Samhæfð árás ESB-landa á bóluefni AstraZeneca [u]

LÍFSBJÖRG BÖNNUÐ

Ekkert lát er á árásum ESB-landa á breska Oxford/Spitfire bóluefnið frá AstraZeneca. Tvö gervihnattalönd, Danmörk og Austurríki, með allt niður um sig í bóluefnismálum á sporbraut þeirra um Þýskaland, riðuðu fyrst til hins pólitíska falls á vaðinu sem frussast nú upp um allt og alla í Evrópusambandinu, og er að breytast í jökulhlaup. Þar næst riðu Þýskaland, Frakkland og Ítalía út, og lýstu pólitískt munnfrussandi yfir stundarfrests banni á bóluefnið, til að kaupa sér tíma frá kjósendum sem þola orðið ekki lengur að heyra minnst Evrópusambandið í hinum bólupólitískum efnum krónískrar ESB-klikkunar meginlandsins. En hún er í ætt við málatilbúnaðinn sem á sínum tíma var viðhafður og byggður upp í kringum evru, sem flestir hagfræðingar töldu geðbilun (e. economic lunacy) og hefur sannað sig sem verandi einmitt það

Hér heima tók sá Þórólfur-sótti* er gerði allt rangt í byrjun faraldurs (til þess eins að þýðast faraldur ESB-þvættingsins sem þá stjórnlaust geisaði um Schengensvæðið þar til Trump drap hann) undir hinn nýja gaskút ESB-þvættingsins í gær og át ofan í sig allt það sem hann á ævi sinni hafði lært, og lítur því út sem uppblásinn ESB-gaskútur fyrir vikið, eða alveg eins og firrt Svandís-sovét gerði í DDRÚV Austur-Berlínar Reykjavíkurborgar í gær

En bæði eru uppblásin og þungt haldin af ESB-þvættingi og viðstöðulausum ESB-pólitískum hneigingum. "Vísindin" látin lönd og leið og hysterían ein og rógburður Evrópusambandslanda gegn bóluefninu höfð að leiðarljósi. Singularity svartnættis breyttist í belgmyrkur hins þýska svarthols sem gervilöndin í ESB eru á sporbraut um. En þar inni er Þórólfur því miður villtur og að ærast úr hlátrarsköllum Kára, sem stendur fyrir utan, trúr sínum vísindalegu kenndum

SÖKKIÐ

"Þessu verður ekki gleymt" skrifar Eurointelligence um aðförina í dag. En þar hefur af hreinskilni verið fjallað um allsherjarklúður Angelu Merkels og Evrópusambandsins í bóluefnismálum og rógburðarherferð þýska kanslarans og franska forsetans gegn bóluefninu frá AstraZeneca. Ástæðan er velgengni Stóra-Bretlands í bólusetningum með bóluefni fullveldisins og sem þolir ekki dagsins ljós, því hún er sönnun þess að Brexit-útgangan af egyptalandi Evrópusambandsins virkaði frá og með fyrsta degi. Þar var nefnilega búið að bólusetja 24.453.221 manns, eða um það bil 40 prósentur þjóðarinnar með fyrstu stungu bóluefna og þar af 11 milljón manns með efninu frá AstraZeneca í gær, og engin vandamál. Beint fyrir framan nefið á örkumla meginlandi Evrópusambandsins

Þar sannast að það er lífsbjörg fyrir lönd að standa utan Evrópusambandsins og að stóla á fullveldi og sjálfstæði í eigin málum. Þetta þola svo kallaðir "leiðtogar" Evrópusambandsins ekki. Og níða verður læknavísindin niður í leiðinni. Eðli Evrópusambandsins er það, að vera álíka banvænt og Sovétríkin voru síðustu áratugina sem þau héngu uppi, áður en þau og hið trúarpólitíska altari þeirra féllu saman og ofan á fólkið

