Einu sinni talaði elítan frönsku - eða dönsku

Mynd: Mynd: Varnarmálaútgjöld Bandaríkja Norður-Ameríku á tuttugustu öld, hlutfall af landsframleiðslu

****

Eitt lítið brotabrot af þeim sem búa í löndum Evrópusambandsins segjast vera "heimsborgarar". Segja að þeir þurfi ekkert eitt land og ekkert þjóðríki

Þetta fólk elskar sjálft sig. Og engan annan. Nefna má til dæmis þá sem vinna við að rústa ríkjum Evrópu, til dæmis Grikklandi, sem einn kjarnahóp í þessum flokki. Þeir eru á launum hjá hinum ríkislausu sem vinna hart að því að stofna sitt eigið ríki, þar sem þeir einir geta verið kóngar. Í ríkislausri verklýsingu þeirra er að rústa heimili sínu, svo að þeirra eigið nýja ESB-ríki sé hægt að byggja á rústum þess sem þeir næstum hafa lagt að velli

Þegar óféti hinna ríkislausu heimsborgara hefur náð hápunti sínum, þá byrja styrjaldirnar. Og þá uppgötva heimsborgararnir allt í einu, að þeir eiga land

Og það sama gildir um fjármagnið sem einnig þykist vera heimsborgari án ríkisfangs og landamæra. Þá uppgötvar fjármagnið að það á land

Sömu sögu er að segja um gáfumennin, sem þykjast vera heimsborgarar svo lengi sem franskan eða danskan er töluð vegna innrásarliðs verndara þeirra, inn í önnur lönd. Þá komast einnig þeir að því, að jafnvel þeir eiga land

Þetta er það sem bíður meginlands Evrópu. Hún er í biðstofuferlinu núna. Bráðum byrjar ballið á ný

En bíddu hægur, ballið er reyndar þegar byrjað:

- Styrjöld og fangabúðir á Balkanskaga var mál sem Evrópa átti að taka sig af, en gerði ekki, af því að hún gat það ekki

- Georgía var mál sem Evrópa átti að taka sig af, en gerði ekki, af því að hún gat það ekki

- Krím var líka mál sem Evrópa átti að taka sig af, en gerði ekki, af því að hún gat það ekki

- Sömu sögu má segja um Úkraínu

- Og Rússland er mál sem Evrópa átti að taka sig af, en gerði ekki, af því að hún gat það ekki, getur það ekki, og mun aldrei geta það

- Og holskefla af hryðjuverka-vígamönnum (heimsborgurum) sem flæddi svo inn á götur og stræti borganna. Það var mál sem Evrópa átti að taka sig af, en gerði ekki, af því að hún gat það ekki

- Og nú er Tyrkland að bætast í evrópska suðupottinn

Sem sagt: enginn friður og engin velmegun, sem Evrópusambandið lofaði til að réttlæta tilvist sína. Bara ný fátækt og nýjar ógnir sem sambandið ræður ekkert við, því það er að leysa flest gott og gagnlegt upp í Evrópu

Það styttist óðum í ragnarök meginlands Evrópu, því Evrópa er ekki til og hefur aldrei verið til, nema sem landfræðilegt örnefni hinna ríkislausu afglapa hennar. Og nú er búið að afglapavæða álfuna á ný, þökk sé Evrópusambandinu

Það væri nú dálitið skemmtilegt tilraunaverkefni að taka vegabréfin af heimsborgurunum, svona til að skoða viðbrögð þeirra

Og láta þá svo hafa reikning fyrir tilverunni í afglapalandi. Henda reikningi í hausinn á þeim

Einu sinni skutu Rússar upp 58 sentímetra gervihnetti sem hét Spútnik. Bandaríkin í vestri brugðust við þeim atburði með því að henda Apollo 11 til baka í hausinn á Rússum. Máninn er þrátt fyrir allt ekki neitt gervitungl. Stendur það tungl því enn

Kannski verður reikningurinn sem Bandaríkin henda í hausinn á Evrópu af svipaðri stærðargráðu. Ég veit það ekki, því risinn í vestri kann sér stundum ekki afl, loksins þegar hann bregst við. Bregst við því sem ei getur staðist

Það þarf vissa stærð til að koma vitinu fyrir svo stóran massa af fábjánum. Donald J. Trump hefur því valið -á meðan útreikningar vegna Þýskalands fara fram- að byrja á frönsku ostunum. Þeir eru því miður fjögur hundruð, sagði de Gaulle

Þegar Roosevelt bauð sig fram og var kjörinn, þá sögðu fjölmiðlar að þar færi maður "gerilsneiddur öllum hæfileikum", sem langaði bara til að verða forseti. Og þegar Reagan bauð sig fram og var kjörinn, þá sögðu fjölmiðlar að þar færi "pólitískur afrakstur sjónvarpsþátta". Vondur maður, sem Carter kallaði rasista

Fyrri færsla

Skálum þrefalt fyrir Bretlandi. Útgangan hafin!

Telja rétt að ganga úr ESB

Athugasemdir

[Jón Steinar Ragnarsson, 1.4.2017 kl. 21:55]

Ríflega helmingur akattpeninga ameríkana fer í hernaðarrekstur. M.a. um 1000 herstöðva um allan heim. 

Demokratar horfa löngunaraugum fyrir hönd hergagnaiðnaðarins á kúrvuna fyrir miðju grafinu þarna uppi. Nýtt kalt stríð er réttur dagsins.

Donald vill það ekki og nú kalla kommúnistarnir hann kommúnista.

Skrýtin veröld.

[Bjarne Örn Hansen (IP-tala skráð) 1.4.2017 kl. 22:56]

Dónald ræður engu, hefur aldrei gert ... en hann er eini "hreinskilni" kaninn, sem hefur sest í embætti þar vestra.

Eða, hver heldur að Bandaríkjamenn muni allir sem einn fremja "kollektivt" sjálfsmorð til að sýna stuðning sinn við Evróp ... ef Rùssin léti verða af því að Nota Sarmat I/II sem þeir eiga nóg af?

Evrópa, og Ísland með ... hefur fengið peninga frá Bandaríkjunum, til þess að sjá til þess að "beinlausir" asnar séu í fyrirrúmi í pólitík.

Tökum sem dæmi, 50 miljónir manna fórnuðu lífi sínu fyrir "lýðræði" Evrópuríkja ... nú skaltu fara varlega með að láta í ljós ranga skoðun, eða voga þér að "efast" um sannleiksgildi sumra "staðreynda" og þú átt yfir höfuð þér ... refsingu of ofsóknir. Klám, þetta er ljótt ... þú getur orðið blindur að horfa á þetta ... klámrit þarf að banna ... trú, jú tvær saman er gott mál ... tveir saman, en betra mál ... og um að gera að hleypa sem flestum "shia" ofstækismönnum í landið, eða wahabi manna ... þeir borga vel fyrir í saudi og írönsku olíu og denörum.

Og Dóni Prump ... jú hann er fáviti, segja íslenskir slefberar sem selja framtíð barna sinna, fyrir íranskan denar ... og kínverskan dollar ... framtíð barnanna er tryggð, þeim mun líða vel "hundruð saman í einu harem". Og Íslenskir "strákar" geta stært sig á háum steini ... skotið upp í loft úr byssum, og skríkt eins og villimenn.

Jú, dóni prump ... hann er alger fáviti ... þykist vera eitthvað.

[Helga Kristjánsdóttir, 2.4.2017 kl. 05:19]

 Herr Hansen er að skjóta mar,eins og aðrir fyrirmenn á allt fyrir neðan nafla,annað kemst ekki að.