Íslenska þjóðin slær hring um embætti höfðingja hennar

Þjóðfáni lýðveldis Íslendinga

****

Íslenska þjóðin kaus sér forseta laugardaginn 27. júní 2020. Sýndi þjóðin að henni er annt um forsetaembættið og áframhald þess. Hún flykktist á kjörstað þrátt fyrir yfirburðarsigurlíkur Guðna Th. hins sitjandi forseta lýðveldis þjóðarinnar, og sýndi þar með í verki að henni er annt um sjálft embættið og áframhaldandi tilvist þess. En sumir hafa viðhaft þann tón að leggja beri embættið niður, á meðan þeir eftir hentugleikum styðja með hinni hendinni við alls konar skrílsmótmælahreyfingar brotabrota kjósenda og umboðslausra samtaka, svo og einnig við umboðslaust vald erlends yfirríkis á sama tíma. Broskallalýðræði það

Þarna var enginn skríll á ferð, heldur þjóðin sjálf, og Guðmundur Franklín á hrós skilið fyrir að bjóða sig fram og staðfesta þar með tilvistarlegt réttmæti embættisins og mikilvægi þess fyrir þjóðina. Hjá honum og Guðna Th. voru engar "rangar skoðanir", heldur aðeins mismunandi, eins og vera ber. Þakka ég báðum fyrir og óska þeim heilla

Næstu fjögur árin gengur íslensk þjóð í takt hvað varðar þjóðhöfðingja sinn og vonandi gengur hann í takt við hana, því sú þjóð mæltist til þess með auknum þunga í gær - eða með fullum þunga hins mikla meiri hluta. Svo mikið er ekki hægt að segja um hið umboðslausa það sem alþingismenn lýðveldisins aðhöfðust á kjörtímabilinu, algerlega í andstöðu við þjóðina

Fyrri færsla

Hver stendur fyrir efnahagsbata? Hvar er V-laga viðsnúningur þegar hafinn?

Athugasemdir

[Óskar Helgi Helgason (IP-tala skráð) 28.6.2020 kl. 14:19]

Sæll Gunnar: sem endranær - líka sem og gestir, þínir !

Þjer að segja: síður á mjer reiðin og gremjan yfir, að þessi YFIRVERNDARI Þjófa- og illþýðis gengja stjórnmála- og embættis manna stjettarinnar íslenzku skyldi öðlazt enn frekari fylgisspekt heimsks fólks og skammsýns í enn frekara mæli, en í kosningunum 2016.

Því sáttari er jeg þó - að ná að fylgja Guðmundi Franklín að málum vitandi:: að hann tæki rösklega til hendinni, í þágu almennings, sem Guðni Th. Jóhannesson og álíka characterar honum fyrirlíta svo mjög:: innst inni, þrátt fyrir fleðulega framkomu hans og gerfi- bros, á ýmsum tyllidögum.

Næsta skrefið hjer Sunnanlands er: að krefjazt fulls aðskilnaðar sem sjálfstæðis : Árness og Rangárvalla sýslna, sem og hinna Skaptfellzku, með boði til Grindvíkinga og Vestmannaeyinga: jafnframt.

Viðbjóður - sívaxandi ágengni Reykjavíkur offors og ágengni á hendur landsbyggðinni er einmitt í boði fólks, af calíberi Guðna þessa Th. Jóhannessonar og annarra ámóta honum, Gunnar minn.

Eins og þú sjerð: erum við Eyrbekkingar ekkert þekktir fyrir að tala neina tæpitungu, þegar stórviðri meðalmennzku og ódöngunar allt of margra samlanda okkar skella á okkur með viðlíka hætti, sem niðurstöður kosninga gærdagsins, ágæti drengur.

Viðspyrnu er þarfar - að minnsta kosti, á alla vegu !

Með beztu kveðjum af Suðurlandi: engu að síður / 

[Óskar Helgi Helgason (IP-tala skráð) 28.6.2020 kl. 14:34]

.... afsakið: ritvillur nokkrar, hverjar af heipt minni sem gremju stafa, að undangengnum forkastanlegum kosninga úrslitum gærdagsins.

ÓHH

[Gunnar Rögnvaldsson, 28.6.2020 kl. 16:00]

Þakka þér fyrir Óskar Helgi.

Mér sýnist á réttskoðana-elítunni að hún telji að forsetakosningarnar hafi farið fram í DDRÚV-sjónvarpinu í gærkvöldi, eftir lokun markaða.. afsakið.. eftir lokun kjörstaða.

Það gerðu þær ekki hjá mér, heldur fóru þær fram á kjörstað. Og þar var meira að segja kaffi og heimabakað með því. En ég bý auðvitað ekki í Austur-Berlín Reykjavík.

