Algerlega Guðlaust fyrirbæri - og heldur því auðvitað ekki

Umræður um réttarríkið og sannleikann spunnust í athugasemdum vegna síðustu bloggfærslu minnar: Hvað er Marxísk menningarstyrjöld?

Bara svo það sé alveg á hreinu þá neyðist ég til að benda á og undirstrika að Evrópusambandið sem stofnun er algerlega Guðlaust fyrirbæri. Það þyrfti að minnsta kosti krufningalækni til að finna leifarnar af hornsteinum Vesturlanda í líkinu af ESB: Hornsteinn Vesturlanda er Jerúsalem. Honum hefur sambandið þegar afneitað og það hatar hann. Og annað vesturlenskt segir sambandið að sé handónýtt og að það þurfi því að "bjarga Evrópu" frá sjálfri sér.

Sprenghlægilegt. Af hverju að byggja heilt heimsveldi til að bjarga því sem sambandið segir að sé ónýtt? Mótífið hér er afar gruggugt og réttarlæknirinn þarf því að skera dýpra til að finna eitthvað sem til kynna gæti gefið að um vitsmunalegt líf gæti verið að ræða innan sáttmála Evrópusambandsins og politic þess

En það er hins vegar til nóg af Róm(arríki) í Evrópusambandinu (imperial state building = heimsveldishönnun). En Róm með sínu réttarríki er samt ekki nóg sem lím til að halda saman vænlegu ríki fyrir borgarana. Borgarar farsælla ríkja verða að hafa eitthvað meira en bara lög-og-rétt sem þeir geta sameinast um. Hið Opinbera torg getur ekki þrifist nakið. Borgararnir þurfa eitthvað stærra til að sameinast um og þar erum við, í fyrsta skiptið í þessum þræði, komnir að því stærsta af öllu, en það er það að einstaklingurinn er fæddur frjáls, eins og kristnin boðar

Það er ekki fyrir neitt að útgangan af Egyptalandi (Exodus) markar upphaf Vesturlanda, þar sem þrælaríkinu var sagt að fara til andskotans. Næstu 2500 árin eða svo var Gamla Testamentið notað til að byggja upp hornsteina Vesturlanda og til að stjórna þeirri uppbyggingu í formi þjóð-ríkja. En leiðarljósið var samt þessi undursamlega opinberun að einstaklingurinn fæddist frjáls. Að hann fæddist ekki sem þræll

Nefndur er "sannleiki" í fleirtölu. En margir sannleikar eru ekki sannleikur. Þeir eru bara skoðanir. Ef allir álíta að skoðun sín sé "sannleikurinn" og að skoðanir annarra séu "þeirra sannleikur" - þá er þar með úti um réttararíkið. Réttarríkið byggir á þeirri einföldu forskrift að það sé bara einn sannleikur; að rétt sé rétt og að rangt sé rangt

En eins og áður er sagt: þá getur réttarríkið alls ekki staðið eitt og sér. Það er ekki nóg til að halda saman góðu og lífvænlegu þjóðríki. Í Hinum heilögu ritningum finnst eina forskriftin að þjóðríkjum Vesturlanda sem til er í veröldinni. En þjóð-ríkið var eina vörn litla og óbreytta mannsins gegn heimsveldagræðgi og þrælaríkjum. Og landamærin eru einnig komin úr Gamla testamentinu. Þau eru sett til að vernda borgarana og til að hindra að ríki þenji þau út til að gleypa önnur ríki. Að kóngur geti aðeins verið kóngur yfir einni þjóð. Og að þjóðir munu áfram verða, til enda tímans

Og lagaheimspekin sem liggur á bak við lögfræðina er að stórum hluta byggð á kristinni trú. Lagaheimspeki er eina heimspekin sem notast við því sem næst allar aðrar greinar heimspekinnar. Dæmi: tilvistar og trúarheimspeki, stjórnmála heimspeki, vísindaheimspeki

Mín skoðun er sú að ESB-Evrópa sé í þann veg að detta út úr skilgreiningunni Vesturlönd, af því að hún hefur hent áttavitanum fyrir borð: hent Hinum heilögu ritningum fyrir borð. Lýður Evrópu gengur því til frétta við trédrumb og spyr hann til átta

Bandaríkin horfa ekki lengur til Evrópu. Þau horfa yfir hana, beint til Jerúsalem. Lestin styttist. Evrópa mun ekki verja hinn frjálsa himinn yfir Vesturlöndum. Svartur himinn færist því yfir Evrópu

Fyrri færsla

Hvað er Marxísk menningarstyrjöld?

Athugasemdir

[Helga Kristjánsdóttir, 20.5.2016 kl. 01:26]

Ég hugsa mikið en það eru þokubakkar í höfði mínu,en það rofar til þess að segja þér hvað gott er að lesa greinar þínar.Allir frelsisunnendur hér standa nú saman í enn einni örlagaorustu. þakka þér kæri Gunnar og ég hlakka til að sjá næstu færslu þína.

