Úrslit enn ókomin vestanhafs [u]

Forsíðufyrirsögn Wall Street Journal að kvöldi fyrsta nóvember, rúmum sólarhring fyrir kosningar; "Trump er 10 prósentustigum undir Biden á landsvísu". Svona hafa stærstu fjölmiðlar og gervihnettir þeirra um öll Vesturlönd litið út mánuðum saman. Þynnstir allra í flestum þjóðum. Samt hefur mér þótt WSJ það skásta sem völ er á

****

Það er víst óhætt að segja að úrslitin í forsetakosningunum í Bandaríkjunum séu enn óráðin gáta. Spá mín um stórsigur Trumps varð að veruleika um margt, en samt ekki á þann hátt að sigur hans sé í öruggri höfn, sem ég reyndar efast um að verði reyndin

Spá mín var þó betri en spá fjölmiðla. Mánuðum saman sögðu þeir og hið háskólamenntaða skoðanakannana-furðuverk þeirra að Demókratar myndu sigra með 7-12 prósentu stórsigri Bidens og fjölmiðlaveldis flokksins. En ljóst er nú og reyndar hér með margfaldlega staðfest, að þessi samsteypa þekkir ekki löndin og þjóðirnar sem þeir eiga að fjalla um og búa í sama landi með. Reyndar er leitun að öðrum eins tossahausum manna og á svokölluðum helstu fjölmiðlum Bandaríkjanna og Evrópu. Þeir virðast eins og háskólarnir vera stútfullir af grasösnum sem vita minnst allra í landinu sem þeir búa í og eiga að fjalla um, og eru orðnir eins konar sértrúarsöfnuður einbeittra blábjána sem þykjast vera vitibornir menn vegna titla

Það kæmi mér ekki á óvart ef að farið verði fram á endurtalningu í sumum ríkjum Bandaríkjanna

Stemmingin í nótt var þannig að um ca. fjögurleytið ÍST þóttust menn nokkuð vissir um að niðurstaðan yrði svipuð og 2016, nema að því leytinu að Trump myndi fá mun stærri hluta atkvæðanna en þá. Kínverska kommúnistamyntin byrjaði þá að falla og hlutabréfavísitölur vestanhafs að hækka. En svo kom Arizona sem tölfræðiteymin ákváðu að "kalla" sem komið á hendur Demókrata. Þar er talningu þó enn ólokið. Tölfræðiteymin biðu og biðu með að kalla Flórída sem verandi á höndum Repúblikana þrátt fyrir að búið væri að telja 96 prósent atkvæða. Sú tala lækkaði síðan aftur niður í 91 prósentu, sem mér þótti benda til þess að menn vissu ekki hverjir væru á kjörskrá sem skráðir kjósendur eða ekki. Ríkið féll síðan með öryggi til Repúblikana, samkvæmt þessum spám tölfræðiteymanna

En nú er bara að bíða og sjá hvað verður...

Uppfært: fimmtudagur, 5. nóvember 2020 kl. 10:21:43

Ég er farinn að hallast að því að Trump hafi ansi mikið til síns máls, þegar hann véfengir sumar þær niðurstöður sem komnar eru og hafi efasemdir um að rétt sé staðið að málum. Dæmi:

Wisconsin:

Kjörsókn í síðustu kosningum þar var:

2000: 67,01%
2004: 73,24%
2008: 69,20%
2012: 70,20%
2016: 67,34% eða 2.976.150 atkvæði

En núna er sagt að hún sé 89,25% eða 3.289.421 atkvæði sem er 310.271 meira en síðast. Er 90 prósent kjörsókn líkleg í Wisconsin? Biden á að hafa sigrað Trump þar með aðeins 20.535 atkvæðum. Skilst mér að lögfræðingar séu á leið í málið þarna

Arizona:

Þingmaður Repúblikana segir að ekki hafið verið byrjað að telja neina kjörseðla frá kjörstöðum á kjördegi er ákveðið var að lýsa því yfir að Joe Biden hafi sigrað. Spáin eða kallið var eingöngu byggt á utankjörstaðaatkvæðum. Skilst mér að talning þar hafði verið stöðvuð, plús málarekstur kjósenda sem fengu atkvæði sín gerð ógild vegna rangs penna sem þeim var fenginn af kjörstjórn

Georgía:

Þar er búið að standa lengi að 100 prósent atkvæða hafi verið talin og Trump sigrað með ótrúlega litum mun, eða ca 23.000 atkvæðum. En talning heldur samt áfram þó svo að 100 prósent sé náð. Uppfært: Forsetaframboðsteymi Repúblikanaflokksins hefur samkvæmt frétt WSJ þegar höfðað mál vegna meðferðar á póst- og utankjörstaðaatkvæðum í Georgíu

Pennsylvanía og fleiri ríki

Mér skilst að löggjafinn í Pennsylvaníu og í einhverjum fleiri ríkjum eigi að  að hafa breytt kosningalögunum um móttöku og meðferð póstsendra atkvæða vegna kínversku Wuhanveirunnar í aðdraganda kosninganna. Spurningar hafa vaknað um hvort að þær breytingar standist stjórnarskrá Bandaríkjanna

Fyrir jól?

