Kanslarína Þýskalands, Angela Merkel, komin á listann

Time Magazine hefur krýnt Angelu Merkel til "manns ársins" sem er að líða og sem skrifast og segist vera 2015 e.Kr

Tímaritið telur að kanslaraínan hafi komið í veg fyrir hrun evrunnar og þar með komið í veg fyrir hrun Evrópu. Ekki er enn vitað hvort að þetta hrunfyrirkomulag Evrópu slái til á ný með því að láta Schengen falla. En við það fall á evran að falla og sem svo mun láta Evrópu falla ofan á þið vitið ekki hvað

Það skemmtilega við það að vera kosinn maður ársins er það að árið 1938 krýndi sama tímarit herr Adolf Hitler til manns ársins það ár og þá væntanlega fyrir að viðhalda stöðugleika í álfunni með því að vera einræðisherra hennar frá 1934-1945. Og árið eftir, þ.e. 1939, var sjálfur Jósef Stalín fjöldamorðingi Sovétríkjanna af tímaritinu kosinn maður ársins það árið. Það með varð allt gott, eins og allir vita

Þetta er kannski tímanna tákn. En Hamsun mundi þó tímana tvenna í skógi einum þar sem eitt sinn stóð kofinn alveg einn

Fyrri færsla

Hefði sennilega aldrei verið sviptur fálkaorðu ef hann væri af erlendu bergi brotinn

Athugasemdir

[Gunnar Heiðarsson, 13.12.2015 kl. 08:02]

Það er merkilegt að Merkel er krýnd þessum "heiðurs" titli vegna leiðtogahæfileika sinna við lausn fjármálakreppu Grikklands og lausnar á innflytjendavanda Evrópu.

Hvorugt þessara mála hefur þó enn verið leyst og í raun ekkert nema skelfing framundan, hjá Grikkjum vegna þess að langt er í land að sú þjóð geti orðið sjálfbjarga og hjá íbúum Evrópu vegna þess að þeir verða innan skamms að flýja sín lönd, undan þeim gífurlega fjölda innflytjenda sem er að leggja Evrópu undir sig.

Hvert íbúar Evrópu geta flúið, er vandséð. Þó má kannski benda á að fyrir botni Miðjarðarhafsins eru kannski stór landsvæði að losna.

[Gunnar Rögnvaldsson, 19.12.2015 kl. 14:48]

Þakka þér fyrir þetta Gunnar nafni.

Kveðjur