==== uppfært kl. 20:25

* PS: Í upphafi faraldurs var þríeyki okkar í faraldursfræðum og sóttvörnum ekki með frumforsendu-mikilvægi landamæra Íslands á hreinu. Hvergi nándar nærri. Mikilvægi landamæra höfðu hins vegar allir dýralæknar anno 1965 á hreinu. En þá kom í ljós að Schengen bannaði að viðhafðar væru sóttvarnir á svo kölluðum innri landamærum svæðisins og pólitískur aulafarsi hófst í málinu. Þeir ráðamenn á Ítalíu sem þá vildu loka landinu eða héruðum þess voru vændir um rasisma af kverúlöntum Evrópusambandsins og Schengen-heilastöppunnar. En þangað barst veiran til Evrópu með beinu flugi frá Wuhan í Kína. En þarna voru tillögur mínar þær að loka bæri landamærum Íslands strax og leggja hald á Miðnesheiði sem sóttvarnarsvæði, og að enginn fengi að koma inn í landið án þess að hafa verið þar í sóttkví í tvær vikur og að svipað yrði látið gilda um millilandaskip. Þá mátti ekki heyrast minnst á neitt slíkt. En síðan uppgötvaði þríeykið smám saman landamærin, tók upp vissa karlmennsku í málinu og hætti að hlusta á söng örvita um að veiran virti ekki landamæri ríkja. Og fyrst þá fóru kjarnakostir Þórólfs að njóta sín; en þeir eru að geta talað við þjóðina og fengið hana til að hlusta, því Þórólfur er fyrst og fremst samskiptamaður og þar liggja hans sterkustu hliðar í málinu. Hann á hins vegar ekki að taka þátt í hvaða dansi sem er. Sérstaklega ekki í pólitískum villimannadansi örvita ESB-klíku gegn bóluefnum. Ísland verður að losna úr þessum heljarviðjum ESB-ómennskunnar

Fyrri færsla

Já Logi. Hættum að flytja inn ESB-fátækt

Athugasemdir

[Gunnar Rögnvaldsson, 16.3.2021 kl. 19:12]

þriðjudagur, 16. mars 2021 kl. 19:12:15

Geta má þess að lyfjastofnun Ítalíu segir að um "pólitíska ákvörðun" eða "pólitískt val" sé að ræða, þegar að þessum síðustu ofsóknum gegn bóluefni AstraZeneca kemur.

Hér heima er síðan, og því miður, dansaður sá hinn sami pólitíski villimannadans ESB-landa í kringum pólitíska ákvörðun kverúlanta úti í misheppnuðu Evrópusambandi.

En við ráðningu í embætti sóttvarnarlæknis skyldi maður ætla að þær persónur sem í stöðuna veljast séu krafðar um skilríki í einhverju öðru en pólitískum ESB-villimannadansi úti í nýlendum þess.

Af hverju erum við allt í einu komin í lið með þessum villimönnum?

[Gunnar Rögnvaldsson, 17.3.2021 kl. 01:49]

miðvikudagur, 17. mars 2021 kl. 01:48:34

Í nýrri 114 blaðsíðna skýrslu bresku ríkisstjórnarinnar um utanríkis- og varnarmálastefnu Stóra-Bretlands og nýja stefnumörkun hennar í þeim málum, einkum í ljósi útgöngu Bretlands úr Evrópusambandinu, er gert ráð fyrir að annar nýr heimsfaraldur sé líklegur á því tímabili sem skýrslan nær til, eða fram til 2030.

Global health. Infectious disease outbreaks are likely to be more frequent to 2030. Many will be zoonoses - diseases caused by viruses, bacteria or parasites that spread from animals to humans - as population growth drives the intensification of agriculture and as the loss of habitats increases interaction between humans and animals. Another novel pandemic remains a realistic possibility. On current trends, global deaths related to antimicrobial resistance will rise from 700,000 to 20 million per year by 2050.

Alla skýrsluna má nálgast hér: The Integrated Review

Engir nema villimenn láta hálfgjaldþrota, sísvæsnari og sísoltnari vanþróunarríki Evrópusambandsins á barmi upplausnar um landmæravörslu sína, svo mikið er víst. Og það mun Stóra-Bretland svo sannarlega ekki gera.

[Símon Pétur frá Hákoti (IP-tala skráð) 17.3.2021 kl. 13:48]

Tek undir orð þín Gunnar.

Langar þó að nefna eitt, og það er að ríkisstjórnin hefur nú tekið þá ákvörðun

að galopna landið, með því að taka gild bólusetningavottorð, sem flest eru fölsuð

og fá má fyrir slikk á netinu.

Í því máli reynir þó Þórólfur að standa gegn brjálsemi ríkisstjórnarinnar.

