Ríkisútvarpið er blikkandi rautt neyðarljós

Eitt skærasta merki um að eitthvað verulega mikið sé að í nútímalegu lýðræðisríki, hlýtur að vera sérhvert verksummerki um tilvist einhverskonar "Ríkisútvarps" í þannig ríki. Það eitt að ríkisrekinn fjölmiðill skuli vera til í nútímanum, hlýtur að vera eitt skærasta blikkandi rauða ljós um að eitthvað verulega mikið sé að í því ríki

Ekkert réttlætir tilvist Ríkisútvarps, sem þekkt eru fyrir að dæla út pólitískum áróðri í eina átt en grafa undan hinni áttinni, með lögvernduðu umboðsleysi þess, en sem fólki er gert skylt að borga fyrir eins og að um alvörumál lífsins sé um að ræða, eins og til dæmis lögreglu eða landvarnir

Við sáum einmitt enn eitt þannig dæmi í kvöld, þar sem starfslið ríkisfjölmiðilsins réðst að kjörnum fulltrúa fólksins. Ef fórnarlambið hefði verið einn af þeim, þ.e. rautt, þá hefði ekkert heyrst og þessi nauðgun ekki farið fram. Allir hljóta að sjá hverskonar pólitísk mannætustofnun Ríkisútvarpið er orðið. Það er einkaklúbbur fámennrar elítu sem hatar þjóðríkið Ísland

Alþingi þyrfti einnig að flytja starfsemi sína frá Reykjavík, áður en sú æðsta stofnun Íslenska Lýðveldisins verður lakagígum Reykjavíkur að bráð, í endalausum pólitískum móðuharðindum þess staðar, sem sjúga kraftinn úr öllu sem á Íslandi lifir

Ég er ansi hræddur um að Ríkisútvarpið sé orðið rotnasta stofnun Lýðveldisins. Enda skammast það sín og notar feluliti yfir nafnið sitt. Það heitir Ríkisútvarpið, en er DDRÚV. Það gæti alveg eins heitið pólitíska hóruhúsið eins og RÚV

Ég hvet þingmenn til að berjast fyrir því að Ríkisútvarpið hætti umsvifalaust öllum rekstri og að öllum starfsmönnum þess verði sagt upp og útsendingarbúnaði þess varpað í Kleifarvatn. Og að þeir peningar sem þannig sparast séu á hverju ári næstu 10 árin settir í vegakerfi Íslendinga og að sú framkvæmd sé boðin út. Um tvennt er að velja. 1) niðurrifsstarfsemi DDRVÚ eða 2) uppbyggingu vegakerfis Íslendinga

Lífið á Íslandi var þrátt fyrir allt betra og hugrakkara áður en Ríkisútvarpið kom til sögunnar. Það hefði aldrei átt að fæðast á kostnað skattgreiðenda. Ríkisútvarpið var misráðin pólitík um misráðna pólitíska stofnun

Fyrri færsla

PISA-lánshæfnismat OECD-Ratings í menntamálum

Athugasemdir

[Þorsteinn Briem, 14.2.2018 kl. 23:45]

Ríkisútvarp er víða, til að mynda í Bretlandi, BBC, og mikill meirihluti Íslendinga vill ríkisútvarp.

Í lýðræðisríki ræður meirihlutinn.

Enginn neyðir þig til að nota RÚV en samt glápir þú á það á hverju kvöldi og veinar stöðugt yfir því eins og stunginn grís.

[Gunnar Rögnvaldsson, 15.2.2018 kl. 00:00]

Þakka þér.

Já ég hef kynnst ríkisútvörpum nokkurra landa og þurft að borga fyrir þau. Þau er öll plágur á löndum sínum.

Þar sem þú virðist vera enn eitt atvinnulausa undrabarnið Þorsteinn, þá virðist það samt ekki hafa hvarflað að þér að mikill meiri hluti skattgreiðenda myndi vilja fá að velja hvort hann eyði peningum sínum í þig og þitt ríkisútvarp, eða ekki. Um það snýst málið.

Ef enginn vil hafa ríkisútvarpið þitt, nema að þeir borgi sem vilja ekki borga fyrir það og alls ekki hafa það, þá er þetta apparat sjálfdautt.

Það er ekkert sem réttlætir lögþvingaða tilvíst Ríkisútvarpsins. Það er tímaskekkja og leið til ánauðar.

Kveðjur

PS: ekki fá enn eitt froðufallandi áfallið þitt hér inni Þorsteinn, heldur notaðu þína eigin bloggsíðu og froðufelldu vinsamlegast þar. Kannski les þig jafnvel einhver. Það gæti hugsanlega gerst

Kveðjur

[Þorsteinn Briem, 15.2.2018 kl. 00:02]

Davíð Oddsson, þáverandi forsætisráðherra, í umræðum á Alþingi í nóvember 2003:

"Meira að segja harðir einkavæðingarmenn eins og ég geta ekki hugsað sér að einkavæða Ríkisútvarpið.

