"Fimmta iðnbyltingin" komin í lesturinn

Ég veltist um af hlátri í hvert skipti sem hin alóþjóðlega reglustrika OECD lemst niður í lönd og hræðir svo marga upp úr skónum, að þeir þora ekki annað en að ganga berfættir það sem eftir er leiðarinnar með sjálfa sig á öskuhauganna. Þetta al-óþjóðlega rugluverk sem PISA kallast, er hugsað upp til að auka svo við veldi alþjóðaismans að engin hætta sé á að neinn þar á bæ missi vinnuna

Í tæplega 30 ár, eða frá því að þátttaka þeirra í þessari óþjóðlegu PISA-firru hófst, horfði ég á Dani engjast sundur og saman vegna þessarar PISA-tuggu um lélega lestrar- og reikningshæfni. Tuggu sem veitir skömm og sjálfsfyrirlitningu óheftan aðgang að innstu koppum í forðabúrum þjóðarsála. Enda er það tilgangurinn með þessu; að berja þjóðir ofan í sama mótið

Þessi skrípaleikur er stundaður til að berja þjóðir til og láta þær passa ofan í eina skóinn í heiminum sem enginn passar í: INTER-NATIONALISM, þ.e. al-óþjóðlega embættismannaveldið

En svo gerðist eitthvað í Danmörku sem leiddi til þess að Danir hættu að falla á prófinu. Það sem gerðist var það að þeir lærðu að taka þetta próf. Ekkert annað gerðist. Þetta geta menn líka gert hér heima og þar með hætt að naga úr sér þjóðarsálina, gengisfella allt íslenskt og sjálfa sig líka

Það er merki um heilbrigði að falla á þessu prófi. Því hví ættu til dæmis sjálfstæðir strákar að eyða tíma í að taka próf sem gerir ekkert fyrir þá sjálfa. Aðeins Svíar henda sér gagnrýnislaust yfir hvern þann pappírsbunka sem settur er fyrir þá. Hvers vegna ættum við að vera að þessu, er lausnin að farsæld í lífinu. Þannig viðhorf gera þjóðir ríkar. Áfram strákar: falla!

Þeir sem hafa trú á þessu al-óþjóðlega OECD PISA klámi, verða að læra að lesa klámblöð þess. Þau eru skattfrjáls og það verða menn ætíð að muna. Og þetta er klám og ekkert annað en al-óþjóðlegt klám. Það verða menn einnig að muna

Þegar sú staðreynd er meðtekin, ættu Íslendingar að ganga til sinna starfa og hætta að láta al-óþjóðlegar tossastofnanir taka sig niður

En umfram allt, þá er það tímasóun að þurfa að taka þátt í þessu. Því er hins vegar hægt að breyta með því að hætta þátttöku í þessum skrípaleik og snúa sér að því sem kýlir upp íslensku þjóðarsálina og þar með landsframleiðslu hennar; já kýla hana og þjóðina upp, þrátt fyrir að þurfa að burðast með risavaxinn vandamálaiðnaðinn, eins og þennan, hangandi sem steypuklossa um hálsinn

Ekkert slíkt er OECD fært um að gera, því það á ekkert land til að þykja vænt um. Þess vegna er því illa við lönd og þjóðir. Þær skal því jafna við jörðu

Hver þjóð hafi sína skóla, sínar hefðir og siði; svo að þær allar verði ekki jafnheimskar og OECD

Fyrri færsla

"Mönnum finnst"? En hvað finnst þér Bjarni?

Staða íslenskra drengja enn verri en áður

Athugasemdir

[Símon Pétur frá Hákoti (IP-tala skráð) 4.12.2019 kl. 10:29]

Sæll Gunnar

Vitaskuld er þetta PISA algjört kjaftæði.

Glóbalískt dellu búllsjitt sem einungis slepjulegir búrakratarakkar hnusa að og nota sem átyllu til að efla sjálfum sér belginginn um eigin nauðsyn til að bjarga málum, sem þeir sjálfir hafa búið til með öllu sínu glóbalíska dellu búllsjitts hnusi, og á kafi í eigin skítabixi.

Það gefur hins vegar auga leið, rétt eins og t.d. sá glöggi maður Ómar Geirsson bendir á, að þegar landið er að fyllast af útlendingum sem ekki er gerð krafa um að læri íslensku, og þeim sullað saman við okkar börn og barnabörn í einhverju íslensku PISA prófpotti, þá hlýtur meðaltal íslensku kunnáttunnar að hraka í þeim potti.

