Ekkert Ríkisútvarpsins

Þetta hefði ég ekki átt að gera. Ég hefði ekki átt að opna fyrir fréttatíma Austurþýska DDRÚV-útvarpsins í Austur-Berlín Reykjavíkurborgar í gærkvöldi. En ég hugsaði með mér að annað gæti varla verið en að þeir hefðu eitthvað um brexit; nú þegar því sem DDRÚV árum saman hefur sagt að ófáanlegt sé hefur fengist samt, vegna þess að einmitt því ófáanlega samkomulagi var lent í gær. Samkomulagi milli pólitískra yfirhausa Bretlands og landa Evrópusambandsins. En nei, hjá DDRÚV var ekkert nema sovéskt gas um að ekkert væri breytt miðað við áður. Að þessi samningur væri alveg eins og sá síðasti. Þess skal getið að enginn á mínu heimili opnar lengur fyrir DDRÚV. Enginn þolir þá ríkisfjármögnuðu vinstrikirkju lengur, og allra síst að vera sovéskt þvingaður til að borga fyrir það, né heldur áform kommalilju Framsóknar um að fjölmiðlar geti aðeins dregið andann í gegnum skattgreiðendur. Fjölmiðlar eiga bara ekkert að koma skattgreiðendum neitt sérstaklega við. Bara alls ekki neitt. Ef þeir geta ekki selt sig sjálfir þá eiga þeir að deyja. Sovésk neyslustýring og heimskremlarsýn á tilveru manna á fjölmiðli á borð við DDRÚV er algerlega óþolandi. Burt með hann

Lilja Framsóknar er komin í kommabrækur Björns Bjarna sem segir; að vegna þess að EES-samningurinn "móti þjóðlífið" að þá verði nauðsynlega að byggja heilt sovétríki í kringum hann. Þannig kynnir líka hún sovétríkið sem mótast eingöngu af tilvist DDRÚV. Tilvist Ríkisútvarpsins krefst sovétríkis. Þetta er að sjálfsögðu sú lagaheimspeki sem Evrópusambandið tók upp eftir Sovétríkjunum; og meira segja afritaði hæstarétt þeirra líka. Og sem þar með er hinn heimspekilegi grundvöllur Evrópudómstólsins (ECJ). Athugið: Kratismi á borð við Björns og Lilju er dagdrykkjubjórinn úr vínkjallara sósíalismans; hann endar alltaf annað hvort með innlögn, neyslu Perestroika, síðan Sovéts og loks dauða landa. Best er því að láta hann alveg vera

"A diplomatic master stroke"

- Eurointelligence 18. október 2019 um Boris Johnson

En hvað er breytt?

Formáli: Munið þið fjölmiðlastorminn um að Boris Johnson væri trúður. (1) Að honum væri alls ekki alvara í samskiptum við ESB. (2) Að honum myndi aldrei takast að opna gamla samkomulagið sem grátandi Theresa May kynnti sem eina samkomulagið sem í boði væri. Jæja, hann reif það samt upp úr frystikistu ESB, afþýddi það, breytti því og lét ESB kyngja því með því að láta það halda að hálsinn sem hann lánaði því væri þeirra eigin. Í staðinn fær Boris Johnson bara Trump-meðferðina hjá íslenska kommavarpinu í Kommavík, þar sem síldartunnur komst betur leiðar sinnar en gegnumpíndir skattgreiðendur

1. Burt er farið það "backstop" sem hefði haldið öllu Bretlandi í Tollabandalagi Evrópusambandsins um aldur og ævi. Það bandalag kemur í veg fyrir að lönd geti gert sína eigin samninga við þau 168 af 195 löndum heimsins sem eru ekki læst inni í sovétríki Evrópusambandsins. Þetta kynnti DDRÚV sem óbreytt, enda þarf það sjálft engar áhyggjur að hafa af peningum. Þeir koma bara í endalausum bunum frá fólki sem jafnvel á dánarbeðinu pínt er til að borga undir vinstritrúar kirkjuveldi þess

