Evran fellur stíft gagnvart Bandaríkjadal

Mynd: Gengisþróun íslenskrar krónu, evru og norskrar olíukrónu gagnvart Bandaríkjadal frá 8. júlí 2008 til 14. nóvember 2016. Vísitala

Frá því að ljóst var hver sigraði forsetakosningarnar í Bandaríkjunum, hefur evran gefið verulega eftir gagnvart Bandaríkjadal. Fall hennar er það umtalsvert að stór hluti markaðarins veðjar í skyndilega auknum mæli á evran falli niður á jafnvirði og neðar. Um mitt árið 2008 kostaði ein evra hinsvegar 1,5 dali. Í dag kostar hún bara 1,07 dali. Hún er fallin svona mikið

Þegar vatnaskil urðu á gjaldeyrismörkuðum fyrri part júlímánaðar 2008, þá hafði evran, undir fjármálabólustjórn ECB-aukaseðlabanka Þýskalands í Frankfurt, hækkað um 100 prósent gagnvart Bandaríkjadal frá árinu 2001, en þar á undan hafði hún hrunið um 30 prósent frá 1. janúar 1999. Gengi evru stjórnast að mestu af eftirspurn eftir þýskum hrísgrjónum

Seljist þýsk hrísgrjón illa á alþjóðamörkuðum, þá lækkar Þýskaland gengi evrunnar enn frekar með því að kveikja elda í enn einu evrulandinu í viðbót, sem handjárnuð eru við það á myntsvæði þess. Gengið er þannig lækkað samkvæmt útvortis þörfum Þýskalands, en innvortis á milli evruríkja er þýsk peningaskömmtun, örkumlandi kreppa og fjárkúgun látin sjá um að halda samkeppni frá öðrum evrulöndum í skefjum

Talið er að byltíngin muni hefjast fyrst í Austur-Þýskalandi þegar gengi evrunnar er komið niður í 0,65 dali og þar með þurrkað út sparifé þýskra heimila, sem að meðaltalinu eru 1,9 persónur að mestu yfir sextugt

Fallið úr skýjaseðlun ECB seðlabankans um miðbik ársins 2008 og niður í keng þann 14. nóvember 2016, er það stórt í dag, að gengi íslensku krónunnar gagnvart Bandaríkjadal er sterkara en gengi stálfátæktarevru er gagnvart mynt Bandaríkjamanna. Norska krónan gegnsósa í olíu, er að verða alelda

***

Þýski seðlabankinn Reichsbank, varð sjálfstæð og pólitískt ósnertanleg fag-stofnun árið 1922. Hann varð ríki í ríkinu eins og ECB-seðlabanki Evrópusambandsins er í dag. Reichsbank sprengdi Þýskaland í tætlur með óðaverðbólgu. Á minna en 12 mánuðum breyttist verðhjöðnun í 500 prósent verðbólgu, og var sú breyting einungis startskotið upp í óðaverðbólgu. Á síðustu 215 árum hefur Þýskaland farið átta sinnum í þjóðargjaldþrot, en Ísland og Bandaríkin aldrei. Þýskaland er ófært um að stjórna sér sjálft

Fyrri færsla

Hver er Steve Bannon? - nýi áttavitinn í Hvíta húsið

Athugasemdir

[Halldór Egill Guðnason, 15.11.2016 kl. 04:37]

Ætli ESB-sinnar hafi spáð í þetta, eða aðrir, sem enn geta notað ónýtu krónuna okkar til hinna ýmsustu hluta? Borgað í strætó, farið í bíó, út að borða, eða fengið erlendan gjaldeyri til ferðalaga og greitt fyrir nánast hvað sem er, með þessari ömurlegu krónu? Sjálfstæður gjaldmiðill, sem nýtist ávallt, burtséð frá hörmungar eða velmegunargengi annara gjaldmiðla, er undirstaða sjálfstæðs efnahagskerfis. Gengi gjaldmiðla sveiflast allsstaðar. Ísland er þar engin undantekning. Það, er einmitt driffjöður efnahagslífsins, hvort heldur er upp eða niður. Hver sagði að þetta væri alltsaman dans á rósum og eilíf sæla? Þeir sem tala um ónýta krónu og innlimun í ESB sem lausn, eru annað tveggja bjálfar, eða dreymir um "djobb" í Brussel, þar sem launagreiðslur eru skattfrjálsar og ekki hefur verið talið fram til skatts í meira en áratug.

 Góðar stundir, með kveðju að sunnan.

[Gunnar Rögnvaldsson, 15.11.2016 kl. 07:09]

Þakka þér Halldór.

Já þeir spá mjög í þetta á gjaldmiðilsfundum sínum. Fyrir dyrum stendur einnig að senda DDRÚV í rannsóknarleiðangur til Vatíkansins til að rannsaka hvort að trúarleg upplifun og reynsla þeirra af evru sé eins. Vatíkanið notar evrur. Þetta var ákveðið í lok rannsóknarleiðangurs DDRÚV til Möltu, sem er með evrur og 77 sardínur.

Kveðjur

[Gunnar Rögnvaldsson, 15.11.2016 kl. 08:29]

Möltuleiðangur DDRÚV gekk svo vel að þeir fengu einn þaðan hingað heim í gegnum evruljósvakann til að vitna í sjónvarpssal. Timo Summa andlegur leiðtogi Evruhreyfingarinnar tók svo við keflinu úr hendi Möltu og braust með aðstoð JátaðuÍsland út úr Reykjavík, komst alla leið upp Ártúnsbrekkuna og blessaði þaðan allt landið með stórum summum. Friðarsúlunni var svo beitt sem vasaljósi til að leita að sendiherranum. En þá var hann þegar uppstiginn.

Þessa atburðar hefur æ síðan verið minnst á gjaldmiðilsfundum  JátaðuÍsland og DDRÚV