Tyrkland hefur hér með viðurkennt rætur sínar

Maður má líklega þakka fyrir að vera ekki laminn í klessu af Vantrúarmönnum, fyrir að segja að með þjóðaratkvæðagreiðslunni í Tyrklandi um helgina, hafi það gerst, sem hlaut að gerast, að fortíð Tyrkja myndi hljóta staðfestingu sem viðurkenndur hlutur í daglegu lífi fólksins sem býr í landinu. Saga og trú forfeðranna fær hér með að setja sig upp í opinberu rými landsins. Herinn er ekki lengur varðmaður stjórnarskrár Tyrklands

Hinn nýi forseti í nýju embætti segist ætla að tryggja það að bæði vesturlensk veraldarhyggja og íslamstrú forfeðranna geti þrifist hlið við hlið á hinu opinbera torgi landsins. Þetta leiðir af sér spurningar um hvers eðlis trú forfeðranna er; er hún hæf til undaneldis?, - og svo hvers eðlis veraldarhyggjutrúin einnig er. Margar ömurlegar trúarkenningar veraldarhyggjunnar fengu sín stóru tækifæri á 20. öld; Marxismi, kommúnismi, nasismi og fasismi. Þau tækifæri urðu ekki beint að penu blómabeði. Það að úthluta hjarta og öndunarfærum íverustað utan líkamans, gekk ekki sérlega vel. Toppstykkið varð að heilastöppu

Þarna eru þá að myndast ný skil á milli Vesturlanda og hins íslamska heims. Skil sem munu ekki standa kjurr í neinum sporum, ef Vesturlönd ætla að halda áfram að afneita uppruna sínum: að rætur ríkja þeirra séu í Kristni og Gyðingdómi. Hornsteinn Vesturlanda er og verður nefnilega alltaf í Jerúsalem

Veraldarhyggjan er komin úr Heilögum ritningum Vesturlanda: þar segir að lögin sem ráði og ríki í landinu skuli koma frá mönnunum. Líklegt er að Erdogan forseti sé ekki sá kúreki sem til þarf, til að halda sér lengi í söðlinum á svo öflugri skepnu Vesturlanda. Honum mun af landsmönnum verða hent af baki eða skepnan skotin undan honum, ríði hann henni ekki fast. Það sem á eftir kemur, vita allir hvað er

Hvað ætla frávita Vesturlönd að gera núna. Stúta sér áfram, eða taka upp hanskann fyrir sjálfum sér, áður en þeim af öðrum verður einfaldlega stútað utan- sem og innafrá. Ætla Vesturlönd að taka upp hanskann sinn eða ekki. Ætla þau að viðurkenna rætur sínar og gæta þeirra (í til dæmis stjórnarskrá). Sérstaklega í ljósi þess að sagan hefur á ný tilkynnt lendingu sína í veruleikanum. Henni var um stund neitað um lendingarleyfi. Það bann er nú liðin tíð. Fríið frá sögunni er búið

Ég hef átt mjög gleðilega Páska og vona að það hafir þú líka

Fyrri færsla

Evrópa er að rifna í sundur, þökk sé Evrópusambandinu

Athugasemdir

[Bjarne Örn Hansen (IP-tala skráð) 17.4.2017 kl. 21:19]

Erdógan, kom út úr "klæðaskápnum" ... og Tyrkir með honum.

[Gunnar Rögnvaldsson, 17.4.2017 kl. 21:40]

Þakka þér Bjarne.

Reyndar er þetta alveg þveröfugt. Hægt er að segja að það sé frekar Erdogan sem dró Tyrkland út úr klæðaskáp Ataturks. Virða verður rætur Tyrklands og forfeðra þess. Annað kemur varla til greina, nema hvað? Kemalisminn var bara lítið stundarglas í sögu landsins og sem nú er fyllt.

Kemalistar Tyrklands geta ekki haldið landinu inni í klæðaskápnum lengur. Sagan er mætt til leiks á ný. Síðasta valdaviðhalds-tilraun hersins fór út úr þúfur síðasta sumar. Hinn íslamski heimur er að endurreisa sig. Nýtt Tyrkneskt-kalífat a la Ottoman er að byrja að sækja um gamlar lóðir á ný. Byggingarleyfið fékkst núna um sjálfa páskahelgina. Það er sennilega komið.

