en hins vegar mann og þrjú börn. Þaðan vann hún verkið stóra fyrir Boris Johnson og Stóra-Bretland, á næstum núll komma fimm

Stjórnsýslan í 101 allra borga og Wall Street, eiga það sameiginlegt að framleiða lítið annað en hávaða og læti. Nóg er að koma þangað einu sinni á ári

NÝR FORSETI VESTANHAFS?

Hinumegin Atlantsála hefur nýr(?) Joe Biden forseti nú setið við sennilega illa fengin völd í 46 daga. Um nýja tegund forseta Bandaríkjanna virðist vera að ræða. Man hann til dæmis hvorki hvað Pentagon er, né hvað það gerir. En þar eru aðalstöðvar varnarmálaráðuneytis Bandaríkjanna til húsa. Og forsetinn man heldur ekki hvað yfirmaður hersins sem hann sjálfur fer fyrir heitir. En ekki nóg með það, þá tókst þessum nýja forseta úr röðum Demókrata ekki að komast um borð í flugvél sína nema með því að detta þrisvar sinnum á hausinn á leiðinni upp í hana

Hvað skyldu valdamenn Kínverska kommúnistaflokksins hugsa núna? Að stofna til óþarfa freistnivanda í utanríkismálum hefur ávallt reynst hættulegt og sérlega slæmur fyrirboði. "Ég hitti þá, og ég sá þá, og þeir voru ormar" sagði Hitler eftir fundinn í München þann 30. september 1938. "Ég hefði getað lamið hann [Chamberlain] í hausinn með regnhlíf hans. "Vesalingar og ormar" var það eina sem kom út úr þeim fundi eins og þessum þarna í Alaska um daginn. "Þarna er ekkert að óttast" hugsaði herra Hi á síðustu öld - og sennilega líka herra Xi á þessari

Séu frammistöðutölur Rassmusen Reports um Joe Biden á fyrstu 46 dögum hans í forsetaembættinu skoðaðar, og bornar saman við sömu tölur um Donald J. Trump á hans fyrstu 46 dögum í sama embætti, þá fæst sú niðurstaða að samanlagt eru bandarískir kjósendur næstum tvöfalt meira umfram-óánægðari með Joe Biden á fyrstu 46 dögum hans í embættinu, miðað við 46 fyrstu daga Donalds J. Trump sem forseta Bandaríkjanna

Sé daglegur mismunur á mjög ánægðum kjósendum og mjög óánægðum (e. approval index) lagður saman og deilt í með fjölda daga, þá fær Trump töluna mínus 3,22 en Biden mínus 5,63. Þarna, eins og annars staðar, virðist Biden forsetinn þegar kominn að minnsta kosti tvöfalt meira á hausinn miðað við fyrirrennara hans, og færist nú hraðinn niður þann stiga líka mjög svo í aukana

Hve lengi skyldi þessum lygum verða leyft að standa? Svar: Sennilega jafnlengi og allir stórir fjölmiðlar og félagsvefir halda bandarískum kjósendum í jafn öflugri einangrun frá forseta Bandaríkjanna eins og Evrópusambandið hélt nýlendunni Austurríki í einangrun frá umheiminum vegna stjórnmálamannsins Jörg Haider

Hvernig skyldi annars ganga með Molotov–Ribbentrop II gasleiðsluna til Berlínar núna? Um hana mun enginn umframdropi af gasi fljóta miðað við það að nota þær leiðslur sem þegar eru fyrir hendi, þ.e.a.s komist hún í notkun, og þökk sé þá stigamanninum Biden

Fyrri færsla

ESB kynnir enn eina leiðina við að leysa ekki vandamál. Og meira vont kom í buxur ESB í gær [u]

Boða aukna framleiðslugetu á bóluefnum

Athugasemdir

[Halldór Jónsson, 28.3.2021 kl. 18:55]

Heimsfriðnum stafar hætta af heilsuleysi og hrumleika Bidens

[Theódór Norðkvist, 28.3.2021 kl. 21:32]

Það er aðeins ein skýring sem kemur til greina af hverju sá sem situr í Hvíta Húsinu núna, situr þar - eða réttara sagt liggur, hann kemst varla úr sporunum.

[Gunnar Rögnvaldsson, 29.3.2021 kl. 09:38]

Þakka ykkur fyrir Halldór og Theódór.

Já það er hættulegt að gefa andstæðingum sínum tilefni til að draga rangra ályktanir. Slíkt hefur startað miklum ófriði.

Kveðja

[Helga Kristjánsdóttir, 29.3.2021 kl. 22:47]

Það eina sem gladdi mig um helgina umfram það að hafa samband við börnin mín,var lestur Reykjavíkurbréfs Davíðs. Þar kom Joe lítillega við sögu m.a.í lýsingu hans á veiru sprautu höllinni. 

[Gunnar Rögnvaldsson, 29.3.2021 kl. 23:23]

Já Helga. Og með "hangandi hendi". Þá sprakk ég.

Kveðja