Íslenskri táningsstúlku nauðgað í Danmörku

Ég get ekki orða bundist vegna þessar fréttar í dag: Íslenskri stúlku nauðgað í Danmörku

Þessi furðulega frétt er í öllum fréttamiðlum í Danmörku í dag. Öllum. En það sem vekur undrun mína er hversu misheppnuð ritskoðun fjölmiðlanna er. Þeir ritskoða þjóðerni glæpamannanna burt, en "gleyma" svo viljandi að ritskoða þjóðerni fórnarlambsins burt

Nauðgararnir eru útlendingar, það kom fram í dönskum blöðum 18. september. En frá hvaða löndum þeir eru, er vísvitandi haldið leyndu fyrir lesendum í annarlegum pólitískum tilgangi. En þjóðerni fórnarlambsins, sem líka er útlendingur í Danmörku, er ekki þess hroðalega hættulega pólitíska eðlis, að rétttrúnaðarfólkið brenni fjölmiðla til ösku fyrir að segja að táningastúlkan sé Íslendingur. Fjölmiðlar þora því enn að nefna þjóðarheitið Íslendingur á nafn, vel vitandi það að við Íslendingar ætlum ekki að brenna þá niður né drepa neinn vegna eins né neins sem gerst hefur í 1200 ára sögu okkar

Af hverju eru menn svo að gagnrýna fjölmiðla Norður-Kóreu fyrir að endurhanna erlenda raunveruleikann fyrir 25 milljón íbúum þess lands? Það skil ég ekki, þegar fjölmiðlar Vesturlanda eru að endurhanna innanríkis veruleikann fyrir 500 milljón manns: Allra íbúa Evrópu!

Kanslara Þýskalands var hent í gólfið og breytt í þúsund stykki á síðustu vikum. Þýskaland er orðið óstöðugt! Þið megið gjarnan vekja mig ef sannast skyldi að svo mikið sem bara einn sentímetri af núverandi pólitískum innviðum Evrópu verði enn uppistandandi eftir 5 ár. Hvað tekur við í Evrópu næst, er spurning sem allir hér heima ættu að hugsa mjög ákaft um - og svitna!

Sem betur fer bý ég á Íslandi og get enn sem komið er sofið nokkuð tryggt. En er það virkilega þetta sem góða fólkið vill?

Já og svo var náttúrlega sá sem skaut dönsku lögregluþjónana í löglausa villimannahverfi Kaupmannahafnar um daginn, múslímskur hryðjuverkamaður. Það mátti heldur ekki birta neitt um

Hvað er að? Hverra erinda ganga þeir sem kalla sig "fjölmiðlar" ?? Er þetta miðilsfundur þeirra?

Fyrri færsla

Moodys sprengir Brexit bankablöðru ESB

Athugasemdir

[Gunnar Rögnvaldsson, 21.9.2016 kl. 17:14]

Stjórnendur Kaupmannahafnarháskóla gáfu í dag út viðvörun til kvenkyns námsmanna háskólans, um að vera ekki einar á ferð á háskólasvæðinu.

Hingað til lands streyma skandínavískir ferðamenn og finnst land okkar Íslendinga öruggt. En það er sorglegt hversu margir þeirra segja manni, óumbeðnir, að þjóðríki þeirra séu nú ónýt. Að búið sé að eyðileggja þjóðarheimili þeirra.

[Pétur D. (IP-tala skráð) 22.9.2016 kl. 20:55]

Íslenzku blöðin sögðu heldur ekki frá því (auðvitað viljandi) að þessi nauðgun hefði verið framin í Vollsmose, múslímaghettóinu illræmda í Odense.

Þegar fréttist af því fyrr á þessu ári að ungum stúlkum hefði verið nauðgað árum saman í tveimur enskum borgum, var steinþagað yfir því í íslenzkum fréttamiðlum, að þar voru Pakistanar að verki. Pólítíska rétthugsunin með tilheyrandi riðskoðun er að verða virkilegt vandamál hér á landi, eins og það er orðið í Svíþjóð, Bretlandi og Þýzkalandi.

Og síðan þetta með aðvaranirnar til innfæddra um að vera ekki að móðga eða tæla múslímana, eins og þú nefnir: Ekki sýna fánann, ef það er kross í honum. Ekki vera með hundana ykkar á almannafæri. Kaupið góða hlaupaskó svo að þið getið hlaupið frá nauðgurunum. Ekki klæðast minipilsum, því að þá eruð þið að tæla nauðgarana, o.s.frv. Í staðinn fyrir að koma í veg fyrir að nauðgaranir fái hæli.

Aumkvunarvert.

[Gunnar Rögnvaldsson, 22.9.2016 kl. 22:14]

Þakka þér fyrir Pétur.

Já þetta er vægast sagt skuggaleg þróun.

Kveðjur

[Pétur D. (IP-tala skráð) 24.9.2016 kl. 13:03]

Ég er nokkuð viss um að Birgittu Jónsdóttur myndi mislíka það mjög að þú bendir á staðreyndir. Henni er víst meinilla við þannig lagað.