Ófriður í Washingtonborg [u]

Á sama tíma og Kínverski kommúnistaflokkurinn lét handtaka 53 virkustu og lýðræðis-hlynntustu stjórnmálamenn Hong Kong, þá eyddi Angela Merkel kanslari Þýskalands og Ursula von der Leyen forseti framkvæmdastjórnar Evrópusambandsins tíma sínum í að útdeila ákúrum á forseta Bandaríkjanna á meðan þær létu Peter Stano, sem er talsmaður Josep Borrell varaforseta framkvæmdastjórnarinnar, um að tísta um framferði Kínverska kommúnistaflokksins, sem Merkel er nýbúinn að semja um "fjárfestingar" við

****

Þessi skilaboð Trumps forseta síðdegis í gær má sjá hér. Þessa færslu forseta Bandaríkjanna ritskoðaði Twitter burt

****

Vegna þess sem rætt var um í síðustu bloggfærslu og þess sem hefur verið að gerast í aðalstöðvum umboðsmanna bandarísku þjóðarinnar í dag, þá kom meðal annars þessi athugasemd:

"Gunnar; þinn maður er aldeilis að gera gott mót í höfuðborginni núna.

Þegar lögin virka ekki, þá er besta að taka þau í eigin hendur og þramma inn með stuðningsfólkið á þingið...."

ÞESSU SVARAÐI ÉG SVONA

Þakka ykkur fyrir Sigfús og Brynjar. Það er hægt að hafa ýmsar skoðanir á forsetakosningunum í Bandaríkjunum. En miðað við það sem þið vinstrimenn stóðuð fyrir hér á Íslandi eftir alþjóðlegu fjármálakreppuna, eru þetta smámunir sem eru að gerast í Washingtonborg núna

Og þetta eru smámunir miðað við það sem Demókratar hvöttu til og heppuðu áfram í Bandaríkjunum síðasta vor og sumar, þar sem vinstriskríll hertók borgarhluta og brenndi niður einkaeigur og lífsverk saklausra borgara, mánuðum saman!

En staðreyndin er samt sú að 46 prósentur bandarísku þjóðarinnar trúa því í einlægni að kosningarnar séu svikin vara. ÞAРeitt og sér ER vandamál, og sem ætti ekki að gerast

Við erum líklega að horfa á stofnanakreppu (e. institutional crisis). En samt hafa Bandaríkin ekki fallið niður á planið sem Evrópusambandið hefur verið á í 30 ár: þ.e. að krefjast þess að kosið sé aftur og aftur þegar því líkar ekki úrslit kosninga og að vinna að því frá útlöndum að ógilda þjóðaratkvæði bresku þjóðarinnar í fjögur ár

Það góða er þó það að Bandaríkjamenn munu ekki leyfa stofnanakreppukepp á borð við Evrópusambandið að þróast óáreitt í 30 ár, án þess að nokkuð sé gert og aðhafast til að stöðva hann og bæta úr málum

Þetta núna og kosningarnar 2016 þar sem Demókratar heimtuðu líka rannsókn á kosningunum og reyndu að fá þær ógiltar í að minnsta kosti þremur ríkjum, er merki um að fólk sé hætt að treysta þeim stofnunum sem á að vera hægt að treysta

Að öðru leyti vísa ég ykkur á næstu verslun þar sem snuð fyrir smábörn fást. Væl ykkar er aumkvunarvert

Uppfært:

