Fyrsta valdaránstilraunin í sögu Bandaríkjanna mistókst. Orkupakki3. May enn við fulla (ó)stjórn. Stuttar fréttir [u]

Því meir sem Vesturlönd geggjast, því betri verður Erla Þorsteins

****

BANDARÍKIN

Það voru ekki menn með sólgleraugu og axlaskúfa, og það voru ekki oligarkar í einkaþotum né "vér rauðir Marxistar" sem reyndu að ógilda kosningar og fjarlægja réttkjörna ríkisstjórn Bandaríkjaforseta frá völdum. Nei það voru embættismenn ríkisins, með fjölmiðla í vösunum, ásamt haturshreyfingu vinstrimanna, sem reyndu að framkvæma fyrsta valdaránið í sögu landsins. Ræna átti völdum til handa Hillary Clinton sem þetta fólk og fjölmiðlar þeirra sögðu að Donald J. Trump hefði rænt kosningasigri frá. Hún ein hefði einkarétt kosningasigri, svona svipað og ESB. Á þessa leið sagði bóndinn Victor Davis Hanson í Kaliforníu fram þulu sína um valdaránið, reyndar fyrirfram, og um einkaleyfi vinstrisins á að hata annað fólk, sem birtist einnig sem loftslagsofsóknir gegn kapítalisma, ásamt metoo, bæði knúið áfram af hatri

ÍSLAND

Á Íslandi ganga hlutirnir hins vegar þannig fyrir sig að smá biti af fullveldi landsins kemur til útborgunar í launaumslag þingmanna, og það er síðan notað til innkaupa þeirra erlendis. Sé bitinn, "pakkinn", nógu stór sem færður er yfir á erlendar hendur þá fá þeir punkta erlendis, sem jafnvel nægja til að að kaupa sér embætti, sem er mun tryggari staða en að þurfa að láta kjósa sig á flótta, svífandi um í fallhlíf burt frá fólkinu, þar sem nauðlending meðal hins almenna borgara er það versta sem hægt er að lenda í, vegna þess að þingmenn og flokksformenn gætu jafnvel lent meðal þeirra sem borða rangt, kjósa rangt, búa rangt, eru of lítið eða of mikið menntaðir, hugsa ekki rétt og tala vitlaust, og þola jafnvel ekki gungur og druslur nálægt sér. Það er þannig sem ræna á Íslandi frá þjóðinni; í bitum

Og þegar búið er að sundra þjóðinni nógu mikið, þá er eftirleikurinn mun auðveldari. Því með því að sundra íslensku þjóðinni, þá snýst hún ekki gegn embættismanna-þingmönnum sjálfum, nei nei, heldur snýst þjóðin þá gegn klofinni sjálfri sér, og opnar þar með leið fyrir "björgunarpakka" utanfrá í formi ESB. Einu sinni var það Noregur sem átti að halda friðinn meðal þjóðarinnar, sem þá hafði verið klofin. En núna er það ESB, sem kallað verður á vettvang, vegna þess að stjórnmálamenn klufu þjóðina. Þeir eru að reyna að eyðileggja það sem hún stóð sameinuð um eins og járnkall; sjálfstæðið og fullveldið

Klofningur meðal barna, skapaður af foreldrum þeirra, fær börn ekki til að snúast gegn foreldrum sínum. Nei nei. Þau snúast gegn hvort öðru. Miskunnarlaust. Rífa hvort annað á hol

Stöðva verður orkupakka3 - áður en hann nær að verða pakk

Uppfært: kl 19:45

FRÚ MAY ENN VIÐ FULLA STJÓRN Á STJÓRNLEYSINU

"No, the UK parliament has not taken control"
- W.M.: EuroIntelligence

Hlægilegt er að lesa allar "fréttirnar" um að "breska þingið hafi tekið vald af Theresu May". Enginn tekur valdið af forsætisráðherra Bretlands. Það eina sem þingmenn geta gert er að skipa forsætisráðherranum að gera eitthvað, en þeir hafa enga möguleika á að þvinga hann til þess, eins og bent er á hér. Og eins og þeir ættu að vita sem enn halda að umsókn Íslands inn í Evrópusambandið sé í gildi, þá er það þannig að Evrópusambandið má aðeins semja við forsætisráðherra, kanslara eða pólitískan forseta landa. Það er; pólitískt yfirhöfuð landa (e. heads of states). Það getur ekki samið við þingmenn, né þing þeirra. Og þar sem Theresa May er forsætisráðherra Bretlands þá eru furðufréttir dagsins um að vald hafi verið tekið frá henni, aðeins ein sönnunin í viðbót fyrir því hversu lélegir og rotnir "helstu fréttamiðlar" Vesturlanda eru orðnir, og því óvinir fólksins, eins og Donald J. Trump segir hér