Kveðjur

[Halldór Jónsson, 17.4.2017 kl. 22:36]

Hvað eru eiginlega Vesturlönd nú orðið? Ekki sé ég neina staðfestu neinstaðar nema í USA. Eina ríkið sem getur staðið í lappirnar á erfiðum tímum. Horfir einhver til Merkel sem leiðtoga? 

Hvað verður í NorðurKóreu? 25 milljónir manna með 1800 dala árstekjur á móti 50 milljónum í SuðurKóreu og margfaldar tekjur? Hvað finnst Japönum eða Kínverjum um þessi stjórnvöld sem þar rífa kjaft og hóta Bandaríkjamönnum með kjarnorkusprengjum?

Getur mannkynið búið við heilsríkisstjórn fæðingarhálfvita og skepnu sem lét óða hunda rífa í sig sitt náið skyldmenni og horfði á sjálfur sér til ánægju? Er þetta ekki dýr sem þeim Sturlungum hefði varla þótt dræpt á sinni tíð?  Eftir hverju á að bíða? Eftir að hann tortími LosAngeles?

[Jón Valur Jensson, 17.4.2017 kl. 23:36]

Hressilegur Gunnar hér, já, og gleðilega páska, mínir menn!

Öflugur Halldór hér. En skuggalega erfið geta næstu stóru risaskrefin orðið í samskiptum þessara ríkja, og verði jafnvel aðeins takmörkuð kjarnorkustyrjöld, gætu geislunaráhrifin spillt fyrir lífi um alla jörð.

[Gunnar Rögnvaldsson, 18.4.2017 kl. 07:26]

Þakka ykkur Halldór og Jón Valur Vesturlendingar.

Horfir einhver til Merkels sem leiðtoga? spyr Halldór Vesturlendingur. Ha ha ha. Hér er gagnlegt að minna sig á af hverju Þýskaland er enn sem komið er ekki fallið algerlega af baki. Þetta land var sérstakt prótektórat Bandaríkjanna til loka Kalda stríðsins. Landið varð það sem það er, vegna þess að Bandaríkin þurftu á sterku Þýskalandi að halda í Kalda stríðinu. Þau vernduðu Þýskaland fyrir erlendri samkeppni og héldu lífinu í gömlu risaeðlum atvinnulífsins. Þýskaland hafði svipaða leiðtogastöðu og Suður-Kórea hefur núna.

Þeir sem segja að Suður-Kórea sé leiðtogi ættu að umorða þá staðhæfingu, eins og sjálfa spurningu Halldórs, og segja að það sé Suður-Kórea sem sé í leiðtogi Bandaríkjanna. Þýskaland var í leiðtogi Bandaríkjanna. Hefði Frakkland haft sama strategíska mikilvægi og Þýskaland hafði í styrjaldarlok, þá væri það Frakkland sem hefði Þýskaland í togi sínu í dag, en ekki öfugt.

En þetta allt er að breytast hratt þessi árin eftir að sagan og Rússland mættu til leiks á ný. NATO er úrelt fyrir Bandaríkin, en ekki Evrópu, og þau snúa sér því beint til Póllands vegna Rússlands, því nú er það Pólland sem hefur strategískt mikilvægi fyrir Bandaríkin, en ekki Þýskaland. Pólland verður því orðið meira veldi en Þýskaland innan næstu 20 ára. Evrópusambandið verður þá dautt og Angelu Merkels verður minnst sem skóflunnar sem mokaði yfir kistu þess. Intermarium-löndin (án Tryklands) verður allt eins konar ný Suður-Kórea, hvað varðar strategískt mikilvægi Bandaríkjanna í Evrópu. En Evrópa sjálf er búin að vera sem áhrifavald í heiminum. Því 500 ára tímabili hennar er lokið.

Og ja hérna, það er ekki eins og hamingjuóskir streymi til Tyrklands frá togleðrum Evrópu. Hvað skyldi kanslaraína Þýskalands segja við þessu? Ætlar hún ekki að bjóða alla Erdogana heimsins velkomna til allra ríkja Evrópu, eins og síðast. Hana bráðvantar nýtt imperíal-fólk sem elskar hana. Og svo er það þetta tollabandalag sem hún er í með Tyrklandi, sem er markaður hennar og Erdogans. Hvað ætlar ECJ Evrópudómstóll hennar að gera í þessu. Tyrkland er í lögsögu hans.