UM STOFNANAKREPPUR BANDARÍKJANNA

Ég myndi telja að kosningasvik séu mun alvarlegri árás á lýðræði en það sem gerðist við þinghús Bandaríkjanna í gær. Munurinn á því sem gerðist í gær og á kosningakerfissvikum, er sá að það sem gerðist í gær er sýnilegt, en kosningasvik fara ósýnilega fram eins og þegar Lehmansbræðrabankinn var tæmdur án þess að neinn stæði þar í biðröð fyrir utan. Sama má segja um það þegar íslensku bankarnir voru tæmdir innanfrá. Hingað til hafa allar athafnir stuðningsmanna Trumps verið friðsamlegar, og þetta sem gerðist í gær á eftir að rannsaka. Ekki er hægt að segja hið sama um það sem Demókratar hafa stutt við bakið á síðustu 12 mánuðina. Hafa ber í huga að 19 ríki Bandaríkjanna hafa reynt að fá hæstarétt landsins til að taka málið um kosningakerfissvik í fjórum ríkjum fyrir

3. Síðasta og þriðja stofnanakreppa Bandaríkjanna snérist um að endurskilgreina hlut og hlutverk alríkisstjórnarinnar í hagkerfinu og í stríðsrekstri á erlendri grund, og þá þýðingu sem slíkt aukið hlutverk hafði á allt hagkerfi þjóðarinnar og líf borgaranna

2. Þar á undan snérist önnur stofnanakreppa Bandaríkjanna um hvort væri æðra og réði málum við úrlausn vandamála: ríkin sjálf eða alríkisstjórnin, og kom hún í kjölfar borgarastyrjaldarinnar

1. Fyrsta stofnanakreppa Bandaríkjanna snérist hins vegar um sköpun alríkisstjórnarinnar, því uppsetning ríkjasambandsins (e. Articles of Confederation) virkaði ekki

4?. Í dag erum við sennilega að upplifa endalok þriðja stofnanatímabils Bandaríkjanna. Við tekur áratugur þar sem alríkisstjórnin mun þurfa að endurskilgreina samband sitt við sjálfa sig. Hún er farin að snúast of mikið um sjálfa sig og farin að lifa sínu eigin lífi (til dæmis með því að hýsa og ala við brjóst sér "djúpríkið")

Um þetta má meðal annars lesa í nýlegri bók George Friedmans sem kom út í ársbyrjun 2020: "The Storm Before the Calm", en Friedman er ansi glúrinn geopólitískur strateg. Segir hann að stofnanakreppur Bandaríkjanna komi á um það bil 80 ára fresti, og að í hvert sinn endurnýi þau sig og komi enn sterkari út að þeim loknum

En í þetta skiptið er staðan erfið, segir Friedman, því síðasta 50 ára félags- og efnahagslega hagsveifla Bandaríkjanna er að enda samhliða því að þriðja stofnanatímabilið er að enda líka. Þar á hann við að sjálf 50-ára hagsveifla örgjörvans er að enda samhliða því að síðasta stofnanatímabilið er að enda líka. Slíkt hefur aldrei áður farið saman. Þar á undan var það 50-ára hagsveifla bílaiðnaðarins sem endaði í kringum 1965. Og á undan henni hafði 50-ára hagsveifla rafvæðingar endað, er úr henni varð daglegt brauð og hún hætti að rúma alvöru nýjungar og vöðvaafl fremstu hátekju-fjárfestingartanka veraldar

Því miður drukknaði sjálf kynning bókarinnar í því írafári sem Friedman hafði spáð, og vegna heimsfaraldursins tók það Amazon hálft ár að koma henni yfir annan helming Atlantshafsins og hingað upp í Borgarfjörð til mín. En biðin var þó vel hennar virði

EFTIRMÁLI

Enginn veit enn hvað verður hið næsta og stóra "nýjasta nýtt", en það verða svo sannarlega ekki rafhlöður á hjólum né nýjungar úr tölvunarheiminum, því einnig hann er orðinn daglegt brauð og meira að segja daglegt rúgbrauð; hann er orðinn old-low-tech. Bandaríska þjóðin er kröfuhörð á nýjungar og framfarir og sættir sig ekki við stöðnun

