Já, ESB-mennið vantar herinn sinn

Mynd: Nýkjörinn Donald J. Trump

Þessi Jean-Claude Juncker-maður mun, eins og þúsund ESB-hagfræðingar, segja hvað sem er til að reyna að viðhalda streyminu af peningum annarra ofan í vasa sína (sjá frétt að neðan)

Auðvitað vill þessi heltekni ESB-valdasjúklingur fá her. Hann er orðinn hræddur. Hann er orðinn hræddur um ESB-flokkinn sinn, sem enginn kaus. Hræddur um að missa völdin sem hann hefur, en sem enginn kjósandi hefur veitt honum. Hann vill því fá her. Her til að vernda sig

Það vill hann eins og kínverski kommúnistaflokkurinn sem hefur kínverska herinn fyrst og fremst sem lífvörð flokksins. Kínverski herinn er lítið annað er vernd kommúnistaflokksins gegn borgurum landsins. Her Evrópusambandsflokksins sem enginn kaus, yrði nákvæmlega eins

Þessi ESB-maður stendur aftur á sama bretti og stóð fyrir því að 100 milljón manns misstu lífið í Evrópu af pólitískum ástæðum, frá 1914-1945. Evrópska brettinu sem breytti sjálfu sér úr heimsveldi í hersetna ruslahrúgu á 31 ári. Valdabretti Evrópu enda alltaf eins; sem misfóstur. Evrópusambandið er að kveikja í Evrópu á ný, því það er imperial-state hönnun

Af hverju ekki láta ítölsku mafíuna áfram um að vernda Evrópusambandið? Það er þó hægt að treysta á hana. Hún er eitt af því fáa sem virkar í Evrópusambandinu

Furðulegt að kjör Donalds Trump skuli hafa þessi áhrif á ESB-manninn. Það var nefnilega Barack Obama sem reyndi að koma þessu til skila til steinsofandi NATO-landa ESB, allt undanfarið ár. Það er alveg greinilegt að enginn tók mark á því sem Obama sagði. En þegar Donald J. Trump svo mikið sem nálgast forsetaembættið, þá tryllist ESB-maðurinn úr aðgerðaþörf. Þetta er sprenghlægilegt

En fólk getur verið alveg rólegt. Bandaríkin munu aldrei þola né líða neinn her undir stjórn ESB-vitfirringa. Tottaðu því ESB-pelann þinn, væni minn, og tæmdu í botn, áður en hann verður frá þér tekinn af borgurunum - í kosningum. Einhvern tíma heyrt um svoleiðis fyrirbæri herra Juncker?

Fyrri færsla

Ónýt blaðamannastétt? Já!

Vill stefna að Evrópuher

Athugasemdir

[Helga Kristjánsdóttir, 13.11.2016 kl. 17:07]

Takk fyrir afbragðs grein Gunnar snillingur.                         Einhver staðar varð fræið eftir sem skóp hryllinginn úr seinustu öld,er það farið að spíra. 

[Elle_, 13.11.2016 kl. 18:18]

 Já Helga, hann er eiginlega snillingur í að koma orðum að þessu ógeðfellda fyrirbæri.

[Valdimar Samúelsson, 13.11.2016 kl. 22:20]

Gunnar er góður. Nú byrjar dansinn hjá ESB en hvorki Brexit. Rússar né USA munu láta undan. Stolt Stoltenbergs hrynur í það minnsta. 

[Gunnar Rögnvaldsson, 14.11.2016 kl. 06:47]

Þakka ykkur. Nú fer ég hjá mér ;)

Kveðjur

[Hrólfur Þ Hraundal, 14.11.2016 kl. 11:05]

 Ágætt hjá þér Gunnar Rögnvaldsson svo sem oft áður, en ég er ekki viss um að Juncker þessi heyri yfirleit, nema ef í boði væri smurning á boðunganna og við eigum auðvita nóg af grút í það en mjölið myndu auðvita falla í þriðjaflokk.