Kva? "Sænska leiðin" var þá bara eins og hin "finnska leið" Jóhönnustjórnarinnar

Um frétt mbl.is: "Sænska leiðin kvödd"

Mynd; Eurointelligence: Verðhlýnunarspár verðbólguspár ECB-aukaseðlabanka Þýskalands í ESB. Blá lína er veruleikinn. Rauðar línur eru spár seðlabankans (út í loftið). Um það bil 100 þúsund manns starfa í seðlabankakerfi evrunnar í andaglasinu. (PS: ég er þó ósammála niðurstöðu W.M., því vélaspádómskerfi kerfisarkitekta og forritara verða heldur aldrei betri en þetta hrafnaspark prófessora þarna á myndinni, með broddgölt í bakgrunni)

****

Hvurslags er þetta!

Er sænskum langlegu-krötum hætt að líka "fjölbreytileikinn" í veirumálum? Ætla þeir virkilega að fara gera upp á milli veira og reyna að útiloka kínversku Wuhan-veiruna sem lenti með beinu flugi kínverskra þræla frá Wuhan á Norður-Ítalíu í september 2019, og blés sér síðan óheft yfir í 50 önnur lönd Evrópu með aðstoð Schengen-útópíunnar? Í Schengen-heilastöppunni þar sem þeir á Ítalíu sem vildu gera eitthvað í málunum voru ásakaðir um að vera "rasistar"

En þegar þann 13. janúar 2020 gerði Trump forseti ljóshraða-samkomulag við hið bandaríska Moderna um þróun bóluefnis – og var svo stuttu síðar einnig ásakaður um "rasisma", því hann skellti í lás á kínversku Wuhan-veiruna um þær mundir - meðal annars með þeim afleiðingum að Bjarni Ben og Guðlaugur Þór hoppuðu út úr veruleikanum, og hafa varla sést síðan. Trump sá að vitleysingjahælið ESB-Schengen myndi ekki aðhafast neitt og lokaði því á það eins og það hafði lagt sig sem ein heilsteypt blokk bjána

Síðan þegar ESB lokaði þá lokuðust Bjarni Ben og Guðlaugur Þór inni í sjálfum sér og sprautuðust inn í veruleika Schengenfangaklefans, þar sem þeir höfðu fætt af sér þriðja orkupakkann árinu áður - á meðan álíka galinn ferðamálaráðherrann hafði mestar áhyggjur af fækkun kínverskra ferðamanna til Íslands. Það er ekki einu sinni hægt að láta sig dreyma firru þessa fólks í miðjum tremma. Maður skammast sín fyrir að þetta fólk skuli þykjast vera í flokki með okkur sjálfstæðismönnum Íslands

Og nú þegar búið er að kála sex þúsund Svíum á heimavígstöðvum sóttvarnarstofnunar Evrópusambandsins í Stokkhólmi, á þá bara sí svona að gefast upp?!! Af hverju ekki að kála fleirum en þeim sex þúsund Svíum sem þegar eru látnir, þannig að staðan í 10,1 milljón manna landi Svíþjóðar verði meira en 4,7 sinnum verri en samanlögð dauðsföll hafa verið í 16,6 milljón manna samanlögðum löndum Danmerkur, Finnlands og Noregs - á sama tíma. Plús það að vera með mesta efnahagssamdrátt þessara fjögurra landa á öðrum fjórðungi ársins. Hvað er að?

Mynd, Fria Tider: Minnisblöð málgagns sænskra sósíaldemókrata

****

Hvað!