Vegna hins ótrúlega fjölda póstatkvæða verður verulega erfitt og tímafrekt að sannreyna og kannski leita marga þá uppi sem áttu að hafa fengið þau og notað þau, til að ganga úr skugga um að þeir kjósendur séu í raun og veru til

Já við skulum kjósa aftur.. og aftur.. þar til rétt niðurstaða fæst

Og nú þegar ÖSE hefur blandað sér í málið sem enn ein ónýta fjölþjóðastofnunin í viðbót við allar hinar ónýtu stofnanir Evrópusambandsins et.al., þá hlýtur að mega gera ráð fyrir því að sú stofnun leggi til að kosið verði aftur fyrst að sum orð komu samkvæmt henni ekki rétt út úr munni Trumps. Já kjósa aftur og aftur þar til rétt niðurstaða fæst. Það eina sem þá þarf að gera er að breyta myndinni af Biden í mynd af Harris á kjörseðlinum, eins og gert var við ESB-stjórnarskránna þegar henni var hafnað og eins þegar Danir höfnuðu Marðarspelkusáttmálanum, en þó allt saman án árangurs

Og nú þegar Demókratar hafa haft rangt við í samfellt hin síðustu fjögur ár og eru margir á leið í steininn fyrir, er þá ekki allt eins líklegt að þeir hafi haldið því áfram núna í þessum kosningum? Þeir hafa sýnt af sér ótrúlega forherðingu, svo ekki sé meira sagt

Fyrri færsla

Ég spái Trump stórsigri

Athugasemdir

[Símon Pétur frá Hákoti (IP-tala skráð) 5.11.2020 kl. 11:11]

Trump er ekkert á förum.

Biden fékk 93,5% nómenklatúru greiddra atkvæða 

í Washington D.C.

Hvernig sem fer, þá er Trump ekkert á förum.

Hann mun tvitta, rokka og rugga.

Hvort sem er á vellinum, eða hliðarlínunni.

[Símon Pétur frá Hákoti (IP-tala skráð) 5.11.2020 kl. 11:24]

Hvernig stendur á því að ÖSE/ESB

er að hafa eftirlit með að rétt sé kosið

í USA?  ÖSE blessar 93,5% til Biden í D.C.

Sama "kommúníska" nómenklatúran?

[Gunnar Rögnvaldsson, 5.11.2020 kl. 11:34]

Þakka þér fyrir Símon Pétur.

Það er vegna þess að í Washington D.C. búa mýrarmenn. Þ.e. þar býr hin varanlega og fasta pólitíska stétt Bandaríkjanna, þ.e. djúp-ríkið. Þeir eru nefnilega allir Demókratar. Svipað og flokkur Vinstri grænna hér heima er flokkur ríkisstarfsmanna.

Ég hef ekki hugmynd um hvernig þetta fer allt saman né til hvers þetta ástand getur leitt. Fólki er heitt í hamsi og kjósendur þola ekki enn eina valdaránstilraun Demókrata í viðbót og það meira að segja í kjörklefanum. Við skulum vona að þannig sé ekki í pottinn búið. En þeir eiga þó allan vondan grun skilið.

Kveðja

[Gunnar Rögnvaldsson, 5.11.2020 kl. 11:39]

ÖSE kemur ekki nálægt kosningunum í Bandaríkjunum. Þeir eru bara að rífa kjaft og að auglýsa sig sem eftirlitsmenn með "kjósum aftur og aftur eða þar til rétt niðurstaða fæst".

[Gunnar Rögnvaldsson, 5.11.2020 kl. 11:43]

En hver á að hafa eftirlit með ÖSE? Ekki getur stofnun Sameinuðu þjóðanna það, því hún sjálf er að kafna úr spillingu og innvortis glæpum.

[Símon Pétur frá Hákoti (IP-tala skráð) 5.11.2020 kl. 13:04]

Já, mér virðist ÖSE/ESB eiga í nægum vandræðum með spillinguna innan eigin hirðar,

þó þeir kássist ekki á annarra manna jussur,

eins og sagt var hér áður fyrr.