En nú þurfa Bandaríkin að ákveða hvort það verður þetta nýja soldánsdæmi Tyrklands og komandi kalífat þess, eða hins vegar klerkaveldi Írans, sem verður framtíðar-bandamaður þeirra til að halda heimi íslams í strategískum kálgarðs- og klofningsfasa til eilífðarnóns.

James Mattis varnarmálaráðherra Bandaríkjanna var þarna í 40 ár og ég giska á að hann viti eitt og annað um þetta mál sem okkur er ekki ljóst.

Kveðjur

[Jón Valur Jensson, 18.4.2017 kl. 14:13]

Mjög athyglisvert margt sem þú veltir hér upp, Gunnar!

[Gunnar Rögnvaldsson, 18.4.2017 kl. 15:08]

Þakka þér Jón Valur.

Það sem er mikilvægast að hafa í huga hér í sambandi við Tyrkland er það, að hinn íslamski heimur er að endurskapa og endurheimta sig. Þessir straumar hafa nú náð út til fjöldans og það er sú staðreynd sem skolað hefur Erdogan upp á fjörur landsins sem nýjum soldáni yfir Tyrklandi. Þetta mun svo masa sig á upp suð-austur Evrópu. Breiða úr sér.

Þessi nýja staða, í hinum íslamska heimi, er að setja  utanríkisstefnu Bandaríkjanna upp á nýjan hátt, þar sem númer eitt á lista hennar er einmitt þetta mál. Hið opinbera vinnuheiti er "ríki íslams", en í reynd er það allur heimur íslams sem er hið raunverulega viðfangsefni hennar. Og mjög "urgent". 

Ísland veit, enn sem komið er, ekki mikið um hvað er að gerast í þessum málum. Enda fáir sem skilja völundarhús íslam og söguvitund stjórnmálamanna okkar er orðin svona og svona. 

Summa: Erdogan sigraði af því að þetta er orðið svona. Og þeir sem eru að sigra geta ekki hugsað sér að veraldarhyggja ráði för íslams inn í framtíðina.

Vesturlönd þurfa alveg bráðnauðsynlega að endurskoða pólitískt ofríki veraldarhyggjunnar, því annars enda þau á öskuhaugum sögunnar. Hvort það er enn yfirhöfuð hægt að bjarga Evrópu, efast ég þó um. Bandaríkin tala varla lengur við Evrópu. Þau fljúga yfir hana. Þar er enginn til að tala við. 

Kveðjur

[Gunnar Rögnvaldsson, 19.4.2017 kl. 00:14]

Þakka þér Þorsteinn.

Útganga Gyðinga af imperíal-ríkis þrælaveldi Egyptalands markar upphaf Vesturlanda. Þar með varð til fyrsta þjóð-ríki mannkynssögunnar í landi Ísraels (e. nation-state construction). Sem var alger og fullkomin andstæða imperíal-ríkisins (e. imperial-state construction).

Hin pólitíska heimspeki Gamla Testamentisins er því eins konar stofnskjal Vesturlanda. Þessa uppskrift er hvergi að finna neins staðar í neinum öðrum ríkis-hönnunum né trúarbrögðum í veröldinni, nema í einmitt í Gamla Testamentinu, sem er hluti hinna Heilögu ritninga.

Það var þetta sem menn horfðu til þegar þjóðríki Vesturlanda byrjuðu svo að myndast utan lands Ísraels, þ.e.a.s. í Evrópu. Það er þessa vegna sem Vesturlönd eru svo einstök. Og hornsteinn þeirra er sem sagt í Jerúsalem. En hann er þó einnig að hluta til í Róm og Aþenu.

En Rómarríkið hafði ekki Gamla Testamentið og varð því þrælaheimsveldi. Og Aþena hafði heldur ekki Gamla Testamentið og varð því gangslaust og varnarlaust borgríki. Og heimur íslams hafði bæði Aþenu og Róm, en ekki Gamla Testamentið. Hann varð því klessa.

Reykholt Snorra er til dæmis bara í Reykholti og hvergi annars staðar á jörðinni en í Reykholti.

Og ef þú fjarlægir hinar Heilögu ritningar úr Vesturlöndum þá hætta þau að vera Vesturlönd og verða eitthvað annað.

Þannig er það.

Kveðjur 

[Jón Valur Jensson, 20.4.2017 kl. 18:56]

Athyglisverður enn!

Gleðilegt sumar!