Um hina glóbalísku búrkratarakka segjum við því:

Þetta eru asnar Gunnar. 

[Gunnar Rögnvaldsson, 4.12.2019 kl. 11:14]

Þakka þér Símon Pétur fyrir þetta. Þú færð hæstu einkunn hjá mér, og ábending Ómars er einnig mjög svo góð.

En ofan í hana koma þúsund aðrar ástæðir fyrir því að tolla ber með hæstu tariffs allar lendingar stofnana á borð við OECD þegar þær sækja um lendingarleyfi hér heima. Tolla skal þá og láta þá borga upp í topp. Þetta er fólkið sem kom heiminum næstum því á hausinn 2009. Snillingarnir! eða hitt þó heldur.

Við ættum ekki láta Fitch-Ratings um menntakerfið okkar. Hvort það sé "lánshæft" eða ekki. Allir muna hvernig svona glóbal ríkisstjórnun (e. governance) í þeim geira gekk fyrir sig. Hann varð gjaldþrota og kostaði þjóðir næstum lífið, efnahagslega séð - og þar með einnig menntalega séð.

Það er enginn munur hér á og því að hleypa OECD-Ratings í menntakerfið okkar. Það má ekki gerast að íslensk ríkisstjórn og menntamálaráðherrar depóneri til OECD hvað menntakerfið okkar á að gera og geta, eða ekki geta og gera, og hvenær það á að gera hvað. Út með OECD úr íslensku menntakerfi.

Þeir sem kaupa PISA-lánshæfnina í menntamálum, þeir kaupa allt. Þeir eru auðvitað glataðir Líberalistar. Allir vita hvaða bóluefni svona stofnanir koma svo með á borð ríkisstjórna, sem "lagfæra" á það sem OECD-Ratings hefur mælt að sé að. Staðlaðir kjánar úr OECD-menntakerfum fyrir staðlað glóbal atvinnulíf, er mjög slæm hugmynd.

Þetta er þvæla út í gegn og enginn ætti að koma nálægt þessu. Þetta er algjör uppgjöf og enn eitt Ponzi skemað í glötuðum glóbalisma. Hvar er sjálfstraust manna, spyr ég. "PISA-áhrifin" (e. "the PISA effect") á menntakerfi er ekkert til að sækjast eftir. Þvert á móti. Látið ekki glepjast af pissukeppni PISA.

Hættið að ganga með hækjur bara vegna þess að aðrir gera það. Sleppið hækjunum. Það er alveg óhætt, þið dettið ekki, kæru stjórnmálamenn. Þið getið gengið, en þið verðið að sjálfsögðu að vilja það. Skríðandi stjórnmálamenn er ófögur sjón. Reynið endilega að rifja upp það sem amma ykkar sagði. Það hefur reynst vel.

Kveðja

[Símon Pétur frá Hákoti (IP-tala skráð) 4.12.2019 kl. 11:32]

Sæll Gunnar, og takk fyrir gott svar.

Eitt vil ég minnast á sem forsögu hinnar erlendu íhlutunar í menntakerfi þjóðarinnar.

Á sínum tíma, í kringum 1980, varaði sá ágæti rithöfundur og blaðamaður Indriði G. Þorsteinsson við því að hin sænska rassgatsmafía gæti yfirtekið íslenska menningu, vegna sænsk menntaðra íslenskra "vandamála" frömuða sem þá voru farnir að gera sig breiða og innleiða dellumak sitt í menntamálaráðuneytinu.  

[Kolbrún Hilmars, 4.12.2019 kl. 12:16]

Undirrituð hefur engan áhuga á slæmri Pisa-útkomu landsins, innflytjendur virðast hafa áhrif á hana, td. er Luxembourg,sem er álíka fámennt og alvöru "fjölmenningar"ríki, skrefinu lægra á listanum en Ísland.
Munurinn á stelpum og strákum (hér innanlands) er hins vegar áhyggjuefni.

[Gunnar Rögnvaldsson, 4.12.2019 kl. 12:28]

Já. Indriði var afar glöggur maður. Mikill er missir okkar þar. 

