Setulið í Katalóníu með samþykki miðstjórnar ESB

Engan skyldi undra að meðal íbúa Katalóníu er nú talað um lögreglu- og þjóðvarðliðið sem ríkisstjórnin í Madrid hefur sent, sem "setuliðið"

Og engan skyldi undra að staðan sé eins og hún er á meðan við lýði er stjórnarskrá sem borgararnir hvorki elska né virða mikils, eftir að ríkisstjórnin í Madrid með stjórnarskrárdómstól í rassvasanum hefur notað hann að eigin pólitískum geðþótta

Slíkt er bara hægt í löndum þar sem borgunum er annað hvort illa við stjórnarskránna, bera ekki traust til hennar vegna þess að vitað er að þeir sem sömdu hana voru útópískir afglapar og sem borgararnir höfðu því ekki fyrir að kjósa það sem frá þeim kom, og að dómstóll hennar hefur verið og mun verða gróft misnotaður í pólitískum tilgangi, eins og orðinn er staðall hjá Madrid, en einnig Berlín, svo að tvö ESB-lönd séu sett á sama listann

Á þann lista ætti líka að setja allt afglaparáð rugludalla og stjórnleysingja í Reykjavík svo að þeir forarháleistar ömurleikans séu nefndir til sögunnar hér í þessu samhengi. En það geggjunarlið götunnar hóf að grafa undan stjórnaskrá Íslands við fyrsta tækifæri sem brast á okkur sem áföll. Það lið er enn að reyna að efna til innri ófriðar til að komast þannig með Ísland, sem það reynir eyðileggja, inn í Evrópusambandið. Aðeins dulbúið vinstrið sem dýrkaði hreinræktaðan kommúnisma í austri ræðst til atlögu á stjórnarskrá sem íslenska þjóðin samþykkti með 98,5 prósent meirihluta. Sú sátt er nú komin í pólitískar hakkavélar vinstrisins og stjórnleysingja, nema að varðstaða um stjórnarskrá okkar sé staðin fast. Slíkt áhlaup gera aðeins pólitískir vitfirringar og forarháleistar

Í austri ofsækir Evrópusambandið Pólland fyrir að réttkjörin mikils meiri hluta ríkisstjórn efni kosningaloforð sín við kjósendur, á meðan sama Evrópusamband ömurleikans segir að það sé "innanríkismál" þegar lögreglu og þjóðvarðliði er sigað með bareflum og gúmmíkúlum á borgarana með um leið og þeir reyna að koma lýðræðislegum skilaboðum til miðstjórnar sem er í vösum hins sama Evrópusambands - vegna banka á barmi gjaldþrots og stórpólitískrar myntar

Það styttist í fullt Sovét í Evrópusambandinu og þangað stefna kosningasvikarar Vinstri grænna með aðstoð stjórnleysingja. Stjórnleysi er besti flokkur slíkra afla. Engin broskerling breytir því sem þar undir feldi liggur og bíður færis

Fyrri færsla

Ónýtar stjórnarskrár: Annar hluti spænsku stjórnarskráarinnar

Athugasemdir

[Sigþór Hrafnsson (IP-tala skráð) 3.10.2017 kl. 13:40]

Sæll Gunnar

Stjórnleysingjarnir eru allir í Katalóníu. Það sem gerðist með nýju stjórnarskránna á Íslandi hefur ekkert með stjórnleysi að gera, það er vandaðasta lögformlega ferli sem Íslendingar hafa nokkru sinni staðið fyrir.

Mótsagnir orða þinna eru æpandi. Þú veist að ef þú ætlar að þyrla upp moðreyk þá er best að nota sprek og mosa, ekki sprek og vatn.

[Gunnar Rögnvaldsson, 3.10.2017 kl. 15:55]

Sigþór Hrafnson (er það ekki?)

Stjórnarskrá okkar bannar mönnum ekki að koma saman og brugga þjóðinni launráð með orðagjálfri, skrumi og múgsefjun. Það gerir hún ekki. En skrílsláta og hatursframkomu hins stjórnlausa vinstri vængs á íslensku þjóðinni og Íslandi í djúpum áföllum, og þar með talinni stjórnarskrá hennar og æðstu stofnunum, þar með tölum Seðlabanka hennar, ber harðlega að fordæma.

Engir nema þeir sem hafa allt óhreint í öllum sínum pokahornum koma og ganga fram eins og sú hrúga af kverúlöntum gerði undir verndarvæng ömurlegustu ríkisstjórnar Íslandssögunnar. Lið sem enga hugmynd hafði um hvað það var að gera, þó reynt sé að breiða yfir geggjun og getuleysi þess með orðagjálfri eins og þú notar hér að ofan. Skömm þessa liðs er mikil.

Kveðjur

[Sigþór Hrafnsson (IP-tala skráð) 3.10.2017 kl. 19:39]

Sæll Gunnar

Það er illa greint að horfa á fólkið á bakvið ferlið frekar en ferlið sjálft þegar meta á niðurstöður ferlisins. Með svoleiðis röksemdarfærslu má segja að allir skapaðir hlutir séu vondir ef að það er óvandað fólk í ferlinu.

En fyrir utan það þá veit ég svo sem að þú ert í einhverri flokka pólitík, það er ég ekki. Þá er líklega best að ég láti þar við sitja.