Banka-ruslatunna evrusvæðis flutt úr einni í aðra

Spænski stór-bankinn Banco Popular hefur nú verið færður sem ónýtt rusl til í ruslatunnufjármálageira evrusvæðis og sem evru-seðlabankaveldi og framkvæmdastjórn Evrópusambandsins sögðu fyrir ekki svo löngu (október 2012) að væri skotheld fjármálastofnun sem þyrfti ekki að hafa neinar áhyggjur af, eins og sömu "stjórnvöld" sögðu á sama hátt og svo flott þegar þau gerðu Dexia-bankann að "skotheldri" fjármálastofnun þvers á landamærum Láglanda, en sem hrundi svo í fullkomna rúst stuttu síðar. Tekjurnar af földum lífeyrissjóðum ríkisstarfsmanna Þýskalands í skúffufélögum þess á Írlandi voru leynilega notaðar til að fjármagna þá "björgun" Dexia

Spænski bankinn var því í gær færður yfir í stærri ruslatunnur Santander banka keppinautarins á Spáni, fyrir bara eina evru. Ku það vera sú eina og sama evra sem tyllt var framan á svitabolsmaga fjármálaráðherra Íslands. Undanfarnar vikur hefur áhlaup á Banco Popular verið í gerjun. Búið var að tæma 1/4 úr honum. ECB-svitabolsyfirvöld evrunnar sögðu því allt í einu kófsveitt síðustu reykfylltu nótt, að bankinn væri gjaldþrota í evrum

Banco Popular stofnaði árið 2009 dóttur-brunagildruna Aliseda Gestion sem sá um að kaupa þær fasteignir sem bankinn hafði lánað til með ónýtum lánum, en sem hverra eigendur lágu þá gjaldþrotnir undir. Aliseda Gestion endurbauð svo fram gjaldþrotnar brunarústir bankans til sölu, með hundrað prósent 40 ára lánum á engum vöxtum til aumingja mest í útlöndum, og helst alls konar kínverja, sem pissa áttu hagkerfið út á ný með eins konar rakvélablöðum krónísks ESB-lekanda, sem öllum evrulöndum er skylt að hafa að eilífu

Að forsögn afglapaveldis ESB átti evran að bjarga efnahag Spánar og var það því af henni umsvifalaust lagt í rúst. Aldrei í mannkyns-sögunni hefur ein mynt eyðilagt eins mikið og evran. En hún er einkaryksuga Þýskalands. Þá peninga sem vantar á Spáni er nú að finna á kistubotnunum heima í Þýskalandi, sem ryksugustýran Merkel þykist stjórna, en stjórnar ekki samt

Já, ein evra var það. Eftir situr hinn íslenski Benedikt-fjármálaráðherrann brennimerktur með magasýrum einnar skaf-evru. Situr sá skaf-miði fastur á honum um aldur og ævi. Ein evra, ekki satt

Atvinnuleysi á Spáni mælist tæp 18 prósent og 40 prósent hjá ungu fólki, en það fólk ku eiga að fjármagna framtíðina á Spáni, skyldi hún óvænt birtast

Fyrri færsla

Hvað er Bandaríski herinn að hugsa?

Athugasemdir

[Sigþór Hrafnsson (IP-tala skráð) 7.6.2017 kl. 17:39]

Þeir sem trúa á verðmæti bréfpeninga verða á endanum apar. Bankamenn hafa tekið þessa hugmyndafræði upp hráa, enda eru þeir, að því er virðist, flestir apar. Allt miðast orðið við peninga, ákvarðanir eru teknar út frá peningum frekar en raunverulegum aðstæðum þ.e. flestar ákvarðanir í raunheimaum eru teknar í gegnum verðlausan pappír sem á að vera mál málanna. Þegar ákvarðanir eru teknar út frá staðgengli/afleiðu/peningum, þá verður misræmi á milli þess sem raunverulega á að laga og þess sem talið sé vera að laga. Niðurstaðan verður á endanum einhvað bull sem engin skilur samanber nútíminn og allar þær snilldar "peningalausnir" sem eru í boði þar. Á endanum munu bankamenn munu líklega rústa sjálfum sér með græðgi.