Ætla hinir sænsku sossar góða fólksins og sem studdu svo dyggilega við bakið á Adolf sameiningarmanni Evrópu, bara sí svona að gefast upp á "sænsku leiðinni" núna?! Hvað með Stalín? Af hverju ekki prófa hann fyrst, áður en gefist er upp á sænsku þvælunni

Og; af hverju þraukuðu sænsk "stjórnvöld" að minnsta kosti ekki jafnlengi og hinn þýski ECB-sogrörsseðlabanki Evrópusambandsins ofan í önnur evrulönd hefur þraukað í útgáfu verðbólguspáa, sem allar hafa reynst algjörlega út í sama hrópandi hallelúja-hött og spár svo kallaðra talnavísindamanna um fjármálamarkaði, Brexit, tvennar kosningarnar í Bandaríkjunum, loftslag jarðar og heimsfaraldurinn núna. Spár sem allar hafa reynst hinn fullkomni og ýtrasti últra-þvættingur. Allt saman hámenntaðir "vísindamenn" með tölvur og líkön sín þar innanborðs, en sem öll hafa reynst allsherjar ónýt og ofborgarður húrrandi þvættingur af allra hugsanlegu verstu sort. Algjör þvæla frá upphafi til enda

Ja hérna

Fyrri færsla

Lögin og bandarísku forsetakosningarnar

Átta manna samkomubann í Svíþjóð

Athugasemdir

[Helga Kristjánsdóttir, 17.11.2020 kl. 00:51]

Flottur... Almættið stöðvar leikinn áður en hann verður hildarleikur,
Fullkomin VAR-SJÁ er rétt eins og þú sérð hana; það er ekki einu sinni hægt að láta sig dreyma firruna"-------- 

[Gunnar Rögnvaldsson, 17.11.2020 kl. 01:35]

Þakka þér fyrir Helga.

Mér er sagt að Bjarni Ben sé kominn í sóttkví og neiti að hitta neinn þingmanna flokksins sem hann heldur að þeir haldi að þeir séu í.

Símstöð Sigríðar og Brynjars við sænskt fólk að handan og sem nýlega tók til starfa, ku annast samband flokksins við umheiminn á meðan.

Kveðja

[Helga Kristjánsdóttir, 17.11.2020 kl. 01:54]

 Nýtt SÍS -samband íslenskra sjáenda.

[Benedikt Halldórsson, 17.11.2020 kl. 17:09]

Samkvæmt fréttum er neyðarástand í Svíþjóð og ALLIR eru að deyja. RÚV segir að 42 hafi dáið í gær sem er að vísu lygi en allur fréttaflutningur allra miðla er yfirgengilegur hræðsluáróður en meiningin er auðvitað góð eins og þegar börnum var sagt frá tröllum svo að þau færu sér ekki að voða? 

 

[Gunnar Rögnvaldsson, 17.11.2020 kl. 19:40]

Þakka þér fyrir Benedikt.

Athugaðu að sænsk yfirvöld birta ekki tölur um smit og dauðsföll samdægurs. Þau breyttu framgangsmátanum, þannig að kortið sem þú vísar í er að minnsta kosti einum degi á eftir. Sænsk yfirvöld segja að frá því á föstudag hafi 61 Svíi látist og 15 þúsund manns greinst með veiruna.

Búast má því við sömu holskeflu af dauðsföllum og í vor, því núna eru tilfellin mögrum sinnum fleiri og éta þar með upp þann árangur sem náðst hefur í meðhöndlun sjúklinga.

Og svo er annað. Kúrfa dauðsfalla rís ekki samhliða því að kúrfa nýrra tilfella rís. Það tekur tíma að veikjast, og það tekur tíma að vera veikur og það tekur tíma að deyja.

Svo er heldur ekki hægt að bera tímaás atburðarrásarinnar núna saman við tímaásinn í vor, en þá var enginn aðdragandi. Fólk sturtaðist bara beint inn á sjúkrahúsin fyrirvaralaust og settu þau á hliðina. Ekkert var þá skimað.

Þannig  að Svíar eru á leið inn í hroðalega tíma á ný. Massíf flóðbylgja af nýjum tilfellum og síðan dauðsföllum er á leiðinni.

Aðeins bjánar taka þessu ekki grafalvarlega og eru að gæla við andaglasapartý sunnudagafyrirbæranna Sigríðar og Brynjars  í þessum efnum. Þeir sem taka þetta ekki alvarlega eru úti að aka.

Kveðjur

[Ómar Geirsson, 18.11.2020 kl. 09:29]

Vel mælt Gunnar.

Og þessi athugasemd þín til Benedikts sem ég hélt væri orðinn Pírati á gamals aldri, en er farinn að efast að svo sé, er það góð að hún sem slík ætti að birtast sem víðast því hún útskýrir nákvæmlega kjarna þess sem við er að glíma.

