Þess vegna sigraði Sjálfstæðisflokkurinn með Bjarna

Í síðustu kosningum var ESB-liðið svælt út úr Sjálfstæðisflokknum og almenningur ákvað þar með að gefa formanninum Bjarna uppreisn icesave-æru og vegna þess hversu ákaflega vel hann stóð sig sem fjármálaráðherra

Það var eins og við manninn mælt, að um leið og ESB-sundrungarsamfylkingin var horfin úr flokknum að þá byrjuðu kjósendur að treysta honum aftur og þökkuðu pent fyrir sig með því að lýsa yfir stórauknu trausti á honum. Hann sigarði í  kosningunum. Þetta var merkur tímamóta áfangi og sýnir að stefnufesta í fullveldismálum er alger forsenda fyrir flokkinn, enda sjálft erfðaefni hans

Ég hef ekki viljað vera að skipta mér af stjórnarmyndunarviðræðum flokksforystunnar því ég taldi víst að þetta væri meitlað fast inn í stjórnmálavitund hennar. Flokkurinn þarf ekki að hræðast neitt í komandi kosningum um að ná aftur upp gamla 40 prósent fylginu, svo lengi sem þessi staðfesta um algerlega og skilyrðislausa hollustu við frjálst fullvalda og sjálfstætt Ísland um aldur og ævi, er starfrækt og viðhöfð 24 stundir á dag alla daga ársins um alla eilífð, og að hvergi sér vikið frá stýrinu í þeim málum. Þetta er forsenda farsældar allra annarra mála

En svona til öryggis, eftir sorpblaðadaginn í gær, þá minni ég á þetta. Stattu eins og klettur Bjarni. Stattu eins og klettur. Ekki víkja eina eina eina tommu. Taktu frekar tímabundnu stjórnarmyndunar-strandi en að gefa millímetra eftir í þessum kjarnamálum. Geri þú það, standir fast, þá er framtíðin flokksins og um leið þín. Gangi þér vel

Fyrri færsla

Kólestról veldur hækkun hitastigs jarðar

Athugasemdir

[Gunnar Rögnvaldsson, 3.1.2017 kl. 15:42]

Falsflokkurinn Viðreisn, sem læddist með veggjum með ESB-málin sín í kosningabaráttunni og þorði ekki að koma til dyranna gagnvart kjósendum eins og hann er ömurlega klæddur, já hann er allt í einu núna, eftir að hafa blekkt kjósendur, kominn út með það sem hann brennur og gengur fyrir.

Þessi andlýðræðislega lýðskrums-stjórnmálahreyfing er svo ömurleg fyrir landið okkar að hún minnir okkur eftirminnilega á allsherjar vörusvik Vinstri grænna 2009: krossfestingin ein bíður flokksins.

[Helga Kristjánsdóttir, 3.1.2017 kl. 16:35]

 Blússandi hvatning verkar vel á þá sem eru heilir í því sem þeir eru að gera,ekki ósvipað í boltagreinum.En þessi slagur er búinn að standa alltof lengi. Er eg hugsa um hvað við höfum alið marga andlýðræðislega og fingralanga kumpána,er það þeim mun meira fagnaðarefni hve barátta svo margra sjálfstæðisinna hefur unnið þrotlaust í því að verja ríkið okkar litla og elskulega. -Ætlaði ekki að vera væmin en er að skrifa þetta yfir dúndrandi hamagangi því von er á innliti Nojara á leið heim til sín.mb.kv.

[Elle_, 3.1.2017 kl. 21:51]

Hann er alger landsölumaður þessi sem kemur óklæddur eða illa klæddur til dyra.  Ef hann þá ansar.  Og á enga virðingu skilið.

[Elle_, 4.1.2017 kl. 17:00]

Það fara um mann ónot, næstum hrollur, við hugsunina um að þessum falslega ótraustvekjandi manni og flokki hans verði hleypt inn í ríkisstjórn.  Það verður ekki alvöru ríkisstjórn.