En síðan þá hefur sænskum sósíaldemókrötum tekist að temja og tæma sænsku þjóðina svo, að hún er ekki lengur við meðvitund, legga niður tungumálið, og þurrka út hina pólitísku menningu þjóðarinnar. Ekki einu sinni sovétstjórninni sálugu tókst þetta í Sovétríkjunum.

Jafnvel hugtakið "borgari" hefur fengið grunsamlegan hljóm í Svíþjóð, svo ekki sé minnst á hugtakið ríkisborgari. Það er orðið glæpsamlegt hugtak, svona eins og orðið "einkaneysla" er orðið álíka glæpsamlegt og nasismi er í grænbatikkbúrinu Þýskalandi. Öll slík neysla þar þarf fyrst að fara í gengum höfuð opinbers starfsmanna, sem ráðfært hefur sig við gúlagþjónustu OECD.

Þyrfti að lesa Flóttinn eftir Ivan Solenevitzj í þýðingu Birkilands aftur. Hef lesið hana tvisvar. Fyrst sem táningur og síðan fann ég hana aftur þegar við fluttum síðast. Á hana meira að segja áritaða af Jóhannesi sjálfum. En í þeirri bók er Svíþjóð í smíðum í Sovétríkjunum.

[Gunnar Rögnvaldsson, 4.12.2019 kl. 12:30]

Þakka þér Kolbrún

Já stelpur eru þægari og hlýðnari og kasta sér frekar fyrir pappírsbunka andskotans. 

Kveðja

[Gunnar Rögnvaldsson, 4.12.2019 kl. 12:38]

Stelpur hefðu örugglega gagn af því að lesa Biblíuna. Hún er nefnilega kennslubók í óhlýðni. Þar er fólki kennt að hlýða ekki OECD.

[Þorsteinn Siglaugsson, 4.12.2019 kl. 19:38]

Já, það er vitanlega algert aukaatriði að börn læra að lesa í skólanum. Evrópumenn kunna að lesa og þess vegna hlýtur að vera mjög slæmt að kunna það.

[Gunnar Rögnvaldsson, 4.12.2019 kl. 20:39]

Þakka þér fyrir Þorsteinn.

Ekki sýnist mér þú kunna að lesa. Það sést að minnsta kosti ekki á athugasemd þinni.

Ég efast um að nokkuð sérstakt sé að í íslenska skólanum. Allir skólar hafa vandamál.

Þó svo að einhver skattfrjáls nomenklattúra sem lifir á því að búa til vandamál, lendi hér og slái um sig með stöðluðum pappírum og alþjóðlegum messugjörðum, þá þarf það ekki að þýða neitt annað en að nemendur vilji ekki þýðast henni. Til hvers ættu íslenskt ungmenni að leggja á sig taka próf sem enga þýðingu hefur fyrir þau. Til hvers ætti íslensk æska að sýna umboðslausri nomenklattúru út í heimi áhuga? 

Ég held að það sé ekkert að hvorki lesskilningi né reiknikunnáttu íslenskra ungmenna. Og ég held að skólar okkar séu alveg ágætir, nema kannski að því leytinu að of miklum tíma er eytt í próftökur. Engin kennsla getur farið fram á meðan á prófum stendur. 

Ég gef skít í það sem nomenklattúru eins og OECD finnst um þessi mál. Þau koma henni yfir höfuð ekkert við. Það er ljótt að reyna að læða fölskum "vertu eins og ég" þvættingi að öðrum þjóðum. En það er ávallt það sem svo kölluð "structural reforms" ganga út á; "vertu eins og ég".  Þetta er kallað að læða esb-sovéskum imperíalisma inn um bakdyrnar.

Þú manst kannski eftir því að Sovétríkin duttu um koll og steindóu í menntun upp í háls.

Við viljum það ekki, er það nokkuð?

Kveðja

[Þorsteinn Siglaugsson, 4.12.2019 kl. 22:54]

Þetta er ákaflega einkennilegur málflutningur og eiginlega alveg óskiljanlegur. Þarna er einfaldlega um að ræða próf sem lögð eru fyrir börnin til að kanna getu þeirra. En þessi próf eru semsagt ómarktæk af því að þú "... heldur að það sé ekkert að hvorki lesskilningi né reiknikunnáttu íslenskra ungmenna." Og þú heldur það vegna þess eins að það er erlend stofnun sem heldur utan um þessi próf! Þá eru þau orðin að einhverju samsæri vondra útlendinga gegn íslenskri æsku, sem kann sko bara víst að lesa, alveg sama þótt hún kunni það ekki neitt!

