Ónýt blaðamannastétt? Já!

Í ljósi forsetakosninganna í Bandaríkjunum og útgöngukosninganna úr ESB í Bretlandi, má með mikilli sanngirni segja að blaðamannastétt Vesturlanda sé svo gott sem ónýt stétt. Hún er ekki bara næstum því ónýt eins og hún leggur sig, heldur eru flestir fjölmiðlar það líka. Framundan er uppgjör sem verður að fara fram

Þegar næstum því heil stétt lokar sig af inni í speglasal samfélagsmiðla til að horfa þar stanslaust á síjátandi milljónfalda spegilmynd sína, þá fór auðvitað sem fór. Stéttin varð að öpum í risavöxnu apabúri. Hún segir ekki fréttir og hún segir ekki frá því sem er að gerast meðal raunverulegs fólks. Samfélagsmiðlar eru stærsti ruslahaugur veraldar. Og þar búa því miður flestir blaðamenn. Verst af öllu er þó ruslakistan og furstadæmið Ríkisútvarpið DDRÚV

Donald J. Trump mætir í vinnuna laust eftir hádegi þann 20. janúar, eftir 10 vikur. Enginn í Evrópusambandinu-27 hefur nein sambönd í aðalstöðvum Donalds Trumps, komandi forseta Bandaríkja Norður-Ameríku, hatrið á honum og Bandaríkjunum er svo mikið. Urslua van der Leyden, varnarmálaráðherra kústskafta Þýskalands, segist ekki hafa nein símanúmer hjá neinum í Washington til að hringja í. Gott hjá henni

En valdaskiptateymi Donalds Trump er þar að störfum á nokkrum hæðum í skrifstofuturni og teymið hefur verið að í margar margar vikur. Þeir þurfa sjá um að ráða tvö til þrjú þúsund manns sem fylgja munu með hinum komandi forseta í embættið mikla, sem framkvæma mun heildstæða utanríkis,- varnar,- og þjóðaröryggisstefnu Bandaríkjanna næstu 4-8 árin, um allan heim. Og hin þýska van der ábyrga Leyden hefur engan til að tala við. Gott hjá henni. Hún og Merkel eru ábyrgðarlausir aular

Evrópusamband-27 landa hefur nú tvo mánuði til að koma sér upp heildstæðri utanríkis,- varnar,- og öryggisstefnu til að geta staðið í eina tá 27 fóta sambandsins. Það mun auðvitað ekki gerast. Hvorki nú, síðar, né nokkru sinni, af þeirri einföldu ástæðu að enginn mun fórna lífi sínu fyrir Evrópusambandið. Enginn!

Frakkland hefur hins vegar heildstæða varnar,- og öryggisstefnu til að takast á við þær afleiðingar sem óhjákvæmilega munu hljótast af því að hafa enga heildstæða utanríkisstefnu. Sú stefna landsins er hjá ESB-27-fætlunni

Pólland hefur hins vegar bæði heildstæða utanríkis,- varnar,- og þjóðaröryggisstefnu af því það það gefur skít í allt ESB-27 eins og það leggur sig. Pólland verður einfaldlega að gefa skít í allt ESB, ef það ætlar sér að lifa af. Og það ætlar landið að gera. Hið sama gildir um stærstan hluta Austur-Evrópu

Einungis þjóð getur haft heildstæða utanríkis-, varnar,- og þjóðaröryggisstefnu. Evrópusambandið er ekki þjóð. Það mun því tortímast. Bandaríkin eru þjóð. Þau eru því sterk

Krækjur: Columbia Journalism Review | Tagesspiegel

Fyrri færsla

Sögulegt: Donald J. Trump er næsti forseti Bandaríkjanna

Athugasemdir

[Ragnhildur Kolka, 11.11.2016 kl. 13:24]

Gæti ekki verið meira sammála. Bæði varðandi hina handónýtu fréttasnápastétt og ruslahauginn sem ESB kallar varnarstefnu. Það er með ólíkindum að hægt sé að rústa heilli starfstétt með því að auka menntun hennar. En það er einmitt það sem hefur gerst með fréttamannastóðið. Varnarmálin eru svo annar handleggur. Þar var meðvituð ákvörðun tekin að lata BNA um varnirnar svo dekra mætti meira við sjálfan sig. Þetta er svona eins og fullorðnu unglingarnir sem búa heima hjá mömmu, fá þar allan viðurgjörning en eyða kaupinu sínu í glaum og gleðskap. 

[Haukur Árnason, 11.11.2016 kl. 18:25]

Þakka þér Gunnar, góða smantekt á þessu. Hef verið að furða mig á þessari undrun fréttafólks á að Trump hafði betur.

Ég sá vangaveltur á netinu um daginn, að við fengjum bara að sjá, heyra, þær skoðanakannanir þar sem Hillary kæmi vel út. Ég skoða oft Norska og Danska sjónvarpið og þar kom eitthvað sem gaf svipað í skin. Fór að skoða þetta nánar, það var fullt af könnunum þar sem Trump var með meira, allt uppí 65%, þannig að ég var ekkert undrandi á að Trump inni.

Það var ekki bara Hillary sem tapaði.Flestallar fréttastofur töpuðu líka og þeir sem þar vinna.

[Gunnar Rögnvaldsson, 11.11.2016 kl. 23:42]

Þakka ykkur góðar kveðjur, innlit og skrif

Stærsta fíaskói hagfræðingastéttarinnar í sögu mannkyns er einnig hægt að bæta á listann yfir það sem greinilega er hætt er að virka á Vesturlöndum. 

Í Bretlandi voru það þúsund hagfræðingar sem skrifuðu bréf til þjóðarinnar um að hún kysi vitlaust, ef hún segði "út við ég". Þar hefur boltinn rúllað svo langt að á síðum Guardian er að finna útskýringar á því af hverju "venjulegt fólk" ætti ekki að hafa kosningarétt. 

Í Bandaríkjunum voru það 370 hagfræðingar og sex þeirra með Nóbel í vasanum, sem skrifuðu opið bréf til bandarísku þjóðarinnar þar sem þeir vöruðu hana við að kjósa Donald Trump. Þá hlaut Trump að vinna kosningarnar.

Við sáum hið sama hér heima í Icesave-málunu. Sammála-yfirstéttin birti bréf og auglýsingar og okkur var hótað Norður-Kúbu eða Kóreu ef við kysum ekki "rétt". DDRÚV var notað sem magnari þessa fólks.

Kveðjur

[Jón Valur Jensson, 12.11.2016 kl. 05:28]

Hressilegur pistill hjá þér, Gunnar, sem oftar. Þetta er ónýtt lið mikið til, fjölmiðlamenn vinstri fjölmiðla (eins og þessi Magnús Sveinn á Frbrl.) og álitsgjafar DDRÚV. Og góður er viðaukinn um hagfræðingana!

Og bráðskemmtilegt innleggið frá henni Ragnhildi Kolka. Takk líka, Haukur.

[Gunnar Rögnvaldsson, 12.11.2016 kl. 06:21]

Þakka þér Jón Valur

Kveðjur