Prússnesk Evrópa að myndast á ný

"Nýja Vestur-Þýskaland" 1986, Münchener Freiheit. Þetta Neue Deutsche Welle er horfið og NýPrússland er Þýskaland að verða í dag, hundleitt á frelsinu, og ryðst um álfuna eins og naut

****

Ef Winston Churchill hefði verið forsætisráðherra frá 1929 til 1939, þá hefði hann verið að gera nákvæmlega það sama og Donald Trump er að gera í dag, þ.e. stöðva friðþægingu og reyna að koma í veg fyrir stríð, með því að sýna heiminum hvað hann á að hræðast, þ.e. að stöðva friðþægingu á öllum vígstöðvum. En Winston varð því miður að láta sér nægja pennann, eins og Davíð í dag, og því fór sem fór, vegna lömunar í fælnimætti (e. deterrent) sökum friðþægingar

Mannætum var boðið í kaffi til að halda þeim góðum og bannað var að kalla þær mannætur. Munurinn á réttu og röngu var gerður að afstæðiskenningum góða fólksins, sem fóðraði mannætur og veifaði regnhlíf, þar til það sjálft var étið

Við sem þekkjum Þýskaland sæmilega, vitum að miklar vonir voru bundnar við Neue Vestur-Þýskaland. Um tíma leit svo út að um raunverulega nýtt land væri að ræða. En eftir sameininguna varð Þýskaland samt við sig á ný og nú blasir vaxandi prússneskt Þýskaland við Evrópu á ný: Evrópa er að verða prússneskt ósvæði, einu sinni enn. Það eina sem vantar er að Nýprússneskt Þýskaland bræði peningakistuna í ný vopn. Og það mun gerast, en það verður ekki í þágu annarra og allra síst í þágu NATO, því Þýskaland hatar og fyrirlítur Bandaríkin svo mikið

Við erum að horfa á síðustu daga Evrópu, einu sinni enn

Enginn virðist þó taka eftir neinu og heldur ekki því að NATO-ríkið Tyrkland er orðið "de facto" óvinur Bandaríkjanna, því það hefur kallað sendiherra sinn í Washington heim

Þetta kemur, og við munum kannski einu sinni enn geta þakkað góða fólkinu fyrir nýja og ferska heimsstyrjöld. Ekkert af góða fólkinu í dag hefði kosið Winston þá. Hollt er að muna það

Fíflunum hefur einnig fjölgað hroðalega á Íslandi. Vitsmuna"rofið" (mannamál: heiladauði) er að verða nær algert

****

Mattis í gær: "a steady drumbeat" er það sem við gerum

Fyrri færsla

Pólland vill fastar bandarískar herstöðvar. Róm brennur

Athugasemdir

[Valdimar Samúelsson, 30.5.2018 kl. 14:25]

Gunnar ekki lítur þetta vel út á þeim bæ og versta er að Ísland ætlar að vera viss um að þau hangi í lestinni.

Trump segi ég er maðurinn sem við eigum að vingast en það platar engin sveitamannin en það er verst hve ljót orðspor við höfum í pólitíska heiminum þar síðan eftir WWII.

Ég man hér áður þegar ég hitti menn upp í Alaska upp úr 1970 að  margir héldu Ísland vera kommúnista ríki. Stjórn völd þar fengu líka slæma útreið vegna frekju pólitíkusana.  

[Borgþór Jónsson, 31.5.2018 kl. 11:28]

 Gunnar.þú ert einkennilega óstöðugur í skrifum þínum um Þýskaland. Í gær vældirðu yfir að Þýskalland ætti engin nothæf vopn,en í dag læturðu eins og Þjóðverjar séu í þann veginnn að yfirtaka allt með vopnavaldi. Bræða auðinn í vopn.

Það er rétt að Þjóðvrerjar eiga lítið af nothæfum vopnum,og er það vel.

Þjóðverjar hafa enga löngun til að vígvæðast,enda stafar engin hætta að þeim og þeir eru ekki í vígahug. Það er vel.

Þeirra vandamál er að þeir fá engann frið fyrir Bandaríkjamönnum,sem krefjast þess að Þjóðverjar tvöfaldi framlög sín til hermála. Það lítur út fyrir að þjóðverjar neyðist til að láta undan og eru með á dagskránni að auka útgjöld til þessara mála um 80%.

Þjóðverjar eru ekki hættulega ríkið í Evrópu í dag.

Hættulegu ríkin í dag eru Pólland og Úkraina. Sérstaklega er Úkraina varasöm af því að þar er að gerjast ný útgáfa af Nasisma. Þesi nýji Nasismi er nú orðinn skildufag í skólakerfi landsins og mun blómstra á næsta áratug.Úkrainskir Nasistar eins og hinir fjarskildu ættingjar þeirra í Þýsskalandi forðum,eru líka í leit að lebensraum. Þeir gera landakröfur á Rússland,allt að Dóná og syðstu héruð Hvíta Rússlands. Þegar það verður búið að innræta þetta í kynslóðina sem mannar Úkrainska herinn í framtíðinni ,er fjandinn laus.Nasistar eiga það til að hugsa ekki mjög skýrt svo það er alls ekki útilokað að þeir reyni að "endurheimta" þessi landsvæði frá Rússlandi 

Svo höfum við þessa sérkennilegu ríkisstjórn í Póllandi sem stjórnast af áfallastreytu vegna dauða ráðamanna Póllands í flugslysi fyrir mörgum árum. Þetta er vægast sagt sérkennilegt ástand. Að auki eru að gerjast í grasrótinni landakröfur á Úkrainu og þó þetta sé ekki ennþá komið upp í efstu lög stjórnkerfisisns er bara tímaspursmál hvenær það nær þangað. Það verður mikið húllum hæ þegar þessum tveim vitleysingahælum slær saman.

Pólski herinn er svo ennþá í sárum eftir að þeir glutruðu endanlega niður Pólsk-Litháenska samveldinu 1794. Þeir hafa reglulega reynt að endurheimta það,en verið jafnhraðann barðir niður aftur. Reglulega koma þeir saman og vatna músum yfir örlögum sínum

Og Bandaríkjamenn kynda glaðbeittir bálið í báðum þessum löndum.

Það eru víðar væringar í Evrópu sem eru kannski ekki mjög hættulegar ,af því að leikendur eru svo smáir. Hættan gæti hinsvegar falist í því ,ef stærri ríkin fara að mynda einhverskonar bandalög í kringum þau.

Á heimsvísu eru Bandaríkina svo hættulegasta ríki heims. Samkvæmt Gallupkönnum eru svo til allir íbúar heimsins sammála um það. 

Undantekningarnar frá þessu eru Bandaríkin og Ísrael.

Þegar Bandaríkin fara eins og eldur í sinu um heimsbyggðina er það ekki "deterrant". Það er einfaldlega árásarstefna sem stafar af því að það er ekki til nógu mikið "deterrant" til að halda aftur af þeim. Þetta er smá saman að breytast til batnaðar og að endingu munu Bandaríkin aftur fara að virða alþjóðalög að einhverju leiti. Fólki er í vaxandi mæli að verða ljóst ,að við núverandi ástand verður ekki unað.

[Valdimar Samúelsson, 31.5.2018 kl. 13:48]

Borgþór ert alveg kýrskýr en það að BNA sé hættulegasta ríki heims er Naut-heimskt enda eru gallup kannanir það líka. Hvað heldur þú sjálfur.