[Símon Pétur frá Hákoti (IP-tala skráð) 5.12.2019 kl. 00:03]

Hingað er mættur Þorsteinn nokkur og segist hafa áhyggjur af reiknikunnáttu íslenskra ungmenna.  Vafalítið hefur hann litla Bjarna Ben. þar til hliðsjónar og má þá segja að hann hafi þar nokkuð til síns máls, enda fór allt á hausinn sem litli Bjarni kom nálægt í aðdraganda hrunsins.  Reikningskunnátta hans var eftir því.

[Haukur Árnason, 5.12.2019 kl. 00:21]

Síðast þegar þessi PISA umræða var í gangi, þá vildi ég fá afrit að prófinu. Fann það hvergi á netinu. Hafi samband við Menntamálaráðuneytið, nei ekki til þar. Námsfagnastofnun nei, Kennarasambandið nei. Og enginn þóttist vita neitt. Vildi sjá hvernig þetta liti út. Núna er aðgengilegt, svona úrdráttur úr mörgum könnunum, þarð að skoða þetta betur, en bl 4 0g 5 segja sitt.

https://mms.is/sites/mms.is/files/lesskilningsverkefni_daemi_leidrettir_textar_2.pdf

[Gunnar Rögnvaldsson, 5.12.2019 kl. 00:23]

Já þess vegna sagði ég að þú kynnir ekki að lesa. Lestrarskilningur þinn virðist ekki vera til staðar.

Auðvitað á erlend nómenklattúra ekkert með að prófa íslensk ungmenni, Þorsteinn. Við erum fullfær um slíkt sjálf og við gerum kröfu um að slík nómenklattúra komi ekki nálgægt menntakerfi okkar. Hún á ekkert erindi þarna inn. Ekkert.

Viltu kannski að erlendir aðilar án föðurlands sjái um próf fyrir íslensk ungmenni? Nómenklattúra sem kann ekki einu sinni íslensku, borgar ekki íslenska skatta og hefur ekki kosningarétt hér. Hefur ekkert lögmæti né getu til að vita hvað þjóðir vilja, geta og ætla. Tölfræðikontór.

Ekkert af þessari þvælu kemur inn á einkunnarblað íslenskra ungmenna. Svo hví ættu þau að hugsa um frammistöðu sína þarna?

Þó svo að esb-sovéska sendiráðið myndi senda embættismannaher sinn inn í íslenska skóla þá eiga þeir ekkert erindi þar inn. Ekkert. Nei, við sjáum um þetta sjálf.

Það er fallít-yfirlýsing á íslenskt þjóðfélag að standa í þessari þvælu. Að ætla að skýla sér á bak við umboðslausa erlenda aðila í menntamálum og láta þeim eftir að hafa bara nokkuð sem helst um menntamál íslenska þjóðríkisins að segja.

Aðeins krónískir alþjóðaaular taka mark á þessu og eyða tíma í þessa þvælu.

[Gunnar Rögnvaldsson, 5.12.2019 kl. 00:58]

Þakka þér fyrir Haukur.

Ég hlusta á það sem íslensk skólastjórn segir um skólamál okkar.

Ég hlusta ekki það sem OECD segir um íslenska skóla og nemendur. Þetta er að mörgu leyti firrt stofnun sem getur ekki einu sinni gert trúverðuga hagspá þrjá mánuði fram í tímann, né tekið hitann á því sem er að gerast.

Þetta fólk gæti ekki rekið skóla í eina mínútu án þess að klúðra henni og þeim. Þetta eru skrifborðspáfar sem gera sér ekki grein fyrir því að það er ekki gægt að bera lönd saman í þessum efnum. Flestar samskonar alþjóðastofnanir eru fullar af kjánum frá atvinnuleysisríkjum á skallanum og sem neyðast til að borga með þeim. Sprenglært fólk en kann ekkert og fær hvergi vinnu, nema þarna og þarf að borga með sér.

Þeir sem hafa til dæmis lesið úttektir þessa fólks á hinum ýmsu "kerfum", til dæmis heilbrigðiskerfum, vita vel hversu takmörkuð þessi OECD-stofnun er. Hún ætti að halda sig við poka og kíló.

