Síðustu tvö ár: breytingar

Skjáskot; WSJ Daily Shot 10. maí 2018 - skuldasöfnun; Takið líka eftir bláu evru bólunni, sem gjaldféll skyndilega ofan á evrusvæðið. Stór hluti þess svæðis er því rjúkandi rúst í dag. Rauða hættan er á leiðinni. Þetta kemur lagsmaður, þetta kemur

****

Bretland var í ESB og ekkert benti til annars, samkvæmt þeim helmingi þjóða sem talar ekki við hinn helming þjóða og ræður allri fjölmiðlun um það sem sá helmingur segir hinum að sé mikilvægt, en sem er það bara ekki. Bretland hefur gert varnarsamning við Pólland og er að gera viðskiptasamninga við Tyrkland, sem koma til framkvæmda þegar það yfirgefur ESB á næsta ári

Ríki íslams réði stórum hluta Sýrlands og Íraks. Það ræður litlu í dag

Donald Trump varð forseti Bandaríkjanna. Hnattrænn Wyatt Earp er þar með kominn í Hvíta húsið og "it all ends now!". Fyrstur algerlega óreyndra manna í stjórnmálum. Sá helmingur þjóðar sem ekki er talað við, kaus hann, en ekki Hillary Clinton, sem hefði getað rænt banka og fengið það til að líta út sem góðverk í fjölmiðlum síns helmings. Obama Chamberlain er aðhlátursefni og pólitískur flokkur beggja er í rusli

Kína er orðið einræðisherraríki á ný. Þar hefur svo gott sem allt mistekist og snúa þarf aftur til einræðis yfir rjúkandi brunarústum landsins. Kína stendur í dag fyrir 70 prósent af allri skuldasöfnun í heiminum. Kína tók við svikamyllukeflinu af evrusvæðinu, sem er að sökkva

Rússland er sokkið. Það lifir á hersýningum til að halda andlitinu heima fyrir. Rússland í dag er síðari hálfleikur hruns Sovétríkjanna. Því erfiðari stöðu sem landið sekkur í, því hættulegra er það

Tyrkland er gerbreytt og að verða heimshlutaveldi á ný. Það mun ráða stórum hluta Balkanskaga innan fárra ára

Pólland er á leið með að verða eitt mesta veldið á meginlandi Evrópu, innan fárra ára. Pólland verður það sem Vestur-Þýskaland var

Pólitískur stöðugleiki í Þýskalandi er farinn. Helstu stjórnmálaflokkar landsins eru hrundir og ekki tókst að mynda nýja ríkisstjórn í kjölfar kosninga, fyrr en eftir dúk og disk, og sem Angela Merkel stendur nú sem ritari fyrir. Þýskir aðdáendur við innsetningarathöfn Vladímírs Pútín um daginn voru fyrrum yfirmaður í Stasi ofsóknarbatteríi Austur-Þýskalands, í 1932-fylgd Gerhards Schröder, fyrrum kanslara nýsameinaðs Þýskalands. Sá situr með keisara Pútín í stjórn Rosneft, sem að miklu leyti gengur með Þýskaland á barmi hruns í vösum sínum, en sem Þýskaland ætlast hins vegar til að Bandaríkin verji. Maður kastar upp. En nú er Wyatt Earp að nálgast Berlínarbúlluna, svo látum okkur sjá hvað gerist á næstu vikum

Frakkland er klofið í tvennt og stendur með næstum ESB-ekkert í höndunum miðað við áður

Norður-Kórea er allt í einu orðið kjarnorkuveldi, þökk sé friðþægingarstefnu góða fólksins

Ítalía er loks að springa í loft upp eftir 25 ára samfellda kreppu vegna ESB-aðildar og upptöku evru. Ráðstöfunartekjur heimila landsins eru lægri í dag en þær voru árið 1995 (rauntekjur)

Síðasta skeið góða friðþægingarfólksins er að renna út. Eftir tvö ár í viðbót hlustar enginn á það lið og menn hlægja að þeirri vitleysu sem ríður húsum á Íslandi í dag. Hvernig gátu menn búið í útópíu án þess að gera sér grein fyrir því, verður spurt

Miklar, mjög miklar, breytingar eru í vændum - og Guðlaugur Þór var því í Pentagon og vel tekið. Þangað liggur leiðin fyrir utanríkismál Íslands - sennilega næstu aldirnar, því 500 ára pólitísku áhrifatímabili Evrópu er lokið. Evrópa getur ekki reimað skóna sína lengur. Hún staulast um á gorgonsólum, því Evrópusambandið hefur eyðilagt hana

Fyrri færsla

Vinstrimenn fagna hryðjuverkum sé þeim beint gegn Gyðingum

Athugasemdir

[Borgþór Jónsson, 17.5.2018 kl. 09:29]

Þú misskilur stöðuna algerelega.

