ESB-einangrað Pólland heimsótt

Mynd AP: Undir pólska Hamrinum. Andrzej Duda forseti Póllands og Donald J. Trump í Varsjá 6. júlí 2017

Donald J. Trump heimsótti Pólland fimmtudaginn 6. júlí 2017. Þar ávarpaði hann pólsku þjóðina sem fyrir stuttu síðan í sovéskt hönnuðu alræðisríki safnaðist saman í milljón manna messu sem einróma hrópaði: "við viljum Guð". Rétt vestan megin við, voru vinstrimennin sem misst höfðu af Stalín þá þegar byrjaðir að hrópa "við hötum Guð og heimtum Stalín"

Pólverjar kusu, er þeir loksins fengu að kjósa, ríkisstjórn sem fellur Evrópusambandselítum ekki í geð. Sambandið þolir helst ekki að reglur lýðræðis séu virtar því það er að byggja upp ný sovétríki. Evrópusambandið ofsækir því Pólland af því að það með lýðræðislega kjörinni ríkisstjórn er að vinna að málum pólsku þjóðarinnar, sem er sterk, en ekki fársjúk. Ef fólk ætlar að vera þjóð þá verður það að viðhafa passlega þjóðarstefnu/þjóðernisstefnu og ekki vera undirlægju-hrætt við það

Þjóð án þjóðernisstefnu er ekki til og getur ekki verið til. Hún er annað hvort við það að gufa upp, eða þegar gufuð upp, eða þegar að að velli lögð. Þjóðarstefna þjóðríkisins úr Gamla testamentinu er lífsnauðsynleg og hún er besta manngæskuberandi stofnun mannkynssögunnar. Og hana er hvergi annarsstaðar að finna en í hinum Heilögu ritningum Vesturlanda. Hvergi annarsstaðar

Tæplega sextíu prósent Pólverja segjast frekar vilja segja sig úr Evrópusambandinu en að gangast undir íslömsk upplausnarplön Brusselveldisins. Þessi könnun var nýlega gerð af IBRiS. Og ekki nóg með það, þá segja þeir sem þekkja innsog sögunnar í Póllandi hve best, að Brusselveldið sé bara enn eitt nýja veldið í anda bolsévismans, sem hanna ætlar nýja tegund "samfélags" í stað þjóðfélags. Pólverjar segjast ekki ætla ekki að taka þátt í sjálfmorði Evrópusambandsríkja

Þessi tvö félagsform geta ekki þrifist samhliða. Ekki frekar en kommúnismi og þjóðríkið. Ég er því sjálfur í íslenska þjóðfélaginu, en ekki í "einhverju samfélagi". Samfélög geta ekki gefið út vegabréf né haldið lýðræðislegar kosningar og þau hafa ekkert heimilisfag, bera enga ábyrgð og níðast á þjóðfélaginu. Þau geta ekki átt fulltrúa og þau geta ekki varist, því að "sam-félag" er ekki þjóð með sameiginleg örlög. Þau standa því fyrir ekkert. Ekkert sameiginlegt er þar að verja. Samfélög eru ekki til nema sem þar af leitt samstarf fullvalda og sjálfstæðra þjóða, enda stendur það skýrt í fyrstu málsgrein stofnsáttmála sameinuðu ÞJÓÐANNA. Þær þjóðir sameinast um að eiga þar ákveðinn vettvang, en sem samt er að gufa upp, því vettvangurinn sá hefur gleymt tilgangi sínum. Þannig fer um allt sem er "sam". Það verður saminu að bráð

Hefur þessi visnun og ófrjósemi hins alþjóðlega visna vinstris þegar náð fótefstu í Reykjavíkurborg. Frjósemi íslenskra kvenna fer brátt að heyra sögunni til og volæðið hefur hafið innreið sína í ostaklukkuspil Reykjavíkurborgar. Fnykurinn þaðan fer vaxandi og hávaðinn í vinstra alræðistómi hennar er eftir því