Mér sýnist nú á svo gott sem flestu að fólk sé almennt að flýja Reykjavík, frekar en hitt, og að þjóðin sé því að flytja sig í sívaxandi mæli austur til þín. Að lítil þörf sé því að verða á aðskilnaði, þar sem höfuðborgin er nú þegar að mörgu leyti komin út úr lýðveldinu og eitthvað út í geiminn.

Hún er að minnsta kosti búin að vera í mínum huga - og sennilega ákaflega fallandi í hugum flestra, en þó alveg sérstaklega í hugum þeirra sem byggðu hana upp.

Kveðjur

[Símon Pétur frá Hákoti (IP-tala skráð) 28.6.2020 kl. 16:02]

Athyglisverð er svo sem nálgun þín Gunnar

um einhverja taktgöngu.

En þú mættir útskýra hana betur.

Einungis um 2/3 kusu, sem er eftirtektarvert.

Stemmningin fyrir Guðna reyndist því mun minni en

DDRÚV lætur í veðri vaka. 

Og var þó öllu tjaldað þar til fyrir Guðna.  

[Símon Pétur frá Hákoti (IP-tala skráð) 28.6.2020 kl. 16:18]

Svo er það spurningin stóra af hverju 

150.000 kjósa sér að ganga í takt 

undir slagorði Guðna: "Fávís lýður" 

[Gunnar Rögnvaldsson, 28.6.2020 kl. 16:27]

Þakka þér fyrir Símon Pétur.

Heilar 67 prósentur þjóðarinnar hafði fyrir því að kjósa, og Guðni Th. Jóhannesson forseti Íslands fékk enn sterkara umboð þjóðarinnar en hann hafði og er því enn meiri maður íslensku þjóðarinnar allrar, sem nú getur gert þá heiðarlegu og einföldu kröfu til hins endurkjörna forseta, að hann gangi í takt við hana og flygi henni að málum. Það er ég viss um að hann gerir, því nú er takturinn þyngri og fastari. Þjóð og höfðingi hennar.

Kveðjur

[Símon Pétur frá Hákoti (IP-tala skráð) 28.6.2020 kl. 16:53]

Skil hvað þú meinar Gunnar, en tel mat þitt á Guðna sem "þjóðhöfðingja" ansi DDRÚV legt.

Og það vekur mér talsverða undrun.

Eina góða fréttin sem ég hef fundið á vef DDRÚV 

fjallar um að Trump muni hugsanlega kalla Bannon til, enda er öllum orðið augljóst, m.a.s. Trump, að hann skíttapi nema hann fái aftur Bannon í lið með sér.  Kosningar snúast um strategíu og það veit m.a.s. DDRÚV.

[Gunnar Rögnvaldsson, 28.6.2020 kl. 17:08]

Ég hefi ekki tekið eftir því að Trump sé né muni "skíttapa", vegna þess að ég er önnum kafinn við að bíða eftir sérstakri þriggja þátta útvarpsseríu DDRÚV um forfeður og ættmenni Joe Bidens og um hann sjálfan, minnst hundrað og fimmtíu ár aftur í tímann.

Þess fyrir utan fara forsetakosningarnar vestanhafs ekki fram fyrr en í nóvember, þó svo að marklausir, jarðsambandslausir og vísvitandi óheiðarlegir fjölmiðlar þar, og hér, séu komnir inn í desember. Vika er langur tími í stjórnmálum sagði Wilson. Langur tími. Ég trúi engu sem fjölmiðlar segja um þetta mál. Engu. Enginn ætti heldur að trúa þeim.

[Símon Pétur frá Hákoti (IP-tala skráð) 28.6.2020 kl. 17:50]

Það er 2ja daga athyglisvert myndband á netinu þar sem Bannon ræðir um Duda og Trump.

Þér að segja Gunnar, hef ég miklu meiri áhuga á forsetakosningunum í Póllandi en DDRÚV "þjóðhöfðingja" hins "fávísa lýðs".

En ég veit að íslenska þjóðin er á varðbergi gagnvart Guðna.  Enga almenna ánægju finnur þú með hann meðal íslensku þjóðarinnar, nema helst hjá nómenklatúru júróbúrkrötunum.

[Óskar Helgi Helgason (IP-tala skráð) 28.6.2020 kl. 23:11]

Sæll sem fyrr Gunnar - sem og þið Símon Pétur frá Hákoti !

Þakka þjer: drengilegar undirtektir við minni málfylgju Gunnar / um leið: og jeg vil þakka Símoni Pétri hans vel orðuðu innslög einnig, ekki síður.

Með hinum sömu kveðjum - sem fyrri /