Peningar eru snilldar verkfæri en mennirnir virðast lítið með þá kunna að fara.

[Gunnar Rögnvaldsson, 7.6.2017 kl. 17:57]

Þakka þér Sigþór

Peningar eru ávísun á verðmæti. Þó svo að þú kaupir ónýta mjólk fyrir peningana þá eru þeir ekki neitt verri fyrir það. Við það hafa þeir alls ekki horfið, heldur einungis það sem þú keyptir fyrir þá.

Um heilabúskap manna gildir hið sama. Rusl inn verður ávallt bara rusl út. Menn eiga ekki að kaupa ónýta mjólk. Evran er og var frá upphafi aðeins pólitískt rusl sem eyðileggur efnahag landa.

Kveðjur

[Jóhann Elíasson, 7.6.2017 kl. 18:20]

Góð grein Gunnar.  Að sumu leyti er athugasemd Sigþórs rétt en það verður að hafa í huga "hvað peningar eru" og við megum ekki algjörlega sleppa okkur í því hvernig menn umgangast þá, sem er allt annað mál.  Á meðan bankarnir hafa það frjálsræði að mega "búa til peninga", má reikna með að peningar, verði meðhöndlaðir af léttúð, á þeim bæ.....

[Gunnar Rögnvaldsson, 7.6.2017 kl. 19:11]

Þakka þér Jóhann.

Það er ekki hægt að kenna peningum um að við þurftum að henda fisknum sem konan keypti í Costco vegna þess að hann var ónýtur og stínkaði svo að lofta þurfti út tímum saman. Og kókið sem hún keypti í sömu verslun var framleitt úr skólpvatni frá útlöndum, svo hella þurfti því niður. Ég vona að við höfum ekki eyðilagt umhverfið með því, en mér skilst nefnilega að það þoli ekki svona lagað lengur og að heimurinn sé því að farast á hverjum degi.

Drasl er og verður drasl. Það ætti maður ekki að kaupa fyrir peninga. Og mér skilst á fréttum að fólk hafi sleppt sér þarna varðandi þessa Costco verslun. 

Bankar búa ekki til peninga. Þeir gíra þá upp. Gíra upp mátt þeirra. Og svo hrynja þeir ef þeir hafa misst vogarstangar-vitið í umsjá stjórnenda; forstjóranna.

Almenningur tekur oft þátt í þessari uppgírun samanber veðsetningar eigna þeirra langt upp fyrir skorstein í ónýtri mjólk og skólp-kóki fjármálaheimsins. Þarna fengum við mátulega á baukinn. Við hefðum átt að lesa smáa letrið.

Kakkalakka-hugmyndir í peningamálum eru ekkert nýtt. En þær detta alltaf niður á ný, en skríða svo upp í næstu áföllum. Svona gengur þetta.

Kveðjur

[Gunnar Rögnvaldsson, 7.6.2017 kl. 19:21]

Og ég tek það fram að engir peningar eru tapaðir. Þeir eru bara hjá kaupmanninum. En það sem við hins vegar keyptum fyrir þá reyndist ekki hafa verðgildi. En peningarnir eru þarna ennþá. Hjá Costco.

[Sigþór Hrafnsson (IP-tala skráð) 7.6.2017 kl. 19:42]

Peningar eru verðmæti alveg eins og orð eru hugmyndir/hlutir. Semsagt ekki neitt. Besta skipulagið skilar ekki mestum hagnaði heldur mestri hagsæld. Hvernig mælir maður það í peningum?

Varðandi draslið þá má kannski segja að sá sem kaupir það, ásamt meira af því sem viðkomandi vantar ekki, þá sé sá hinn sami að ræna frá sjálfum sér.