Og þar sem það var Sigmundur Davíð Gunnlaugsson forsætisráðherra Íslands og ríkisstjórn hans sem dró umsókn lands okkar inn í Evrópusambandið til baka, og hætti henni og umsóknarferlinu öllu, þá var það einmitt eina rétta leiðin. Þingmenn hefðu auðvitað getað mómælt, en slíkt var bara froða, því að ríkisstjórn Sigmundar Davíðs Gunnlaugssonar var meirihluti þingsins og ríkisstjórn Íslands. Og þó svo að SDG hefði látið skúringakonu eða bara hjúkku um að senda telefaxið, skyldi norðanmaðurinn Gunnar Bragi, eins og ég, hafa verið upptekinn við annað, til dæmis úti að reykja eins og ég, eða á bar, eða á Ellý, eins og ég; þá er faxið frá honum og ríkisstjórn hans, og hljómar svona: Dear Ha Ha Ha

Sendi ég þeim báðum minn stærsta fingurkoss, og skúringakonunni og hjúkkunni líka

- Gunnar, húsmóðir í Skorradal. Íhaldsmaður
- og fyrrverandi skúringakona
sem gerði leikskóla barna minna
hreinan í fjögur ár á kvöldin

****

STUTTAR FRÉTTIR (ekki DDRÚV)

A. Japan tilkynnir að það elfi hervarnir sínar gegn Kína til muna. 1) Það reisir nýjar herstöðvar á Ryukyu og Miyakojima eyjum. 2) Báðar verða með eldflugavarnir til lofts og láðs. 3) Japan ákvað einnig að auka drægni ASM-3 eldflauga sinna úr 125 mílum í 250 mílur. 4) Og að samhæfa nýju tiltökin með annarri loftvarnargetu landsins. 5) Ríkisstjórnin ætlar hefja endurskoðun á reglum til að stöðva leka á bandarískri tækni frá Japan til Kína (millistéttar Guðlaugs Þórs)

B. Dómstóll í Suður-Kóreu hefur lagt hald á eignir Mitsubishi Heavy Industries í S-Kóreu. Þær eiga að fara í að borga stríðskaðabætur vegna hersetu Japana á S-Kóreu í Síðari heimsstyrjöldinni

C. Japan er sennilega rauntölu-ríkara land en Kína (nettó-virði). Og það er ekki með 1000 milljón fátæklinga hangandi um háls ríkisstjórnarinnar. Japan er jafnara og heilsteyptara land en Kína. Það hefur forðast "fjölbreytileika". Það er því ekki að leysast upp. Þjóðin stendur saman. Það getur því söðlað um á sjálfu sér á örstuttum tíma, án þjóðfélagslegra vandræða og átaka, gerist þess þörf. Japan er lýðræðisríki á 6852 eyjum. Það er sennilega með her sem hvað úr hverju stenst hefðbundna hernaðargetu Kína. Japan var bandamaður Bretlands -og aðstoðaði Frakkland- í Fyrri heimsstyrjöldinni. Það sendi flota sinn inn á Miðjarðarhaf, þeim til aðstoðar. Hér má lesa fróðlega grein um sigur Japans í þeirri styrjöld, á sögubloggsíðu Flotastofnunar Bandaríkjanna

Fyrri færsla

Kva? Ekkert. Bara alls ekkert!

Skrár tengdar þessari bloggfærslu:

• Dear Edgars, Dear Commissioner Hahn,

Athugasemdir

[Snorri Hansson, 27.3.2019 kl. 01:01]

Næst verður það SJÁVARÚTVEGSPAKKI 1

[Gunnar Rögnvaldsson, 27.3.2019 kl. 01:44]

Já örugglega, Snorri, og þakka þér fyrir innlitið.

Danir muna enn EF-pakkann, sem logið var inn á þá 1986. Svo mikið er víst. Og Sjálfstæðismenn muna enn ískalt hlaðborð formannsins.

Kveðja.

[Helga Kristjánsdóttir, 27.3.2019 kl. 02:24]

 Sæll Gunnar! "Smá biti af fullveldi Íslands kemur til útborgunar í launaumslagi til þingmanna... ... Látum við það átölulaust - þetta er ein árásin enn sem gefur okkur siðferðilegan rétt til að verjast.

[Gunnar Rögnvaldsson, 27.3.2019 kl. 03:26]

Já Helga. Enn ein launinnrásin! Með pennum, sem skuld-binda þjóðina og landið okkar.

Kveðja

[Ómar Ragnarsson, 27.3.2019 kl. 13:19]

"Hvort eð er" röksemdin er notuð einu sinni enn þegar sagt er að við höfum "hvort eð er" samþykkt fyrri orkupakka sem hluta af EES-samningnum. 

Það var og er ekkert nauðsynlegra en að hér hafi verið og verði í gildi járnabrautatilskipanir ESB. 