Sem sagt: Hér eftir er það bara Norður-Írland sem verður áfram í Tollabandalaginu og það mun sjálft kjósa um áframhald þess eða ekki á fjögurra ára fresti

2. Boris Johnson samþykkti óbindandi pólitíska yfirlýsingu þess efnis að Bretland myndi ekki stofna Singapúr á bökkum Thamesfljótsins á næstu árum. Þetta samþykki þýðir að Bretland mun ekki um leið og það fer út byrja á því að keppa Evrópusambandið í kaf með því að kollvarpa varsjárbandalagi þess um leið og hurðinni er skellt. Það kemur síðar

Sambandið þolir nefnilega ekki samkeppni, þess vegna var það stofnað. Þá staðreynd samþykkti Boris því hann veit að Evrópusambandið er sjálft að sigla sig í kaf og fer létt með það. Þessi tilslökun er til komin vegna Angelu Merkel sem þolir ekki meira. Hún er að fá taugaáfall vegna þess að hún þorir ekki að kynna fyrir þjóð sinni þá samkeppnishamlandi staðreynd að nettó framlag Þýskalands til ESB sem var 18 milljarðar evra á ári, svipað og Bretlands, hækkar nú í 30 milljarða evra vegna breskrar brottfarar. Þetta þorir hún ekki að kynna fyrir þjóð sinni, því hún hefur þegar sagt henni að Þýskaland hafi ekki efni á NATO, og það apa svo allir hinir rugldallarnir sem svífa á sporbraut um kremlið í Berlín upp eftir henni. Hún er í sömu stöðu og Kínverski kommúnistaflokkurinn, sem neyddist á þrettándu ráðstefnu sinni í október 2017 að tilkynna Kínverjum að landið þeirra væri enn smáveldi og að það myndi ekki ráða yfir nútímalegum her fyrr en í fyrsta lagi árið 2030. Flokkurinn yrði því að fá leyfi til að tvöfalda einræðisherravöld Xi Jinping í einum grænum hvelli; immed! Svo rosalega vel gengur allt þar innanborðs. Hvílíkt styrkleikamerki maður! Annars hrynur allt

Þýskaland er á svipuðu róli, enda er það kína Evrópu: þ.e. við það að falla saman að innan, og þýska fólkið sem ekkert hefur að segja um neitt í landinu er að missa þolinmæðina, og jafnvel þegar búið að því. Merkel heimtar því afslátt á sjálfri sér í fjárlagagerð ESB til næstu sjö ára og sem rétt er að hefjast núna, en sem þegar er komin upp í háaloft, þar sem allir hata alla

Þýskaland, mínar dömur og herrar, hefur ekki lengur efni á Evrópusambandinu. Svo traustar eru undirstöður þess. Skyldi sambandið því nokkuð vera breytast í innheimtustofnun? Já það er það að gera, með skelfilegum afleiðingum sem Bretland ætlar ekki að taka þátt í. En staðreyndin er samt sú að Evrópusambandið er nú þegar orðið innheimtustofnun og Váhöll hefur samþykkt allar kröfur þess óséðar, eins og sú sanna höll plebba sem hún orðin er

Þetta var sem sagt ekkertið frá DDRÚV í Peninga-Austurs-Berlín Reykjavíkurborgar, þar sem allsherjar kommaklapp Íslands liggur sem mara á þjóðinni

Fyrri færsla

Þjóðmyndun komin í salernin [u] Brexit og landamæri

Athugasemdir

[Helga Kristjánsdóttir, 18.10.2019 kl. 21:32]

Stolt horfði fjölskylda mín á fyrstu sjónvarpsútsendingu ríkisútvarpsins og bjartsýn að þannig yrði það um aldur og ævi. Svo grunlaus um að nokkuð myndi breyta því,en hvað hlustum við daglega á? "stríð eru bara í öðrum löndum"....höfum við ekki verið í stríði (bara annað snið í byrjun) við sömu öfl og frömdu viðbjóðinn í Evrópu? 

