Reiðmenn ESB: Nú er bara að bíða eftir komandi bankaáhlaupi á Ítalíu

Rauður hestur: Þegar lambið lauk upp öðru innsiglinu -

Með því að ljúga ítalskan almenning fullan með hinu innsiglaða fjármálalega reglugerða-þvæluverki fjögurra-reiðmanna Evrópusambandsins, sem ríða nú á hvítum til bleiks með fólkið inn í endalok álfunnar, að já, þá hefur þeim tekist að sannfæra saklausan ítalskan almenning um að koma sparifé sínu þannig fyrir í þessu esb-hverfi-evrubanka-kerfi Ítalíu, að sparnaður hans hefur af bankakerfinu verið notaður til að halda uppi vonlausum rekstri ríkissjóðs í hinu vonlausa Evrópusambandi sem er auðvitað að kála honum

Frá 2008 til í dag hefur bankakerfið þannig keypt og gleypt ítölsk ríkisskuldabréf fyrir 300 miljarða evra fyrir sparnað fólksins. En ekki nóg með það. Sölumenn bankanna undir reglugerða-þvæluverki fjögurra-reiðmanna Evrópusambandsins, frá hvítum til bleiks, tókst að koma stórum hluta þessa sparifjárs almennings þannig fyrir, að nú þegar bankakerfið að niðurlotum er komið, sökum rotnandi lánasafna vegna esb-aðildar og evruupptöku, að já, þá vill svo heppilega til að nýjar "bankabjörgunarreglur" taka stóran hluta þessa sparifjár almennings eignarnámi og þurrka þar með almenning alveg út sem forgangslánadrottna í bönkunum. Skiljanlegt er því að fólk fyrirfari sér á Ítalíu eins og ég skrifaði um í gær. Fólkið er bara þurrkað út og farið er með það eins og rusl

Þetta er svona því að ítalska bankakerfið býr við ónýtan ítalskan seðlabanka sem býr við ónýtan ECB-aukaseðlabanka Þýskalands. Sökkvandi ítalska bankakerfinu sem býr við tvo ónýta seðlabanka vantaði ríkisskuldabréfin til að henda þeim sem veðtryggingum upp í kjaftinn á ECB-sogrörsseðlabanka Þýskalands, til að geta svo hlaupið heim með þá evrupeninga sem fengust út á þau, til að stinga þeim svo upp í kjaftinn á seðlabanka Ítalíu, sem stakk þeim svo upp í kjaftinn á glötuðum ríkissjóði ESB-stjórnmálamanna Ítalíu. Þar sat fyrirmennið ECB-seðlabankastjórnandi sem forsætisráðherfan sjálf. Ókjörinn! Svona er að missa allt fullveldi í peningamálum

"The difference is that World War I was a tragedy, not a crime. "Monetary union is a tragedy and a crime."" - Bernard Connolly

Við hverja umferð af ponzi-ferðum Ítala og annarra brennandi evrulanda upp í súrheysturna ECB, þá lækkar evran ögn í gengishafinu, og út skipast ögn fleiri þýskir gámar til Kína frá Hamborgarhöfn. Og svo koll af kolli. Því fleiri eldar sem kvikna í Evrópu, því fleiri þýskir gámar hendast út frá Hamborg og því fleiri nágranna-keppinautum er kálað. Svo lengi sem Þýskaland á öxli Lotharinga græðir, og öll önnur Evrópa tapar, mun þetta halda áfram. Þetta er hinn fullkomni og ávallt tilætlaði stealth örvunarpakki hins deyjandi Þýskalands á valdaöxli Lotharinga. EMU, þ.e. hið peningapólitíska myntbandalag ESB, er algerlega skrúfað saman eins og það er í þessum eina eina tilgangi. Að Þýskaland á valdaöxli Lotharinga geti riðið Evrópu út í gegn, fyrir ekki neitt

Nú er bara að bíða eftir því að Suður-Ítalía sameinist Norður-Afríku aftur í leit að auknu vogarstangarafli gegn því sem koma skal. Því ekki hefur sameining norður-afrísku Suður-Ítalíu og Norður-Ítalíu gengið upp enn. Ekki frekar en sameining Austur- og Vestur Þýskalands hefur gert. Þó eru liðin meira en 100 ár

Riðið er því hratt á hestum fjórum svo að reiðmenn Evrópusambandsins, frá hvítum til bleiks, geti athafnað sig á álfunni áfram. Heimsstyrjöldin er svo brátt handan við hornið eina, til handa reiðmönnum þeim. Þar verður kannski loksins hægt að á og þurrka af sér, þegar allra síst viðrar. Skeina sig þar á friðarverðlaunum Nóbels

Evrópusambandið hlýtur að vera öflugasta eyðileggingarvopn mannkyns á eftir kommúnismanum. Fimm hundruð milljón manns sambandsins búa nú í púðurtunnum þar sem peningar allra liggja á kistubotni Þýskalands. Þýskaland hefur eyðilagt Evrópu einu sinni enn. En þeir verða sóttir. Þeir verða sóttir

ÚT MEÐ SCHENGEN OG EES STRAX! - LENGI LIFI FRJÁLST ÍSLAND

Fyrri færsla

Ítalía: ellisparnaður í evrum gerður upptækur

Athugasemdir

[Helgi jónsson (IP-tala skráð) 15.12.2015 kl. 14:59]

Jæja Gunni minn, nú finnst mér farið að gæta örvæntingar hjá þér, þú ert búinn að spá hruni ESB svo oft að þetta er farið að hljóma eins og rispuð plata hjá þér.

Sættu þig nú bara við þá staðreynd að ESB og sameining ESB ríkja og sameiginlegt myntsamband hefur heppnast svo vel að annað eins hefur ekki sést...ÁFRAM ESB

[Gunnar Rögnvaldsson, 15.12.2015 kl. 16:05]

Ekki vissi ég Helgi að búið væri að sameina ESB-ríki. Og að þess væri því síður þörf og enn fremur að ekkert slíkt væri framundan, því að þau "deildu fullveldi" sínu með hvort öðru. Ertu ekki kominn aðeins of langt inn í blautan ESB draumaheim?

Já deilt fullveldinu svona eins og nú þegar Þýskaland heimtar í dag að fá gasleiðsluna frá Pútín beint yfir til sín án afskipta ESB, þrátt fyrir lok lok og læs á Rússland fyrir alla aðra og skipar því Renzi að bara þegja eftir að ESB bannaði Ítalíu allt slíkt í sínu eigin landi fyrir stuttu síðan.  

En það er gott að þú ert svona vel að þér í ESB-halelújanu eins og aðrir krónískir ESB blábjánar þessa lands.

Aldrei neitt nema gas mas og blautir draumar. Lifað í gasskýjabólstrum eins og á hinum bestu komi-þú-nú Sovét-Ísland tímum.

Kveðjur

[Halldór Jónsson, 15.12.2015 kl. 22:49]

Bravó Gunnar

[Gunnar Rögnvaldsson, 19.12.2015 kl. 14:47]

Kærar þakkir fyrir innlit og góða kveðju Halldór.

Kveðjur til þín