Það er líklega engin tilviljun að Donald J. Trump var komið fyrir í sæti undir málverkinu af Sobieski þriðja, sem sturtaði síðasta heimsveldi íslams burt af meginlandi Evrópu. Eftir þessu var tekið þegar Trump hitti Duda forseta Póllands í fyrradag. Honum var vísað til sætis undir Hamrinum. Sobieski er oft nefndur íslam-hamarinn frá Póllandi. Og eins og Winston var, þá er Trump illa liðinn af óteljandi leiðum og veikburða sálum Vesturlanda, sem henda fullveldi þjóðríkjanna fyrir krókódílana, í þeirri von að þeir sjálfir verði étnir síðast. Winston var afar illa liðinn maður af mjög mörgum og til dæmis talinn skelfilegur maður í Danmörku, áður en hún var hertekin af þeim sem síðast reyndu að hamra Evrópu saman með ofbeldi og ofstæki, í stað menningarlegs og lagalegs ofbeldis og ofstækis, eins og fram fer í ESB í dag

Þýskaland með ESB-klíkuna í rassvasanum ofsækir þjóðríkið Pólland af því að Þýskaland verður að ráða yfir hinum svo kallaða innra-markaði til að geta flutt út helming landsframleiðslunnar, sem er út í hött þegar um fjórða stærsta en samtímis veikasta hagkerfi veraldar er að ræða. Þýskaland níðst þannig á öðrum þjóðum með "beggar-thy-neighbour" stefnunni. Það hefur svo fáa neytendur og kaupendur að neinu sjálft. Það er því orðið veikasti og þar með hættulegasti hlekkurinn á meginlandi Evrópu. Þýskaland verður líka að ráða peningastefnunni á þessum svo kallaða innri-markaði (í reynd fangabúðir) og það verður einnig að ráða því hvernig gjaldmiðill hans er verðlagður með tilliti til útflutnings út fyrir fangabúðirnar. Og það verður einnig að ráða verðbólgustiginu, þannig að það sé Þýskalandi ávallt í hag og verðleggi útflutning því sjálfu í hag en öðrum í óhag, til þess að þessir aðrir séu áfram laskaðir og veikir og geti ekki keppt við Þýskaland á eðlilegum forsendum, nema nurli og níðst á öðrum stefnunni

Þýskaland verður einnig að ráða því hvort að viðskipti verði látin hafa forgang fram yfir lýðræði og frelsi manna í Evrópu. Þýskaland heimtar því stjórna veikingu NATO til þess að varnabandalagið eyðileggi ekki komandi viðskipti Þýskalands við Rússland. Ekkert má standa í vegi fyrir því að Þýskaland geti flutt út helming landsframleiðslunnar núna og í framtíðinni. Það heimtar því að NATO sé fyrst og fremst pólitískur kjaftaklúbbur en ekki hernaðarbandalag, því þannig bandalög ógna viðskiptum Þýskalands, sem er að deyja sínum gelda öldrunardauða

Þýskaland er því í NATO á allt öðrum forsendum en flest önnur ríki. Það krefst þess að NATO sé haldið veiku svo það ógni ekki framtíðarmarkaði Þýskalands í Rússlandi eftir að gaddavírinn umhverfis fangabúðir hins innri markaðar fellur. Og þegar lönd ESB fá þá fullveldi sitt á ný með því að sambandið lognast útaf sem sjálfdautt og misheppnað geopólitískt trix hinna fyrrverandi Þýskalands og Frakklands. En þessi tvö ríki eru og verða áfram aðeins fyrrverandi veldi. Ekkert make-up getur meikað yfir þá staðreynd, sama hversu þykkt því er smurt á sviðin andlit þeirra

Video: Bandarísku og pólsku forsetahjónin takast í hendur

Pólland hefur hellt grús í úrverk Þýskalands, sem er með ESB í rassvasanum. Pólland skalt því ofsótt frá Brussel fyrir að vilja áfram vera fullvalda ríki með sín dýrmætu landamæri sem nágrannar þess viðstöðulaust og öldum saman hafa reynt að þurrka út. Það var aldrei meiningin með Evrópusambandinu að lönd þess gætu haft sjálfsákvörðunarrétt. Þau áttu að sýna undirgefni, kyngja kúgun og hlýða og vera til fyrir sviðnu löndin tvö