Þess vegna opna ég nær aldrei fyrir fréttir Rúv. Gunnar nú eru komnir góðir gestir MB.Kv.

[Valdimar Samúelsson, 18.10.2019 kl. 21:52]

Góð grein Gunnar og sammála síðustu ræðumönnum ég er löngu hættur að horfa á RÚV enda lygarar eða þegja um fréttir sem henta ekki pólitísku elítunni.  

[Gunnar Rögnvaldsson, 18.10.2019 kl. 22:00]

Þakka þér Helga.

Og njóttu nærveru gesta þinna.

Kveðja

[Gunnar Rögnvaldsson, 18.10.2019 kl. 22:03]

Þakka þér Valdimar Alaskafari.

Já maður flýr út um leið og DDRÚV-kommastefið glymur úr sovétkassa þeirra frá Austur-Berlín Reykjavíkurborgar.

Kveðja

[Gunnar Rögnvaldsson, 18.10.2019 kl. 22:20]

Þetta slær aðeins á DDRÚV pláguna:

The Searchers - Love Potion No. 9

Smá Mersey bítl skaðar aldrei. Finnst Searchers alltaf sérstakir fyrir sig. Systur mínar hlustuðu á þá þegar ég var polli.

Það verður fróðlegt að sjá hvernig Bretland lifnar við þegar það losnar úr viðjum Lundúnahlekkjanna yfir til meginlandsins, sem komu í veg fyrir að hagsmunir Bretlands þ.e. landsins alls færu saman með henni. ESB var bara Lundúnafyrirbæri. En í kringum 1920 voru Liverpool- og Manchestersvæðið við Merseyfljótið stórveldi. Hamborg og Berlín bara kompur á miðað við það. Þetta verður spennandi = Útgangan.

[Gunnar Rögnvaldsson, 18.10.2019 kl. 22:34]

Boris hefur örugglega sagt: Take It Or Leave It!

Hah!

[Símon Pétur frá Hákoti (IP-tala skráð) 18.10.2019 kl. 22:37]

Því miður er ég ekki jafn bjartsýnn og þú Gunnar, varðandi kosti Brexit samnings Boris Johnson.

Tek meira mark á Nigel Farage, sem segir samninginn binda Breta búrakrataböndum og halda þeim niðri í helgreipum ESB.  Ég hef aldrei og mun aldrei treysta Borisi gulla ben.

[Gunnar Rögnvaldsson, 18.10.2019 kl. 22:41]

Það er að segja þessa 33 milljarða evra sem Merkel fær sem ein-greiðslu frá Boris til að troða í stóra gatið hennar heima, sem þýskum almenningi hryllir svo við.

[Gunnar Rögnvaldsson, 18.10.2019 kl. 22:52]

Þakka þér Símon Pétur.

Þá er það "hart brexit" (án samnings), og þá fær Merkel ekki neitt. Enga 33 miljarða til að troða upp í nú þegar umfram-svekkta kjósendur sína í hratt hækkandi atvinnuleysi, þar sem þýsku fólki er nú parkerað í Kurzarbeit (hlutastörf) í bunkum. Þotið upp um 70 þúsund manns á síðustu 18 mánuðum. Kanarífuglinn uppi í Svíþjóð er þegar stokkinn upp í næstum 7,5 prósent atvinnuleysi.

Hah!

Ef Boris skaffar ekki, þá hverfur hann og Íhaldsflokkurinn, og Farage kemur í staðinn. En ef Boris skaffar, þá hverfur Farage og flokkur hans. 

Þetta kemur allt í ljós.

Kveðjur

[Gunnar Rögnvaldsson, 18.10.2019 kl. 23:07]

Já.

Þetta er Spooky segir Dusty.

[Símon Pétur frá Hákoti (IP-tala skráð) 18.10.2019 kl. 23:08]

Vel svarað Gunnar.

33 milljarða evra til Merkel frá Borisi

á kostnað Breta.