Að setja hjól undir miðstýrðar ríkishlaðnar rafhlöður svarar ekki einu sinni til þess er vængir voru settir á vélknúin ökutæki, sem þá urðu að flugvélum. Rafhlöður svara í raun bara til Sovétríkjanna. Þarna er ekkert nýtt að gerast, bara gamalt. Sprengimótorinn sem mengar ekkert og skilar engu ónýttu út gæti þess vegna verið á tröppunum, án þess að neinn viti neitt um það. Slíkt skellur bara á, en breytir samt engu frekar en rafhlaða eða dísill breytti neinu nema því að ný ostategund bættist við á hillurnar. Og ef hillurnar verða of sovéskar þá er bara ostur fyrir ríkisbubbana á þeim, en fólkið áfram svangt

Fyrri færsla

Farið að fara um vélstjóra kosningasvikavélar Demókrata 

Athugasemdir

[Sigfús Ómar Höskuldsson, 6.1.2021 kl. 23:02]

Gunnar, 

það er 2021 núna, 2009-13 er fyrir nokkrum árum.

Ekki leika fórnarlamb, það fer ekki svona kláru fólki eins og þér og mörgum þinum gestum.

Ekki réttlæta tilraunina til valdaránins á þinginu hjá USA í kvöld með öðru ofbeldi. Klárt fólk eins og þú átt að vita betur.

Þinn maður, taparinn Trump sem þú hefur stutt einlæglega gengur enn lengra, gengur of langt.

Þú mátt svo sem réttlæta þennan verknað áfram. 

Óklókt en svo eru einfaldlega sumir klárari en aðrir.

Ég er ekki svona klár.

[Ívar Ottósson, 6.1.2021 kl. 23:08]

Það eru skrif þín um Trump og hanns lið sem eru aumkunarverð Gunnar.

[Gunnar Rögnvaldsson, 6.1.2021 kl. 23:50]

Þakka ykkur fyrir.

Ekki ónáða mig með væli, því ég er að borða Nóakonfekt og að borða restina af laufabrauðinu sem ég bakaði.

Kveðjur

[Ívar Ottósson, 6.1.2021 kl. 23:55]

Verði þér að góðu...Og skammastu þín....

[Grímur Kjartansson, 7.1.2021 kl. 01:32]

Hefur ESB ekki hingað til verið snöggt að samþykkja viðskiptabann á þau lönd þar sem lýðræðið er fótum troðið?

[Guðmundur Ásgeirsson, 7.1.2021 kl. 01:33]

Það eru tvö risastór vandamál við kosningar í USA.

1. Rafræn talning atkvæða (STÓR öryggishola).

2. Engin föst kjörskrá (STÓR óvissuvaldur).

Ef þetta tvennt yrði lagað og í staðinn notuð föst kjörskrá, atkvæði handskrifuð og handtalin eins og hér á landi, yrði nánast útilokað að vefengja áreiðanleika kosninga.

[Gunnar Rögnvaldsson, 7.1.2021 kl. 01:44]

Þakka ykkur fyrir Grímur og Guðmundur.

Sammála þér Guðmundur. Um 50 sjálfstæð kosningakerfi er að ræða, og án kennitalna! Skerpa þarf einnig lögin um ríkisborgararétt og þegnskap. Það er of lítil munur á íbúa og ríkisborgara. Kjörskrárnar eru sennilega í steik ásamt nýju reglunum og hvell-lögunum um póstkosningar, sem fjölmiðlar eru að reyna að endurskilgreina sem "early voting" eða að "kjósa snemma" eins og að um miðapöntun á eftirsótta tónleika eða í siglingu sé að ræða.

Það er nú það Grímur. Segi ekki meir.

Kveðja

[Ragnhildur Kolka, 7.1.2021 kl. 01:48]

Guðmundur, það má bæta við þriðja atriðinu: Skilríki, sem sanna hver þú ert.

Það sem gerðist í gær er vegna þess að milljónir manna hafa misst trúna á stofnanir landsins og þar með þingið. Þarna hafði þingið tækifæri til að koma til móts við krøfu fólks um rannsókn á meintu kosningasvindli en, í hroka sínum, kýs að gera það ekki. 