Hvað snertir "valdaránstilraunir" er það sérkennilegt og raunar rangt orðalag yfir rannsóknirnar á Watergatemálinu, Lewinskymáli Clintons og Rússamáli Trumps nú.  

Varaforseti Nixons tók einfaldlega við og forsetinn var áfram Repúblikani. 

Ef Clinton hefði hrökklast frá hefði Gore tekið við og Demókrati áfram við völd í Hvíta húsinu. 

Og á sama hátt myndi varaforsetinn taka við ef Trump hættir. 

[Valdimar Samúelsson, 27.3.2019 kl. 13:30]

Góð samantekt Gunnar og skemmtileg lesning. Ég skynja meiri ótta út í Demókratana í BNA en áður það eru nokkuð margar fréttastofnanir á sama máli og þessir.

https://www.realclearpolitics.com/video/2019/03/18/glenn_beck_if_trump_doesnt_win_we_are_officially_at_the_end_of_the_country_as_we_know_it.html?utm_medium=referral&utm_source=mixi&utm_campaign=realclearpolitics

[Gunnar Rögnvaldsson, 27.3.2019 kl. 15:02]

Þakka þér Ómar.

Jáh, einmitt. Þetta er ávallt aðferðin sem beitt er í ESB. "Við erum hvort eð er" þetta eða hitt, þannig að við verðum að.... og þú þekkir framhaldið.

Er ekki sammála þér um Trump-málið og reyndar heldur ekki um Watergate-málið:

Það átti að reyna að ógilda kosningar með því að véfengja þær (koma allri ríkisstjórn forsetaembættisins frá). Varaforsetanum líka. Það var markmið Obama+Clinton+embættismanna+fjölmiðla klíkunnar. "Ekki minn forseti" var sagt.

Hvað varðar Watergate: Þegar að fjölmiðlar Bandaríkjanna drógu bandarísku þjóðina á tálar í því sem þá var kallað Watergate-hneykslið, og hröktu úr embætti réttkjörinn forseta landsins sem aldrei í sögunni hafði sigrað eins stórt í kosningum, þá breyttist hin pólitíska stefna Bandaríkjanna um leið og hann fór frá og milljónir manna misstu líf sitt að óþörfu í Kambódíu. Varaforsetinn var ekki hinn réttkjörni og sigursæli og hugrakki Richard Nixon. Hann var allt annað. Það skiptir öllu máli hvaða persóna er við völd, eða ekki. Sá sem er kjörinn forseti er ekki það sama og einhver varaforseti sem er varaforseti vegna þess að hann hefði aldrei verið kjörinn forseti sjálfur.

Ákæruskjalið á hendur Nixon var í hundrað liðum. Og ákæran hljóðaði upp á að hann hefði brotið af sér í einum lið eða fleirum án þess að segja við hvaða lið væri átt. Þetta var sem sagt ákæra á hendur Nixon fyrir að vera ekki forseti vinstrimanna, svipað og þegar menn ákæra einhvern fyrir að vera illiberal, en það er ákæra um að vera ekki vinstrisinnaður, því að líberalismi er vinstrisinnuð stjórnmálakenning sem kom fram á sjónarsviðið frá og með ca. John Locke, sem andstæða Íhaldsstefnu  (conservatism), sem er mörgum öldum eldri stefna og heimspeki.

Að vera haldinn því að vera ekki-vinstrisinnaður er sum sé orðið glæpur. Svo geggjað er elítupakkið orðið. Og þannig er fjölmiðlapakk Vesturlanda orðið, nema í undantekningartilfellum og stundum á sveita- og  landshlutablöðunum.

Kveðja

[Gunnar Rögnvaldsson, 27.3.2019 kl. 15:04]

Þakka þér Valdimar.

Efast um að sá Demókrataflokkur sem núna þykist vera sá flokkur, kunni að óttast neitt. Þeir þykjast jú eiga landið og þykjast hafa einkarétt á því að sitja þar við völd. 

Kveðja

[Jón Steinar Ragnarsson, 29.3.2019 kl. 01:37]

Það var einn watergablaðamannanna sem var dreginn fram í dagsljósið af cnn til að tromma og berja á sekt Trump og co í tvö ár. Sýndi sína réttu liti þar. Staðreyndir skiptu engu máli.

Annars held ég að Kellyann Conway væri vænn framboðskostur fyrir rebúblíkana ef demókrötum tekst að flækja málin fyrir Trump. Allavega miðað við það hrat kattakerlinga og hjaralausra marxista sem stilla nú upp í löngum röðum fyrir demókrata. Þvílíkt samsafn ótúttlegra kosta.

Rebúblíkanar þirfa plan B. Trey Gowdy er annar kostur af hinu kyninu. Maður með hausinn rétt skrúfaðan á.