Microsoft í samvinnu við Norður-Kóreu gegnum NSA?

Kannski hafa "allir" ekki enn gleymt átökum Apple Inc. við bandarísk yfirvöld, sem urðu vegna þess að Apple neitaði að aðstoða öryggis- og njósnabatterí ríkisins við að búa til hugbúnað til að brjótast inn í iOS stýrikerfið sem knýr lófatölvur Apple á borð við iPhone, iPad og smátækið Apple-TV. Apple sagði að þeir myndu ekki aðstoða yfirvöld við að búa til slíkt krabbamein sem svo dreifði sér um veröldina

Nú hlýtur að vakna sú spurning hvort að Microsoft hafi aðstoðað bandarísk yfirvöld við að búa til stokkhólmskan hugbúnað. Hugbúnað sem viðskiptavinir fyrirtækisins eiga helst að læra að elska, og jafnvel þann sem þannig veldur þeim áverka og fjárkúgun

Þetta er reyndar ekki nýtt. Hugbúnaður Microsoft var frá stofnun fyrirtækisins svo gallaður og lélegur að fyrirtækið gat ekki markaðsfært hann á tölvunar- og kerfisfæðinga heimsins. Þeir litu ekki við honum. Fyrirtækið valdi því að fara hjáleið inn í hjarta vestrænna fyrirtækja og stofnana. Það bjó til og markaðsfærði glans-ímynd gagnvart sjálfum stjórnendum fyrirtækjanna og hún virkaði. Stjórnendur sem höfðu lítið sem ekkert vit á tölvukerfum og hugbúnaði tóku vörur Microsoft og keyrði þær ofan í kokið á tölvunar- og kerfisfræðingum sínum. Og ef þeir neituðu, þá voru þeir reknir

Þarna hófust hinar dimmu miðaldir tölvunar í veröldinni, þ.e. á árunum í kringum 1995, og sem síðan þá hafa virkað sem skattlagning heimskunnar á flestar stofnanir, fyrirtæki og einstaklinga. Hugbúnaður Microsoft er ennþá svo mikill gallagripur að hann þolir illa að hann sé notaður. Alls konar læknalið, lyfjaskápar og falskar sjúkrastofnanir, þurfa að koma að rekstrinum. En ekkert dugar. Vörur fyrirtækisins eru erfðafræðilega hannaðar til að keyra krabbamein best

Ekki myndi ég nenna að nota tölvu án erfðafræðilega meðfædds ónæmiskerfis. Dettur það ekki einu sinni í hug. Og nú skammar Microsoft viðskiptavini sína fyrir að nota draslið frá þeim eins og það er. Gott og vel, þetta er enn sem komið er nokkuð frjáls heimur og fátt er fullkomið í honum. Og mönnum leyfist enn sem komið er að vera fífl. En skömmin er samt Microsofts. Þeir eru framleiðandinn

Krækja; Wall Street Journal: Researchers Identify Clue Connecting Ransomware Assault to Group Tied to North Korea

Fyrri færsla

Undanþáguflokkur ESB-sinna

Athugasemdir

[Halldór Jónsson, 17.5.2017 kl. 01:57]

Allur hugbúnaður frá Microsoft er einstaklega leiðinlegur í notkun. Word og Excel er það skásta. Þó er það notendaóvænt ef maður ber það saman við Autodesk sem er gert til að þjóna. Windows er þþað hræðilegasta af hræðilegu, þvílíkur skítahaugur af gimmikkum og drasli og einskisnýtri þvælu  sem ekkert gagn er í, óværa og andstyggð. Window sis looking for a solution of the problem er þvílíkt kjaftæði sem aldrei leysir neitt nema tefja, updates eru plága því aldrei batnar nokkur skapaður hlutur. Sem sagt þjáningar sem maur verður að lifa með því miður.

[Gunnar Rögnvaldsson, 17.5.2017 kl. 15:14]

Amen, Halldór. Þá er það sagt.

[Bjarne Örn Hansen (IP-tala skráð) 17.5.2017 kl. 18:47]

Lokað kerfi MicroSoft, er eins og lokaður hugsunar hattur stalinista, sem eru alls staðar við líði í Evropu.  NSA, eru eitt af þessum eftirlegu kindum Stalinista, eða McCarthyista ...

[Þorsteinn Sch Thorsteinsson (IP-tala skráð) 17.5.2017 kl. 22:16]

Sæll Gunnar

Ég hef nú frekar trú á að það sé Stazi- Gestapo -New World Order njósnakerfi hjá Microsoft og hugsanlega í einhverju samstarfi við NSA, en ekki að það sé samstarf milli Norður Kóreu og Microsoft. 

Selected Articles: Vault 7: The WikiLeaks Revelations and the Crimes of US Imperialism

KV.