Notið tímann betur en að hlusta á þetta sérfræðisölugas. Þetta eru engir sérfræðingar. Þetta er hins vegar enn ein alþjóðastofnunin sem misst hefur tilgang sinn, og sem er að leita sér að verkefnum sem gætu réttlætt áframhaldandi tilvist hennar.

OECD skapar ekki framfarir. Hún gerði það hugsanlega í upphafi, á meðan hún hélt sig við poka, kíló, metra og tonn. OECD ásamt til dæmis IMF eru orðnar alþjóðastofnanir sem frekar skapa vandræði heldur en hitt. Þær hafa misst tilgang sinn. En leita nú með logandi ljósi að hverju sem er sem þær geta hlammað sér á til að réttlæta tilvist sína.

[Húsari. (IP-tala skráð) 5.12.2019 kl. 09:42]

Sæll Gunnar!

Það er nokkuð síðan
að ég hef skemmt mér jafnvel
yfir nokkrum texta sem þessum
hér; gagnorður, kjarnyrtur,
hrein íslenska laus við ruddaskap
og hundakæti sem svo mjög vill loða við landann!

Ótalið er sem mestu skiptir
að þú hefur lög að mæla.

[Gunnar Rögnvaldsson, 5.12.2019 kl. 10:46]

Þakka þér fyrir Húsari.

Hinn ómetanlegi geopólitíski kostur við landfræðilega legu Íslands -eins og Bandaríkjanna- er sá að við getum leyft okkur að vera ósammála um flest á milli himins og jarðar, án þess að það þurfi að hafa tilvistarlegar geopólitískar afleiðingar fyrir ríki okkar Íslendinga.

Þau lönd sem hins vegar búa með óvini á flesta kanta í túnfæti sínum, geta ekki leyft sér þennan munað. Þau lönd virka oft hörð og einstengisleg á okkur hina dagsdaglega sundruðu íslensku þjóð, því þær þjóðir geta ekki leyft sér þennan munað. Við Íslendingar erum því mjög svo oft sundraðir dagsdaglega og sameinumst ekki nema þegar við þurfum á því að halda. En þá sameinumst við svo um munar.

Þetta er hins vegar tékkhefti sem menn verða að gæta sín með, því of stór gúmmíútgáfa út af því, hefur tærandi áhrif. Þau eru þó ekki þess eðlis að Akureyri haldi vegna vinskapar hennar við Færeyjar "akureyrska þjóðaratkvæðagreiðslu" um að ganga í Færeyjar og þar með lenda undir imperíal-nýlenduveldi aftur. En þesskonar væla gengur nú í Donbass, og svo einnig meðal glóbal tossaelíta gagnvart stjórnarskrá Íslands.

Það sem ég er að segja; er að fullveldi þjóða er ekki staðbundið. Þjóðin öll er fullvalda í öllu sínu landi samtímis sem ein heild. Ekkert eitt hérað, engin ein stétt og engin ein samtök, né heldur samtök samtaka halda á fullveldi íslensku þjóðarinnar. Aðeins ein ósundrandi íslensk þjóð undir Guði heldur á fullveldi íslensku þjóðarinnar sem ein órjúfanleg heild. Enginn partur hennar getur sagt sig úr þjóðríki hennar né varpað því fyrir róða. Þess vegna verða menn að gæta sín á bölvun glóbalismans. Og þar er OECD enn eitt spjótið sem glóbal elítan stingur í þjóðir til þess að bora á þær göt til að reyna að sökka þeim. Til að reyna að blæða þeim út.

Kveðja

[Þorsteinn Siglaugsson, 5.12.2019 kl. 12:15]

Símon Pétur: Ef þú álítur Bjarna Ben ungmenni ertu þá ekki að nota aðeins of víða skilgreiningu á því hugtaki?

Gunnar: Það er alveg tilgangslaust að ræða við þig um þetta mál, því þú hefur bersýnilega enga hugmynd um hvernig þessi próf eru unnin og ert svo uppfullur af útlendingahatri að þér er alveg fyrirmunað að botna neitt í neinu.

[Gunnar Rögnvaldsson, 5.12.2019 kl. 12:51]

Þakka þér Þorsteinn.

Já en þú ert hér með með botninn, og hlýtur því að botna á honum. Og jafnvel í honum.

Kveðja