Sigurganga Ónýta Íslands á EM

Sigurganga karlalandsliðs Íslands í knattspyrnu á EM rúllaði upp svo mörgum sigrum og hjörtum að veröldin svo gott sem öll klórar sér nú í hausnum og skilur ekki hvað er að gerast. Þessir Íslendingar, án neinna nýlendna, hljóta að vera að gera ótrúlega margt gott og rétt í landi sínu, annars væri þetta varla mögulegt, hugsar heimurinn, sem eins og 68 ára Lars Lagerbäck, er ekki fæddur í gær

En á sama tíma hér heima marsera dulbúnir og torrentaðir kúltúrklesstir marxistar samfylkingarklessuflokks samfó, pírata, vaffgé og svört framtíð viðskildinga, með þá hugsun fastbrennda í höfðum sér, að hér sé allt ónýtt og að nýtt framhald af síðasta áhlaupi ríkisstjórnartætara Samfylkingar og Vinstri grænna á Ísland þurfi til, svo að draumur þeirra um handónýtt Ísland rætist loks. Þeir ætla sko að sjá fyrir því og auðvitað með aðstoð hins pólitíska Ónýta Íslands vígahreiðurs DDRÚV gegn Íslandi

Háskólasamfélagið eitt og sér er þó dyggasti og öflugasti gjaldþrota stuðningsaðili þessara afla. Enda þoldi það illa sigra landsliðsins og ráfaði fram hjá sér farandi, bölvandi og ragnandi á opinberri framfærslu, um glapstigana í turni sínum, yfir því að löndum væri bara sí svona leyft að mæta til leiks sem lönd. Að það þýddi bara eitt: þjóðernisrembu, þjóðfána, þjóðsöngva og að þar væri því allt heila dótið til öfga-hægris og bla bla bla, blaaði vinstri græn samfó stappa pírata í viðskildinga bjartri-já-svartri framtíð bíen púff vol væl og klynk, og ég veit ekki hvað

Íslendingar staðfestu fyrir Bretum hve mikilvægt er að standa vörð um sjálfan sig á eigin fótum og halda sér fyrir utan ESB. Bretland mun síðar þakka Íslandi fyrir þessa kennslustund

Ástand forseta Frakklands eftir leik Íslendinga og Frakka var svo slæmt að hann sat eftir, lamaður af ótta yfir því sem gæti gerst ef hann létti bara ögn á ESB-fangagæslu sinni yfir Evrópu

Innilegar þakkir til landsliðs Íslands í knattspyrnu. Það er það minnsta og hógværasta sem ég get sagt. En mikið er ég stoltur af ykkur og Íslandi. Samt ætla ég ekki að drepa neinn

Fyrri færsla

Nýi forsetinn Guðni of ungur?

Athugasemdir

[Ragnhildur Kolka, 5.7.2016 kl. 10:53]

eftir alla neikvæðni undanfarinna ára koma þessir snillingar og sameina þjóðina . Fjölfalt húrra fyrir þeim.

[Gunnar Rögnvaldsson, 5.7.2016 kl. 11:43]

Jáh, Ragnhildur, tek sko undir með þér!

Kveðjur

[Helga Kristjánsdóttir, 5.7.2016 kl. 14:43]

[Brynjar (IP-tala skráð) 5.7.2016 kl. 17:04]

Og þér tekst að snúa boltanum út í pólitík og ESB.  Boltinn er hafin yfir þetta kjaftæði og það myndir þú vita ef þú værir sannur fótbolta áhugamaður.  Mér finnst þú eins og fleirri ætla að stökkva á vagninn til að koma með eitthvað " point " sem hefur bara ekkert með þetta að gera.

[Gunnar Rögnvaldsson, 5.7.2016 kl. 17:23]

Þakka þér Brynjar

Nei nei og sei sei, íþróttir, íþróttamál og menntamál hafa auðvitað ekkert með stjórnmál að gera. Sei sei og nei nei. Það er jú þess vegna sem Brasilía er með þennan blessaða íþróttamálaráðherra sinn að störfum á annarri plánetu, ekki satt

Það er leitt að heyra að meðlimi í Ónýta Íslands klúbbnum skuli sárna svona að minnst sé á hvaðan íslenska liðið sé upprunnið og í hvernig góðu þjóðfélagi það og veganesti þess hafi orðið til.

Öðrum 219 löndum heimsins myndi að sjálfstöðu ekki detta í hug að aðstæður og lífskjör íþróttamanna í harðbýlu landi okkar skipti máli. Nei nei og sei sei.

Það er náttúrlega glæpur að halda því fram að hér á landi sé til neitt gott sem stuðlað hafi að þessum afrekum landsliðsins. Ónýtt skal landið vera!

Kveðjur

[Heimir Lárusson Fjeldsted, 5.7.2016 kl. 21:59]

Helga Kristjánsdóttir fúl?

[Helga Kristjánsdóttir, 6.7.2016 kl. 01:27]

Nei Heimir minn,en ég á mér málsbætur,maður verður eithvað viðutan þegar 3 af nánustu vinum falla frá í sama mánuðinum,þeirra á meðal bróðir minn sem jarðsunginn var á föstudag.- - En mig langaði að senda eitthvað tákn og þetta bros varð fyrir valinu. Ragnhildi er greinilega eins innanbrjósts og mér,eftir öll þau neikvæðu ár! Að heyra þjóðsönginn sunginn af innlifun og heyra fyrirliðann segja svo innilega að þá langaði að vinna fyrir landið sitt.Bláa mannhafið sem komið var til að fagna og franska löggan hafði engar áhyggjur af,þannig er kjarni íslensku þjóðarinnar. Já fjórfalt húrra fyrir þeim öllum.      

[Gunnar Rögnvaldsson, 6.7.2016 kl. 01:48]

Þakka þér Helga innlitið og skrif.

Þetta er hroðalegt að heyra. Sendi þér mínar dýpstu samúðarkveðjur. Það er ákaflega erfitt þegar svona stór skörð eru slegin í tilveru manns. Megi tíminn lækna þín sár.

Kveðjur

[Brynjar (IP-tala skráð) 6.7.2016 kl. 16:12]

Hvers konar svar er þetta.  Er ég þá fulltrúi ónýta Íslands ?. Hvernig færð þú það út.  Ég sagði einfaldlega að fótbolti snúist ekki um pólitík.  Talaði ég eitthvað um uppruna liðsins.  Hvað gengur að þér maður.  Ert þú orðinn svo fastur í skotgröfunum að ef maður er ekki sammála öllu sem þú segir að þá er maður óvinur þinn.

Ég ætla engu að síður að óska þér alls hins besta.