Skáldaði upp sögu um að dómarinn hefði nauðgað sér

Bandaríska konan sem tilkynnti að Brett Kavanaugh dómari hefði nauðgað sér, mörgum sinnum, hefur játað að um skáldskap var að ræða. Hún sendi þessar ásakanir í bréfi til dómsmálanefndar öldungadeildar Bandaríkjaþings þar sem Kamala Harris demókrati kynnti það. Konan er nú fundin og hefur játað að um skáldskap var að ræða sem styðja átti demókratavætt opinbert skrílsníðið gegn dómaranum

Svo kölluðum hatursglæpum hefur farið mjög svo fækkandi í Bandaríkjunum allar götur frá 1996. FBI byrjaði að skrásetja þannig afbrot árið 1992. Miðað við 1996 hefur þessum glæpum fækkað um 30 prósent, fram til ársins 2016. Bráðabrigðatölur yfir síðasta ár sýna litla breytingu á milli áranna 2016 og 2017. Árið 2001 varð þó tímabundin aukning, það eina ár, vegna árásar íslamista á Bandaríkin. En þeir eru darling vinstrimanna

Hatursglæpir eru þó aðeins 3,7 prósent af öllum ofbeldisglæpum í landinu. Stjórnmálagungur dagsins sem líður í dag eru nú farnar að eyða meira af pólitísku skotsilfri sínu í að agítera á þeim vettvangi, en þeir eyða í að herða löggæslu sem tekur á öllu hinu, eins og til dæmis innbrotum, þjófnaði og skrílslátum

Það sem hins vegar er breytt í dag miðað við árið 1996, er það að fallöxi vinstrisinnaðra og nýfranskra byltingarsinna er orðin rafræn og stafræn. Gapastokkaveldi vinstrimanna og ljónagryfjuveldi þeirra á Coloseumleikvangi samfélagsmiða er komið með ratsjárkerfi sem aðeins er einu skrefinu frá því að vera hugsanaeftirlitsmiðlar. Þar stundar vinstriskríllinn aftökur með rafrænum fallöxum, þannig að höfuðin rúlla á meðan lýðurinn klappar, þar til röðin kemur að þeim sjálfum, er þeir óvart sýna andbyltingarlegar hugsanir og nota kannski tvö til þrjú orð sem eru tvo millimetra vitlausumegin við rétttrúnað hverrar vinstri stundarinnar sem líður, og þar undir heyra loftslagsmálin líka, sem eru orðin skrílsstjórnmálhreyfing til tortímingar kapítalisma. Þangað inn hafa flest veikgeðja fífl líðandi stundar látið lokka sig og bíða aftöku, er þeir sjá öll gömlu gúlögin þar inni og vilja bakka út sem kúlakkar, en eru þá komnir með plastpoka yfir tóman hausinn og þar með einungis orðnir einn eitt dómgreindarskert allsherjarfíflið metoo

Fyrri færsla

AfD vonar að vinstra-miðjumorðið haldi áfram - eins og hjá xD [u] 

Athugasemdir

[Valdimar Samúelsson, 4.11.2018 kl. 09:32]

Gunnar það var allt sett í gang hjá Demókrötunum enda með heila herdeild á þessu sviði. Nú er bara að krossa fingurna að kosningarnar fari vel.  

[Ragnhildur Kolka, 5.11.2018 kl. 11:48]

Það var vel gert af dómsmálanefndinni að vísa þessum ásökunum, á hendur Kavanaugh, til FBI. Það þarf að koma í veg fyrir að fólk haldið athyglissýki eða pólitískum illvilja setji allt ráðningarferli á hvolf. Dómar og sektir er það eina sem stoppar þetta rugl af.

Því miður tel ég að ef slík uppákoma ætti sér stað hér má búast við að stofnaðir yrðu þrýstihópar og samskot til að Koma viðkomandi undan ábyrgð. Ábyrgð á eigin gerðum hefur nefnilega verið þurrkuð út úr orðabók vinstrimanna.

[Gunnar Rögnvaldsson, 10.11.2018 kl. 22:48]

Kærar þakkir fyrir innlit og skrif, Valdimar og Ragnhildur.

Kveðjur