Bandaríkin hafa lítilla sem engra sameiginlegra hagsmuna að gæta með Þýskalandi lengur, því Þýskaland, eins og áður, er frekar gagnslaust ríkislíki og óútreiknanlegt. Þýskaland er ekki mikilvægt land fyrir neinn í Evrópu nema fyrir Þýskaland sjálft. Landið er einungis efnahagsleg hugmynd prinsins Bismarcks að þjóð. Og þannig hugmynd um þjóð getur aldrei gengið upp. Evrópusambandið byrjaði því að liðast í sundur við fyrstu ágjöf því Þýskaland er veikasti hlekkur þess. Það mun aldrei þola sjálfsákvörðunarrétt þjóða né þjóðfrelsi þeirra. Þess vegna er Þýskaland að deyja. Það er nú þegar því sem næst lifandi dautt. En útför þess mun hins vegar ekki fara fram í kyrrþey. Hafa ber það í huga, þegar hugað er að "framtíðinni" á meginlandi Evrópu. Jarðarfararstemmingin þar verður engin smásmíði

Þess vegna fór Trump til Póllands. Við engan er að tala í Þýskalandi. Þar er ekkert og verður aldrei neitt. Hið nýja en gamla Intermarium Pilsudski er hins vegar orðið að staðreynd í smíðum. Hún er í smíðum og þar mun allt það mikilvæga í Evrópu fram fara á komandi mörgum tugum ára. Verið er að reka Intermarium fleyginn á sinn stað. Ungverjaland hefur ákveðið að taka þátt í heræfingum með Rúmeníu sem tekur þátt í heræfingum með Póllandi. Svo munu Eystrasaltsríkin stíga um borð ásamt Búlgaríu. Þá eru þetta sem sagt ríkin Pólland, sem er ekki platríki, Rúmenía og Ungverjaland - og svo Bandaríki Norður Ameríku, sem orðið hafa það sem þau eru með því að vera aldrei sammála um neitt. Þau eru nefnilega ekki samsæri því stjórnarskrá þeirra sá fyrir því að bandaríska þjóðin mætti, ætti og skyldi samkvæmt mannlegu eðli, aldrei vera sammála um neitt. Þess vegna er Donald J. Trump forseti Bandaríkjanna í dag, en ekki sam-særi einhvers sam-félags

Video: Ræða Donalds J. Trump í Póllandi í heild

Fyrri færsla

"Í Bandaríkjunum tilbiðjum við ekki ríkisstjórnir, við tilbiðjum Guð"

Athugasemdir

[Gunnar Rögnvaldsson, 8.7.2017 kl. 16:55]

Ofan í þetta má svo bæta því að ágallar Evrópusambandsins sem stofnunar sem engin vandamál er fært um að leysa, heldur framleiðir það vandamálin sjálft á færibandi handa heiminum til að leysa, eru orðnir svo krónískir að sambandinu er sjálfhætt.

ESB hangir sem steypuklossi um háls hagvaxtar og velmegunar í heiminum öllum, og það lætur aðra hluta heimsins um að leysa vandamál þess. Current-account staða ESB sem heild er eins og staða sníkjudýrs á heimshagkerfinu.

Bandaríkin hafa sérstaklega haldið þessu vesæla efnahagssvæði ofan sjávar. Án þeirra væri það hreinlega skokkið og hengt í sinni eigin hengingaról.

Samskiptum ESB og Bandaríkjanna hefur því stanslaust hrakað síðustu 17 árin og líklegt er að brátt muni sjóða uppúr.

[Jón Valur Jensson, 8.7.2017 kl. 19:53]

Athyglisverð grein, mjög íhugunarverð a.m.k. í mörgu.