Held að það sé nokkuð ljóst að Boris

hefur þá um 30 milljörðum punda minna úr að spila fyrir Breta. Þjóðar íhaldssemi mun þá vaxa fiskur um hrygg og skammlífur mun því Boris gulli ben verða sem þingmaður og PM og gerviflokkurinn hrynja sem hér á landi.

[Gunnar Rögnvaldsson, 18.10.2019 kl. 23:26]

Mja...

Hann hefur "Singapore on Thames" plús nýtt instant skattakerfi á þá í Brussel. Það hefði Margrét gert og haft upp í erminni - báðum!

Þeir fóru fram á 100 milljarða í skilnaðargreiðslu.

Boris er nú þegar skammlífur, en hann hefur þó samt afhent það sem sagt var að væri ómögulegt. En svo eru það svikahrappar Íhaldsflokkksins í þinginu. Þar kemur Farage inn sem öflugur fælnimáttur sem viðheldur terror-balance.  

Ef það dugar ekki þá er það skurðurinn sem hann nefndi. Frekar dauður úti í skurði, en að skríða til Brussel.

Plús það að nú eru Merkel og Macron komin í hörkuslagsmál, svo það er nóg að gera. Plús fjárlaga-slagsmálin í ESB til næstu 7 ára. Það er allt á hausnum.

Breska þjóðin bíður! Hún er búin að missa þolinmæðina. 

[Gunnar Rögnvaldsson, 18.10.2019 kl. 23:50]

Meira mja...

Og svo hefur Boris náttúrlega HERINN til að þvinga vilja þjóðarinnar fram.

Ef það sígur of mikið í þjóðina þá er kannski hollt að minnast Olivers.

Og svo er það sem handan er Atlantsála; USS Oliver Cromwell. 

Bandamaður!

[Símon Pétur frá Hákoti (IP-tala skráð) 18.10.2019 kl. 23:58]

Já, meðan Björn Bjarnason gerist skrækari en Gísli Marteinn í hrifningu sinni á Andra hamfara Snæberg og kola vegan grænni en 66 þúsund tonn af kolum við skjálfanda, þá er unun að verða vitni að alvöru skák hjá Bretum og þakkarverðast er snilldar hreðjatak Nigel Farage á Boris Johnson.  

Tilveran án ESB er innan seilingar, þökk sé Rees Mogga, Nigeli og jú, einnig Borisi.

[Gunnar Rögnvaldsson, 19.10.2019 kl. 00:06]

Amen - Símon Pétur

[Gunnar Rögnvaldsson, 19.10.2019 kl. 01:08]

Mér sýnist að margir líti á Stóra-Bretland sem einhverskonar smáríki. Það er talað um samningsaðstöðu þess þannig.

Bretland er fimmta stærsta hagkerfi heimsins og ekki svo mikið minna en það fjórða, Þýskaland. Af hverju ætti Bretland ekki að vera sjálfstætt og fullvalda ríki? Hafa menn tapað áttum eða hvað!

Þegar Bretland fer, þá er það eins og að hagkerfi þessara 19 landa fari úr ESB á einum og sama deginum.:

• Malta

• Kýpur

• Eistland

• Lettland

• Litháen

• Slóvenía

• Króatía

• Búlgaría

• Lúxemborg

• Slóvakía

• Ungverjaland

• Grikkland

• Rúmenía

• Tékkland

• Portúgal

• Finnland

• Danmörk

• Írland

• Austurríki

Vill virkilega einhver á meginlandinu hafa þetta stórveldi á móti sér? Búandi hinumegin Ermasunds við opið haf með allar leiðir opnar til alls. Hvaða fífl halda virkilega að eitthvað af meginlands löndunum vilji sameinast með einhverjum þar gegn Bretlandi þegar á reynir.

Ekki Pólland

Ekki Ítalía

Ekki Grikkland

Ekki Rúmenía

Ekki Búlgaría

Ekki Danmörk

[Símon Pétur frá Hákoti (IP-tala skráð) 19.10.2019 kl. 16:33]

Undarlegt að Boris skyldi ekki tryggja sér stuðning 10 DUP þingmanna.  Þá hefði þessi fjandans samningur verið samþykktur með 316 atkvæðum gegn 312 á breska þinginu í dag. 

