Eftir endurtalningu fékk SPD samþykki til stjórnarmyndunarviðræðna. Flokkurinn að hverfa

Fréttir af úniversal fávitahæli evrunnar

Það var ekki fyrr en eftir endurtalningu atkvæða 642 fulltrúa þýskra sósíaldemókrata í dag, að flokksforysta þessa svo kallaða SPD-flokks treysti sér til að lýsa því yfir að samþykki hefði fengist á ráðstefnu flokksins um helgina, fyrir því að ganga til "formlegra stjórnarmyndunarviðræðna" við CDU/CSU flokksbandalagið sem Angela Merkel leiðir

Og það var ekki fyrr en eftir að hafa "lofað" að SPD myndi fá meiri tilslakanir en gert hafði verið ráð fyrir í óformlegum viðræðum, að 362 af 642 fulltrúum flokksins létust til leiðast að samþykkja formlegar viðræður. 279 sögðu nei. Flokkurinn hefur tapað nálægt helmingi kjósenda og misst fylgi í hverjum einustu kosningum síðastliðin 15 ár

SPD-flokkurinn tapar í takt við versnandi kjör kjósenda vegna trúarbragða "frjálsrar" verslunar/viðskipta undir fjölþjóðaisma (e. multilateralism), ESB og alþjóðavæðingar, sem flokkurinn tók til sín og hefur dýrkað. Sú trú boðar tvennt; 1) að hún sé nauðsynleg og ávallt og stanslaust af hinu góða, og 2) að allir hagnist á henni. Tvennt er samt enn óútskýrt í þessum trúarbrögðum; 1) hve langan tíma tekur það fyrir trúna að virka, og 2) hvert fór hagnaðurinn af þessari svo kölluðu "frjálsu verslun", því ekki fór hann til þeirra sem áður fyrr kusu einmitt sósíaldemókrata. Þeim reið flokkurinn og verkalýðshreyfing hans hins vegar til fjandans og hengdi þá til afbakaðs þerris inn í EMU og gerði Þýskaland að láglaunalandi, sem kaldhæðnislega hefði átt að stækka sjálfan grundvöllinn fyrir flokkinn, en sú reið virkaði að sjálfsögðu þveröfugt, því fólk er ekki heimskt. Og svipað hafa sósíaldemókratar og verkalýðshreyfing þeirra einnig gert á öllum Vesturlöndum. Þeir eru orðnir versti óvinur skjólstæðinga sinna. Og vegna þess að kjósendur sjá ekki lengur neinn mun á SPD og CDU vegna illa lyktandi samvinnu þeirra um sömu stefnu, þá kýs allur almenningur í vaxandi mæli hvorugan þessara flokka. Og þýsku CDU/CSU eru of heimskir til að skilja stöðuna. Þeir eru það sem kallað er nautheimskir merkantílistar, enda er það það sem ESB-gengur út á. Líberalistar sem halda að þeir séu Íhaldsmenn, þ.e. öfuguggar út í gegn, enda vita þeir varla hvað engilsaxnesk-amerísk arfleið íhaldsmanna er, eins og svo greinilega sést á úniversal fávitahæli evrunnar í dag, og reyndar alla áðurgengna daga hennar. The European Monetary Madness Area (EMMA) talar fyrir sig sem úníversal fávitahæli líberalista. Hvernig gat öðruvísi farið með þá smíði líberalista?

Gert er nú ráð fyrir að þessar viðræður geti hafist eftir nokkrar vikur. Allt tekur langan tíma í steinrunnu Þýskalandi og er þá með talið sjálft hrun stjórnmála landsins. En þegar það gerist, þá gerist það með því öryggi sem við sjáum birtast núna. Síðan þarf að hefja harðsóttar viðræður og þá erum við komin fram í apríl/maí - og ef samningar nást ekki þá verður kosið á ný næsta haust. Heilt stjórnlaust ár er farið í ekki neitt, hvernig sem málin fara því landið lokar því sem næst niður á sumrin

Þverklofinn SPD-flokkur þýskra sósíaldemókrata hefur hér með ákveðið að ganga til formlegra stjórnarmyndunarviðræðna við klofna flokksbandalagið sem restin af Angelu Merkel leiðir. Hefur henni og SPD á aðeins 13 árum tekist að rústa þýskum stjórnmálum niður að stjórnleysismörkum. Þetta er vélin í Evrópusambandinu, eins og "allir" fjölmiðlar hafa sagt ykkur frá, líklega milljón sinnum. Sjálf vélin já

Tengt

Þýskaland: Verður stjórnarmyndunarviðræðum hafnað?

Fyrri færsla

"Góðir innviðir" einkennandi fyrir einræðisríki?

Jafnaðarmenn til viðræðna við Merkel

Athugasemdir

[Gunnar Rögnvaldsson, 22.1.2018 kl. 08:42]

Atkvæðagreiðslan á flokksfundi SPD í gær var að sjálfsögðu ekki leynileg. Aðeins 56 prósent flokksmanna sem voru undir þrýstingi forystunnar samþykktu það sem forystan lagði til, varðandi stjórnarmyndunarviðræður. Telja þurfti tvisvar því varla sást munur á þeim sem voru með og á móti.

Martin Schulz formaður sagði frá því á fundinum að Emmanuel Macron forseti Frakklands hefði hringt í sig, en þá fór bara bylgja af hæðnislegum hlátri um salinn, því flokksmönnum er gersamlega sama um fjandans Evrópusambandið og öllu því ormétna þursahöfði.

Telja þeim sem þekkja flokkinn best að alls óvíst sé að niðurstaða stjórnarmyndunarviðræðna verði samþykk af almennum flokksmönnum, sem einu sinni voru meira en milljón manns, en eru einungis fjögur hundurð þúsund núna. Sú atkvæðagreiðsla verður leynileg og mest er andstaðan í grasrót flokksins og ungliðum.

SDP hefur nú pólitískt líf Angelu Merkel í hendi sér. Já þetta er aflvélin í Evrópusambandi elíta meginlandsins. Hún er þessi samkoma.