Þegar Gunnar ritar: "Þess vegna er Þýskaland að deyja. Það er nú þegar því sem næst lifandi dautt," þá staðfestist það af öðrum þungvægum ástæðum af þessu: Nú fæðast aðeins 1,44 börn á hverja konu á barneignaaldri í Þýzkalandi. Það merkir, að næsta barneignakynslóð verður aðeins 72% af stærð núverandi barneignakynslóðar, og sú þarnæsta verður aðeins um 52,8% af stærð þeirrar núverandi, en sú þriðja (eftir um 90-100 ár) verður aðeins tæp 42% af stærð núverandi barneignakynslóðar, og sú fjórða verður aðeins um 30% af stærð þeirrar núverandi. Þannig skreppur þjóðin saman. Tölurnar eiga raunar við um íbúa landsins, ekki endilega Þjóðverja sem slíka. Meiri tímgun múslima mun m.a. tryggja það, að 30%-talan fram í tímann (einbert meðaltal landsmanna) er jafnvel of hátt reiknuð fyrir barneignakynslóð Þjóðverja þegar þar að kemur. En með þessu er líka ljóst, að með sömu öfugþróun, á sama hraða, verða Þjóðverjar ekki 80,7 milljónir eins og nú, heldur einhvers staðar nánælt 24,3 milljónum við 4. kynslóð frá því nú.

Þjóðverjar hafa þegar náð því sem þjóð, að þar er að meðaltali elzta fólkið meðal eiginlegra Evrópuþjóða: 46,8 ár, þriðja elzta þjóð í heimi, á eftir Mónakó (52,4) og Japan (46,9).*

Já, þýzka þjóðin er á fallandi fæti með sinni "samfélags"-stefnu, sem hefur breytt glæp fóstureyðinga í réttindi kvenna, eins og Carlos Caraffa kardínáli bendir réttilega á í nýlegri ræðu. Þessi aðferð til sjálfsútrýmingar þjóðar tekur sinn tíma, en hefur sín áhrif með vaxandi og óumflýjanlegum skriðþunga, meðan "samfélagið" þverskallast við að siðbæta sig.

* Allar töluheimildir hér eru byggðar á tölum á vefsíðunni https://www.cia.gov/library/publications/the-world-factbook/geos/gm.html

[Jón Valur Jensson, 8.7.2017 kl. 19:56]

Hér átti vitaskuld að standa: "einhvers staðar nálægt 24,3 milljónum ..."

[Jón Valur Jensson, 8.7.2017 kl. 22:55]

Kardínálinn fordæmdi það að verið sé að “breyta glæp í réttindi” í tilfelli fósturvíga. “Þetta merkir, að farið sé að kalla það, sem er gott, illt, og það, sem er ljós, er kallað myrkur,” sagði hann. Caffarra lýsti því yfir, að fóstureyðing feli í sér “djúptæka afneitun á sannleikanum um manninn.”

[Gunnar Rögnvaldsson, 9.7.2017 kl. 01:14]

Þakka þér Jón Valur.

G-20 fundurinn í Hamborg í Þýskalandi sýndi svo ekki er um að villast hvernig sjálfsmorð Þýskalands gengur fyrir sig. Þar gengu draumabörn Angelu Merkels slíkan berserksgang að annað eins hefur varla sést síðan að litli maðurinn með skeggstubb á efrivör komst til valda.

Falli nýlendur Þýskalands á hinum svo kallaða "innri markaði" þess, þá er Þýskaland búið að vera.

Að fjórða stærsta hagkerfi veraldar þurfi að flytja út helming landsframleiðslu sinnar til að lifa af, nálgast slíkt gerræði að meira öfugsnúið getur eitt meiriháttar ríki varla orðið.

Ef að Bandaríkin, sem eru nettó-innflytjandi, myndu gera slíkt hið sama þá væri þriðja, fjórða og fimmta heimstyrjöldin þegar orðnar að veruleika.

Þýsk dagblöð skrifa í dag að ástandið sé orðið þannig að vilji skríllinn ráða landinu, að já, þá ræður hann landinu.

Myndir Wall Street Journal frá Hamborg eru sláandi. Úrkynjunin er að verða svo yfirþyrmandi í Þýskalandi.

Ég deili mjög áhyggjum manna af lágri frjósemi á Vesturlöndum og staðan í Þýskalandi mun sennilega aldrei lagast, er þar er hún einna verst. Þeir horfa í svart sólarlagið og útför Þýskalands verður algerlega skelfileg og langdregin, í öllum skilningi.

Kveðjur