[Gunnar Rögnvaldsson, 7.1.2021 kl. 01:49]

Já; stofnanakreppa Ragnhildur.

[Guðmundur Ásgeirsson, 7.1.2021 kl. 01:53]

Varðandi skilríki er kjörskrá forsenda fyrir því að þau hafi einhverja þýðingu. Það skiptir engu þó þú sannir hver þú ert ef það sannar ekki að þú hafir kosningarrétt.

[Gunnar Rögnvaldsson, 7.1.2021 kl. 01:53]

Rétt, Guðmundur

[Theódór Norðkvist, 7.1.2021 kl. 03:45]

Það er nú bara komið í ljós að hryðjuverkasamtökin Antifa og BLM smygluðu sér inn í hóp stuðningsmanna Trump og hleyput öllu í bál og brand, til að láta stuðningsfólk Trumps líta illa út.

https://www.thegatewaypundit.com/2021/01/trump-protestors-inside-capital-today-evidence-shows-werent-trump-supporters/

Þannig að bloggfærslan er áfram rétt, þetta er ekki sambærilegt við húsbruna og stórfellda eyðileggingu eigna BLM-hyskisins, en BLM-hyskið stóð fyrir þessari vægari útgáfu af sjálfri sér.

Sama liðið og kom Joe Beijing til valda, gangi honum vel að hemja BLM og Antifa þegar þau vilja innheimta greiðsluna fyrir stuðninginn.

[Theódór Norðkvist, 7.1.2021 kl. 03:46]

Skoðið myndirnar sem fylgja fréttinni. Hvaða stuðningsmaður Trump myndi vera með húðflúr af hamar og sigð, merki Sovétríkjanna. Það er álíka líklegt og að Gyðingur sem lifði af helförina hefði húðflúrað hakakross á handarbakið á sér.

[Gunnar Rögnvaldsson, 7.1.2021 kl. 06:28]

Þakka þér fyrir Theódór.

Þetta kæmi mér ekki á óvart.

Og ekki er hinn blástimplaði skríll Twitter-barónaveldisins að fela óskir sínar um að stuðningsmenn Trumps séu líflátnir á staðnum.

Kveðja

[Ingólfur Sigurðsson, 7.1.2021 kl. 07:11]

Ég vil benda ykkur á ágætan pistil Þórdísar Bjarkar Sigurþórsdóttur hér á blogginu um "The Great Reset", sem er ekki lengur samsæriskenning eða ágizkanir heldur veruleikinn sjálfur, eins og sjá má ef maður gúgglar hugtakið. 

"The Great Reset" er áætlun um miklar samfélagslegar breytingar þar sem einstaklingsfrelsið er stórlega minnkað, því eiginlega rænt. Þetta er sönnun þess að Trump er sá sem berst gegn þessum jafnaðarfasisma í okkar heimshluta en ekki andstæðingar hans, Demókratar og fleiri slíkir, sem vilja ná heimsyfirráðum, og eru við það að ná heimsyfirráðum. 

"The Great Reset" sannar einnig að kommúnisminn er ekki dauður, hann lifir góðu lífi meðal fjölmenningarsinna, í Evrópusambandinu kannski aðallega og Kína.

Yfirleitt eru valdarán fordæmd. Hér er þó ekki allt sem sýnist. Valdataka Bidens og Harris er valdarán, bara á bakvið tjöldin, en baktjaldamakk og svik sem erfitt er að sanna, þetta eru einkenni jafnaðarfasistanna, sem eru hættulegri en nazistar og kommúnistar fortíðarinnar, því þeirra aðferðir eru lúmskari, koma aftan að frelsi fólks, réttindum og möguleikum.

Þetta er því allt stórt leikrit. Á bakvið tjöldin gerist eitthvað annað. Valdaræninginn Trump gæti verið verndari lýðræðisins þótt hann verði fordæmdur af flestum.