[L. (IP-tala skráð) 20.5.2016 kl. 01:34]

Það er auðvitað feimnismál og næst blóðskömm að minnast á hvaðan áhrifamestu stefnur mannkyns hafa komið.

Lifað í lyginni, eins og ávallt og alltaf.

Fólk sem hatast út í Davíð Oddsson, lofar EES samninginn út í ystu æsar og telja EES samninginn eitt það besta sem komið hefur fyrir íslenska þjóð.

Frjálshyggjuvæðingartilraun örhagkerfis örþjóðarinnar Íslands gat ekki annað en mistekist herfilega.

" The author of the study also rejects another possible cause often mentioned in connection with the collapse of the Icelandic banks: This is the free-market policies pursued by the governments of 1991–2004. He points out that the regulatory framework of the financial markets was the same in Iceland as in the other member states of the EEA and the EU. Moreover, even if economic liberty increased considerably in the years 1991–2004, Iceland had still the 14th freest economy in the world which meant that 13 economies were freer, and their banking sectors certainly did not collapse."

Brandarinn um að gera forsetaembættið ekki pólitískara er brandari ársins.

Öflin sem hafa í áratugi reynt að toga þjóðina inn í efnahagsbandalag og hin öflin sem vilja sölsa undir sig auðlindir þjóðar áður en slíkur gjörningur á sér stað ...

Þau öfl eru nákvæmlega að keppast um forsetaembættið.

Grei íslenska þjóðin, saklaus og sauðheimsk ...

[L. (IP-tala skráð) 20.5.2016 kl. 02:32]

Lifað í lyginni.

Íslenskur almenningur var frá hersetu breta fórnarlamb skipulagðrar atburðarrásar.

Atburðarrásin sýnir vel hversu íslenskir embættismenn þess tíma voru vel upplýstir og snarráðir, Þátttaka Íslands í merkum atburðum kannske tilviljun eða ...

1939-1940
Ísland tekur þátt í heimssýningu í fyrsta sinn. Hún er haldin í New York.

9. apríl 1940
Þjóðverjar ráðast inn í Danmörku sem hefur þær afleiðingar að Danir geta ekki lengur annast utanríkismálin í umboði Íslendinga.

10. apríl 1940
Ísland tekur meðferð utanríkismála í eigin hendur. Utanríkismáladeild Stjórnarráðsins er gerð að utanríkisráðuneyti. Þetta er upphaf íslensku utanríkisþjónustunnar.

23. apríl 1940
Aðalræðisskrifstofa Íslands er opnuð í New York. Hún er fyrsta sendiskrifstofan sem opnuð er eftir að utanríkisþjónustan verður til. Vilhjálmur Þór er skipaður aðalræðismaður, fyrsti ræðismaður Íslands. Hann verður síðar utanríkisráðherra.

Íslendingar eru einfaldlega að upplifa svipaða atburðarrás í dag, þar sem stefnan er nú að uppræta fullveldið í nafni frelsisins.

Að breyta ákvæðum stjórnarskrá þannig að Forseti lýðveldisins verði ekki útvörður vitundar um fullveldi og sjálfstæði landsins.

Og að frelsi grills og græðgis verði vitund sú sem leiðir okkur til manneskjulegs samfélags.

[Gunnar Rögnvaldsson, 20.5.2016 kl. 11:41]

Þakka þér góðu kveðjurnar Helga

[Gunnar Rögnvaldsson, 20.5.2016 kl. 11:41]

Þakka þér innlitið L.

[L. (IP-tala skráð) 20.5.2016 kl. 22:54]

Kirkjan og trúarbrögð hafa þjónað sínum tilgangi.

Hefur lagaheimspeki virkilega einhverntíma tekið tillit til jöfnuðar?

Árið 1939 fékk Ísland 1 Milljón dollara frá Union Bank USA.

Sagt er að sagan endurtaki sig.

Sagt er að sagan endurtaki sig í sífellu vegna elítu sem hefur komið sér þægilega fyrir á fremsta bekk.

Og hverjir sitja á fremsta bekk á leiksýningu?

[L. (IP-tala skráð) 21.5.2016 kl. 21:34]

Okkur er kerfisbundið sagt hvað okkur á að líka og hvað okkur á ekki að líka.

Sannleikanum verður líklega hver sárreiðastur.

Svíar töldust og teljast enn sem hlutlaus þjóð í seinni heimstyrjöldinni.

Samt þurfti að hernema Noreg og Danmörku til að flitja afurðir járnnáma svíþjóðar til þýskalands.

Lygin er augljós og sagan um nýju föt keisarans verður að einhverju fyrirbæri sem engin vill kannast við.