Það segir allt sem segja þarf um þennan markað þannig að samkeppnin leysir ekki þetta mál, því miður."

[Þorsteinn Briem, 15.2.2018 kl. 00:04]

1.2.2013:

"Meirihluti Íslendinga er andvígur því að ríkið selji eignarhluti sína í Landsvirkjun, Landsbankanum og Ríkisútvarpinu, samkvæmt niðurstöðu könnunar MMR.

Af þeim sem tóku afstöðu sögðust 40,6% fylgjandi því að ríkið selji eignarhlut sinn í Landsbankanum, 22,8% sögðust fylgjandi því að ríkið selji eignarhlut sinn í Ríkisútvarpinu og þá voru 14,7% fylgjandi því að ríkið selji eignarhlut sinn í Landsvirkjun.

Stuðningur við eignasöluna er minni nú í öllum tilvikum en þegar sambærileg könnun var gerð fyrir ári síðan."

Meirihluti Íslendinga er andvígur sölu á Ríkisútvarpinu, Landsvirkjun og Landsbankanum og andstaðan hefur aukist

[Þorsteinn Briem, 15.2.2018 kl. 00:12]

24.10.2013:

Samkvæmt könnun MMR bera 52,3% mikið traust til RÚV en 17,4% lítið traust.

"Af þeim sem tóku afstöðu sögðust 77,1% bera mikið traust til lögreglunnar, 61,3% til Háskóla Íslands, 52,3% til Ríkisútvarpsins og 48,6% til Háskólans í Reykjavík.

Til samanburðar sögðust 9,2% bera mikið traust til bankakerfisins, 10,2% til Fjármálaeftirlitsins, 12,7% til fjölmiðla og 12,9% til lífeyrissjóðanna."

[Gunnar Rögnvaldsson, 15.2.2018 kl. 00:25]

Þorsteinn

Þú viðhefur hér á bloggsíðu minni og á bloggsíðum annarra það prinsipp sem þú vilt fá þitt Ríkisútvarp afhent til þín á kostnað annarra. Þú notar bloggsíðu mína til að koma ómálga undrabarns-babbli þínu á framfæri. Þú níddist eins og grís á gestrisni Ómars Ragnarssonar á bloggsíðu hans, árum saman. Þú vilt bara fá, en ekkert borga og ekkert leggja til eða hafa fyrir á þinn kostnað. Komdu þér út, eða legðu eitthvað til málanna annað er blaður

[Jón Valur Jensson, 15.2.2018 kl. 02:10]

Já, hann mætti koma sér út þessi Steini. Var hann ekki í Svíþjóð og þá að vinna fyrir Evrópusambandið, eða er ég nokkuð að ruglast á mönnum. En meira en ærið nóg skrifaði hann tiol að agitera fyrir ósjálfstæði okkar.

[Helgi jónsson (IP-tala skráð) 15.2.2018 kl. 09:10]

Steini þú stendur þig vel eins og RUV, að fletta ofan af spillingunni hjá íhaldinu.

[Gunnar Heiðarsson, 15.2.2018 kl. 10:14]

Ég vel vegakerfið, nafni.

Það er til lítils að reyna að tala um fyrir Steina, hann er bara svona. Og þó hann sé duglegur að misnota bloggsíður annarra, með sínu copy/paste, nennir hann ekki að rita á sína eigin bloggsíðu. Síðasta færsla hans þar var rituð þann 3. maí árið 2008!!

Eina ráðið gegn þessari óværu er að útiloka hana.

[Gunnar Rögnvaldsson, 15.2.2018 kl. 15:05]

Þakka ykkur Jón Valur og Gunnar nafni.

Það er upplagt að leggja Ríkisútvarpið niður einmitt núna. Við myndum fá miklu betra í staðinn frá frjálsum einstaklingum sem smíða myndu þá fjölmiðla sem þjóðin á skilið. Ríkisútvarpið drepur allt sem það kemur nálægt, einnig síðasta lag fyrir fréttir, en sérstaklega allt Ísland og Íslendinga. Enda er varla um fjölmiðil að ræða heldur herferðastofu í þágu vinstrimanna. Ekkert þrífst heldur í nálægð þess annað er vinstrisinnaðar stuðningsgrúppur þess sem eru á sporbraut umhverfis DDRÚV. 

Varla má sjá hvort verra er núna; holukerfið á Höfuðborgara-svæðinu eða malarvegakerfi óæðri innsveita landsins sem búa til og veiða matinn ofan í Höfuðborgarana. Fyrir mitt leyti finnst mér malarvegurinn hér hjá óæðri-borgara mér, betri en holukerfið í subbuverki vinstrimanna í Reykjavík. Ég hef alvöru sveitaryk en Höfuðborgararnir hafa bara svifryk úr öskustó vinstrisins á staðnum.

Kveðjur

[Spurning (IP-tala skráð) 16.2.2018 kl. 15:17]

Á hvaða sjónvarpsstöð skyldi Gísli Marteinn Baldursson starfa? Og á hvaða útvarpsstöð skyldi hann starfa, bölvaður kommmúnistinn?