Hvað verður hægt að segja eftir 4 ár eða meira, ef stjórnkerfi framtíðarinnar undir Biden og Harris verður ekki stjórnkerfi mannréttinda og lýðræðis, heldur boða og banna, yfirstjórnar, hafta og þesskonar hryllings sem við þekkjum úr framtíðardystópískum skáldsögum? 

Þá verður Trump hylltur sem sá sem hefði getað afstýrt hörmungunum.

[Gunnar Rögnvaldsson, 7.1.2021 kl. 07:18]

Þakka þér fyrir Ingólfur.

Sem betur fer lætur heimurinn ekki að stjórn og tel ég því að úti sé um svona samsæriskenningar.

En þær spretta ávallt fram, eins og til dæmis kakkalakka-kenningar í peningamálum, sem skríða upp á yfirborðið aftur og aftur er fjármálakreppur troða andlitum sínum fram í mannkynssögunni.

Þannig lít ég á það.

Kveðjur

[Sigfús Ómar Höskuldsson, 7.1.2021 kl. 09:06]

Það eru óstaðfestar fréttir að mótmælin og ofbeldið í og við Capitol Hill hafi verið stýrt úr Efstaleitinu, að ESB hafi borgað brúsann, Soros hafi séð um veitingar og Jóhanna Sig og Steingrímur hafi stýrt fjöldasöng.

Píratar hafi svo séð um öll skemmdarverk innanhúss.

Ótrúlegt bara......eins og margt rantið hér hjá gestum þínum Gunnar.

P.s Kolka, land sem enn getur ekki haldið utan um rafræna reikninga á milli ríkja, hvað þá innan ríkja, á það að vera með fullbúið kosningakerfi, af því að einhver meinatæknir á Fróni veit bezt ? 

[Gunnar Rögnvaldsson, 7.1.2021 kl. 13:07]

Sigfús.

Eina röflið (e. rant) sem ég hef séð frá kærkomnum gestum mínum hér er frá þér. Hvernig skyldi standa á því?

Enginn trúði "samsæriskenningum" sumra um heimsfjármálahrun árið 2006. En það varð samt stuttu síðar.

Og hver hefði trúað á heimsfaraldur fyrir bara tveimur árum?

Og hver hefði trúað því að Samfylkingin myndi fá 30 prósent atkvæða í kosningunum 2009 og síðan 5,7 prósent sjö árum síðar?

Stundum er ekki allt sem sýnist, nema þá helst þú. 

Og þar sem þú nefnir "rafrænar yfirfærslur" þá er lítið sem ekkert eftirlit með þeim rafrænu yfirfærslum sem lönd Evrópusambandsins og sambandið sjálft gera yfir til einræðisríkja á borð við Kína. Sú gagnrýni kom frá German Council on Foreign Relations og sem bendir á að Bandaríkin hafi miklar áhyggjur af þessu.

Kveðjur

[Helga Kristjánsdóttir, 7.1.2021 kl. 15:18]

 Ég horfði á skilaboð Trumps forseta í norska sjónvarpinu í gær,þar sem hann hvatti mótmælendur að fara heim,nokkuð sem þú birtir hér efst í færslunni.Það er ótrúlegt að Twitter skuli henda henni út og sýnir við hvaða öfl er við að eiga.  

[Gunnar Rögnvaldsson, 8.1.2021 kl. 00:48]

Þakka þér fyrir Helga.

Já þetta er svona.

Stjórnendur félagsmiðla og flestra svo kallaðra fréttamiðla, en samt ekki allra, ásamt næstum öllu gáfumannafélaginu, hafa látið hafa sig í hluti sem þeir áttu ekki að gera: að snúa blinda auganu að vinstrinu og einblína aðeins á þá sem standa ekki með í þeirra flokki. En það hefur verið þannig allt kjörtímabil Trumps forseta - og nú sauð upp úr. 

Kveðjur