Svíarnir eru á mörkum þess að dánartölur þar séu að komast í veldisvöxt.  Slíkan veldisvöxt má sjá hjá Tékkum þó ég nenni ekki að peista myndina, og mér sýnist að slíkur veldisvöxtur sé kominn á Ítalíu, og líklegast Frakklandi.

Á Bretlandi er vöxturinn ennþá í línulegri aukningu en enginn veit um næstu daga.

Svo að leita með logandi ljósi af einhverju sem gæti ennþá staðfest bábiljuna um að þetta sé ein tegund af umgangspest eða flensuskratta er hjákátlegt svo ekki sé meira sagt.  Eða eiginlega bara aumkunarvert.

Síðasta vígi forherðingarinnar féll þegar Stefán Löfven játaði mistök og tilkynnti sambærilegar aðgerðir og í öðrum löndum.  Reyndar með alls konar réttlætingartali en niðurstaðan sú sama.

Mistök voru gerð og þau  á að leiðrétta.

Eftir standa nátttröllin, eins og það var nú kalt í nótt, hátt í 13 stiga frost í Víðidalnum.

Hvað er að því að segja sorrý, ég hafði rangt fyrir mér??

Og hætta að vera úti að aka.

Kveðja að austan.

[Gunnar Rögnvaldsson, 18.11.2020 kl. 09:50]

Þakka þér Ómar.

Mikið rétt. 

En ekki veit ég hins vegar hvað gera á við fuglahræðusafn flokks míns á eftir. Teiknaðir vendir sópa ekki vel, nema þá kannski sjálfum sér burt.

Verst að C-vítamín skuli ekki duga á krónískan dómgreindarskort fuglahræðusafns flokks míns.

Kveðjur

[Gunnar Rögnvaldsson, 18.11.2020 kl. 14:43]

Fréttir frá Svíþjóð segja að 96 manns hafi látist úr kínversku Wuhan-veirunni á síðasta sólarhring. Og 4007 ný tilfelli greindust á þessum eina og sama sólarhring.

Eru þá 6321 látnir á sænsku leiðinni til... tja... ég veit ekki hvert.

[Benedikt Halldórsson, 18.11.2020 kl. 17:48]

Sæll Gunnar. Einhver fréttamaður misskildi. Það dóu 96 úr covid í Svíþjóð, ekki á einum sólarhring, heldur á einni viku. Heimild.

 

[Gunnar Rögnvaldsson, 18.11.2020 kl. 18:31]

Þakka þér fyrir Benedikt.

Þetta er víst enn flóknara en svo, segir SVT. Aukningin um 96 látna af veirunni sem tilkynnt var um í dag, kemur ofan í þær tölur sem þegar hafa verið birtar um dauðsföll frá 30. október til 17. nóvember. En stærstur hluti er þó frá undanförnum fáum dögum. Og þegar tilkynnt er, þá er þetta tilkynnt sem ný dauðsföll. Þessi dauðsföll voru sem sagt ekki skráð sem Wuhanveiru-dauðsföll fyrr en nú.

Þessi framgangsmáti var tekinn upp fyrir nokkrum mánuðum síðan. Svipaðar aðferðir eru viðhafðar á Spáni. Enginn veit því með vissu hve margir deyja af veirunni á dag í Svíþjóð, fyrr en eftir vissan tíma. Tölurnar eru hlaupandi uppfærðar aftur í tímann (tölur Worldometer uppfærast líka aftur í tímann).

Það var sem sagt ekki búið að tilkynna þessi dauðsföll fyrr en nú.

Hve margir létust á einmitt síðustu 24 tímum er því ekki vitað enn, og verður ekki hægt að vita fyrr en eftir kannski 30 daga.

Kveðjur

[Gunnar Rögnvaldsson, 18.11.2020 kl. 18:39]

En þú ert greinilega ekki einn um að hafa tekið eftir þessu Benedikt, fyrst að SVT neyddist til að koma með smáa letrið kl 17.07 þarna á textarúllunni.