Og m.a.s. einnig Samfylkingin og Flokkur fólksins, sem andæft hafa brjálsemi Bjarna, Þórdísar, Áslaugar Örnu og Svandísar.

Nú reynir á Sigmund Davíð.  Standi hann ekki einarðlega gegn brjálseminni, verji þjóðina gegn innflutningi á smitum, þá mun illa fara fyrir honum í komandi kosningum.  En skynji hann vitjunartíma sinn í þessu máli, þá fer vel.

[Símon Pétur frá Hákoti (IP-tala skráð) 17.3.2021 kl. 14:04]

Á sama tíma og ríkisstjórnin tekur þátt í samhæfðri árás ESB á Oxford/AstraZeneca bóluefnið

og fyrri bólusetningaáformum hér á landi hefur seinkað um a.m.k. mánuð vegna árásarinnar,

þá ætlar ríkisstjórnin að galopna landið fyrir hverjum þeim sem framvísar bólusetningavottorðum, sem ganga nú kaupum og sölum á netinu.

Brjálsemi ríkisstjórnar sem þannig tekur þátt í tveimur árásum gegn þjóðinni, er algjör.  Hún er beinlínis glæpsamleg.

[Símon Pétur frá Hákoti (IP-tala skráð) 17.3.2021 kl. 14:48]

Hvert er "grænasta" landið núna, skv. skilgreiningum ESB um fjölda smitaðra per. 1 milljón?

Hlýtur það ekki að vera Kína?

Trúi því svo hver sem vill.

Bjarni bankaráðsmaður kínverska innviðabankans er því að skapa forsendur fyrir því að yfir Ísland skelli holskefla kínverskra ferðamanna í sumar, með því að afnema tvöföldu skimunina á landamærum (Keflavík, Seyðisfirði og Akureyri) og taka bólusetningavottorð þaðan gild.

Og enn er stærstur hluti þjóðarinnar óbólusettur. 

Það virðast því engir nema brjálæðingar sitja í ríkisstjórn Bjarna bankaráðsmanns.

[Grímur Kjartansson, 17.3.2021 kl. 20:20]

Hér útskýrir SVT þetta sama á 3 mín
Takið eftir að sparnaðinum við að vera með ESB og fá bólefnið á 18$ í stað þess að þurfa að borga 24$ eins og Ísrael
að vísu þá er sá aukakosnaður hjá Ísrael til jafns við að loka niður landinu í 2 daga
og þessi hringlandaháttur með Astrabóluefnið veldur því að fjöldi þeirra sem ekki vilja láta bólusetja sig eykst dag frá degi

Därför hamnade EU efter i vaccineringen | SVT Nyheter

[Gunnar Rögnvaldsson, 17.3.2021 kl. 23:21]

Þakka ykkur fyrir Símon Pétur og Grímur.

Ríkisstjórnin getur ekki bara hent sér í það allt í einu núna að ganga gegn Þórólfi nú þegar hann er kominn með sitt á hreint og búinn að læra mikið og jafnvel nóg. Það getur hún ekki fyrst að hún þóttist ekkert hafa vit á neinu allt síðastliðið ár. Slíkar tilraunir til að viðhafa skítugt kosningatrix munu aðeins virka öfugt.

Og nú þegar það er ríkisstjórninni sjálfri að kenna að ekki er búið að bólusetja alla þjóðina, þá verður hún að súpa seiðið af eigin getuleysi í þeim óefnum.

Hefði heilbrigðiráðuneytið ekki verið svona algjörlega vita vonlaust í bóluefnismálum og ekki svona hryllilega fjandsamlegt einkaframtakinu, þá væri Kári búinn að redda þessu máli fyrir langa löngu með hámarks fjögurra manna vinnuhópi úr atvinnulífinu.

Ríkið er auðvitað ófært um neitt annað en að sólunda tíma og peningum annarra. Það getur ekkert frekar en Svandís sjálf. Þetta eru nú meiri vesalingarnir.

Kveðja

[Gunnar Rögnvaldsson, 17.3.2021 kl. 23:41]

Reyndar held ég að Þórólfur myndi fá 70% af öllum greiddum atkvæðum í kosningunum í haust ef hann byði sig fram sem eins-manns flokkur. Jafnvel 75% prósent.

Hvað ætla menn að gera við því. Fremja kannski pólitískt sjálfsmorð. Harakiri um ágústnótt?