Heimurinn er í dag eins og menn sem eru að slátra stórgrip. Þeir halda sig frá fótum hans meðan dýrið er að drepast af því að dauðakippirnir geta verið banvænir. En það þarf samt að slátra skepnunni.

Bandaríkin hafa misst allan sharma. Þau eru skuldum hlaðin og skrimta frá degi til dags á lánum. Og þetta er ekki í óeiginlegri merkingu. Hvað eftir annað stoppast Bandarískt samfélag af því vafi leikur á hvort meira lánsfé sé í boði. Það eina sem heldur þeim á floti í dag er herinn og einbeittur vilji til að nota hann til að kúga aðrar þjóðir.

En herinn er líka að fjara út. Bandaríski úthafsflotinn siglir um höfin í dag með leyfi frá Rússum. Þeir fara ekki fet nema með Rússnesskt haffærisskýrteini.

Ef Rússum mislíkar hvaða siglingarleið er valin tekur það þá ca 5 tíma að eyða þessum flota.Það er ekkert sem Bandaríkjamenn geta gert. Rússar eru heimakærir,en nú er svo komið að þeir geta verið komnir heim aftur í kvöldmat ,eftir að hafa eytt Bandaríska flotanum þó þeir sofi fram að hádegi,þökk sé MIG 31 þotunni sem flýgur á 2800 km hraða. Ef þeir vilja eyða flotanum við Kóreu missa þeir ekki einu sinni úr kaffitíma.

Bandaríkin munu lafa eitthvað áfram á kjarnorkuógninni en það er hverjum manni ljóst að ljósið er að slökkna í augum Bandaríska heimsveldisins.

[Gunnar Rögnvaldsson, 17.5.2018 kl. 10:36]

Það er eins gott að "Rússum" mislíki ekki við þig Borgþór. Þú verður að standa þig.

Kveðjur

[Borgþór Jónsson, 17.5.2018 kl. 11:15]

Ég held að það séu sáralitlar líkur á að Rússum mislíki við mig.

Það sem er fyrst og fremst að eyðileggja Bandaríkin er gengdarlaus spilling. Alger samruni ríkis og stórfyrirtækja hefur getið af sér fasískt stjórnarfar sem við verðum vitni að daglega bæði á innanlandsvettvangi og í alþjóðamálum. Eini munurinn á Þýskalandi Nasismans og Bandarísku stjórnafari ,er að Nasisminn var rekinn áfram af þjóðerniskennd en Bandaríska elítan er eingöngu knúin áfram af græðgi.

Það getur ekki verið farsælt til lengdar að lagasmíð sé í höndum nokkur hundruð mútuþega. Ég hugsa að þetta sé lagert einsdæmi í veröldinni.

Í kosningabaráttuni virtist sem Trump hafi gert sér einhverja grein fyrir þessu og það var ástæðan fyrir að hann var kosinn,en nú hefur hann gleymt þessu öllu og tekur þátt í dansinum af fullri innlifun.

Ráðaleysi hans og skammsýni er svo að flýta hruni Bandaríska heimsveldisins um marga áratugi. Hann rífur kjaft og gerir tilgangslausar eldflaugaárásir en í raun gerist ekki neitt nema hávaðinn.Margir láta glepjast af kjaftaglamrinu og munu gera það eitthvað áfram.

Trump notaði 100 rándýrar eldflaugar til að sprengja upp þrjá mannlausa húskofa, og hann þorði ekki einu sinni að gera það nema hafa samráð við Putin. Putin sagði náttúrlega að hann gæti gert þetta ef hann meiddi engann og Trump gerði eins og honum var sagt.

[Borgþór Jónsson, 17.5.2018 kl. 11:26]

Til skýringar.

Það er ekki ókeypis að vera lobbyisti í Bandaríska þinginu. Þú þarft að kaupa réttinn til þess. Þetta er að sjálfssögðu gert til að almenningur sé ekki að skifta sér af Bandarískum stjórnmálum.

Ég held að það sé einsdæmi að ríki leigi út aðstöðu til stórfyrirtækja til að auðvelda þeim að múta þingmönnum. Það má þó vera að Evrópuþingið hafi svipað fyrirrkomulag,enda fyrirbærin álíka spillt og ráðalaus.