[Gunnar Rögnvaldsson, 19.10.2019 kl. 17:13]

Meirihluti breska þingsins, 322 þingmenn gegn 306, ákvað að fresta atkvæðagreiðslu um samning Borisar Johnsons forsætisráðherra. Honum var ekki hafnað vegna þess að hann er ekki, eins og DDRÚV sagði, sá sami  og áður.

Með þessu reynir meirihluti þingsins að þvinga forsætisráðherrann til að biðja um seinkun á útgöngu Bretlands úr ESB í Brussel. Reynt er að sækja sér erlent vald til að geta hunsað þjóð sína.

Taktu eftir Símon Pétur, að samningum var ekki hafnað, þannig að ekki er enn vitað um stuðning þeirra sem þú spyrð um.

Fyrir mér hljómar þetta eins og að pólitískar reiknivélar margra þingmanna hafi verið búnar með rafhlöðurnar, og að þeir hafi neyðst til að hlaupa út í búð til að kaupa nýjar, til að geta reiknað dæmið um sjálfa sig til enda. 

Þetta er sem sagt ekki búið enn.

[Símon Pétur frá Hákoti (IP-tala skráð) 19.10.2019 kl. 21:26]

Alveg rétt Gunnar, þetta er ekki búið.

Gefum þá Boris kredit fyrir að segja:

Delay

Is

Not

a Solution.

[Gunnar Rögnvaldsson, 19.10.2019 kl. 21:43]

Þakka aftur Símon Pétur.

Ályktun mín eftir daginn í dag:

1) Næsta skref er líklega það, að samkomulagið verði samþykkt, eftir smá töf..

1.a) ..eða þá eftir í-hvelli-kosningar sem Boris mun sigra, því allir ESB-andstæðingar virðast nú hafa fylkt sér um hann. Þeir treysta honum best.

Samningurinn er allur annar en sú esb-tyggjóklessa sem Theresa May kom skríðandi með heim.

Það eina sem Bretland hefur skuldbundið sig til með þessum nýja samningi, er að viðhafa sambærilega vinnulöggjöf og umhverfisstaðla og meginlandið. Bretland verður hvorki í Tollabandalagi ESB (Customs Union), og hér kemur það besta, þeir verða heldur ekki með í vítisvél hins svo kallaða Innri markaðs ESB (Single Market), sem er dauðadeild hagkerfa og þjóðfrelsis.

Nigel Farage er sennilega búinn að vera, því ESB-andstæðingar treysta honum ekki eins vel og Boris.

Þetta er "Eins og er", verð ég náttúrlega að undirstrika, miðað við allt það sem á undan er gengið og vonlaust var að spá fyrirfram um.

Þetta er mín besta getgáta eftir daginn í dag.

2) Frestun er erfið á alla bóga.

3) Nýtt þjóðaratkvæði kemur ekki til greina - og hefur aldrei komið til greina. Það stunt var alltaf bara pólitískt nasafóður sem rotnir fjölmiðlar á borð við DDRÚV-glóbalista hafa reynt að troða upp í saklaust fólk og heimta borgun fyrir.

[Gunnar Rögnvaldsson, 19.10.2019 kl. 22:04]

Að ímynda sér nýtt þjóðaratkvæði þar sem spurt yrði að því hvort virða eigi þjóðaratkvæðið frá 2016 eða ekki, er hugmynd sem aðeins getur fæðst á fæðingardeildum glóbal-esb-kommúnista.

Engin önnur formúlering á kjörseðlinum kæmi til greina, nema í ESB-sovétríki. Allar aðrar formúleringar myndu ljóstra upp um annarlegan tilgang þjóðaatkvæðisins og henda landinu inn í forstig borgarastyrjaldar, sem stofnað væri til af þeim sem þola ekki lengur lýðræði í landi sínu.

Oliver kæmi þá aftur.