Rannveig ristaði DDRÚV

Að hugsa sér. Að DDRÚV ríkisútvarpið "með alla þessa veltu" skuli ekki getað lokað álverinu í Straumsvík með kastljósi. Þeir reyndu að loka Samherja, en tókst það heldur ekki

Ef það er eitthvað sem þetta Ríkisútvarp AusturBerlínar Reykjavíkurborgar getur gert þá virðist það ekki vera rekstur. Nei, DDRÚV getur bara velt. Velt og velt og velt byrðinni yfir á þig og mig. Ekkert markaðsverð er þar á neinu. Tekjurnar eru bara óendanlegar. Þær koma bara, alveg sama hvað

Þarna var landsmönnum sem borga undir þetta geimveru apparat boðið upp á kennslustund í einkarekstri að hætti DDRÚV; veltu-rekstrinum. Þið vitið, veltan skapar allt

Mér finnst loksins orðið því sem næst alveg örugglega og farvegslega því sem næst hárrétt að láta "óháðan og utanaðkomandi fagaðila" eins og til dæmis, tja, segjum bara Davíð Oddsson rannsaka velturekstur Ríkisútvarpsins því að marxistinn Joly er upptekin. Bara svona til að ganga úr skugga um að þessi veltustofnun sé ekki alveg örugglega að beita þjóðina nægu andlegu ofbeldi fyrir að borga veltu þess og gott betur en það. Þetta andlega ofbeldi hlýtur að vera kynbundið, annað getur ekki verið, því bæði konur og karlar eru að loka á það sem veltur út úr DDRÚV. Það er að minnsta kosti ekki staðbundið, því þetta er að gerast út um allt án afláts

Það getur varla verið rétt að þetta samkommahús þjóðarinnar eigi að fá að halda þessari kommaveltuveitu sinni áfram eins og hún er

Fyrri færsla

Sósíalistar elska atvinnuleysi

Athugasemdir

[Vésteinn Valgarðsson, 3.12.2015 kl. 12:26]

Þetta er skringileg færsla hjá þér.

[Ómar Ragnarsson, 3.12.2015 kl. 13:57]

Útvarpsgjöldin hjá BBC eru hærri á mann í 200 sinnum stærra þjóðfélagi en okkar. Og íhaldsflokkurinn, sem nú er einn við völd, virðist ekki ætla að gera neitt.

[Gunnar Rögnvaldsson, 3.12.2015 kl. 14:42]

Afsakið félagi Vésteinn að ég skuli ekki útskýra þetta betur. En HAGNAÐUR er svona fyrirbæri eins og þegar að  móðir býr til mjólk handa barni sínu svo það lifi af og vaxi og dafni og kaupi svo af þér lífeyrissjóðs skuldabréfin í framtíðinni. Það er ekki nóg að "velta" bara mjólkinni úr einu brjósti yfir í hitt. Hún verður einfaldlega að koma út sem hagnaður. Án hagnaðar deyr barnið. Þetta veit DDÚV greinilega ekkert um. Það veltir sér bara upp úr peningum sem það reitir af þér og mér. Það veltir. Og það er samfélagslega óábyrgt fyrirbæri. 

Kveðjur

[Sigfús Ómar Höskuldsson (IP-tala skráð) 3.12.2015 kl. 15:35]

Þykist sjá að þú sért síðastur til verða hollvinur RÚV.

Væri gaman að sjá rökin hjá þér fyrir því að kalla þetta fyrirtæki "DD" fyrir fram skammstöfun fyrirtækisins.

Hitt er svo annað , þar sem þú kallar fyrirtækið "samfélagslega óábyrgt fyrirbæri". Nú veit ég ekki hvaða stjórnmálaskoðanir þú kannt að hafa en margur sem styðja núverandi ríkisstjórn eru sömu skoðunar og þú. 

Er algerlega ósammála þér með ofangreind orð þín. 

Hægt er færa mörg rök fyrir því að halda RÚV í óbreyttri mynd, einnig að það mæegi breyta, laga en í grundvallaratriðum er RÚV að gera góða hluti, bæði í fréttum, dægumálum og menningarlegu. Svo má hrósa þeim fyrir frammúrskarandi barnaefni. Mun betra en á stöðvum í samkeppni.

Svo hafa komið fram gögn þar sem viðmælendur í fréttum RÚV og í Speglinum eru í meirhluta þeirra sem tengjast núverandi stjórnarflokkum. 

[Erla Magna Alexandersdóttir, 3.12.2015 kl. 20:56]

Hvernig getur gamall   nöldurseggur með lak í bakgrunn- á INN gert meira á einu kvöldi en RÚV MEÐ HUNDRUÐIR STARFSMANNA SEM ERU KLÆDDIR EINS OG TÍSKUBLÖÐ AUÐMANNA-KOMIÐ MEIRU UM ÞJÓÐMÁL Á FRAMFÆRI ???  þAÐ ÞARF EKKI AÐ BORGA NEITT FYRIR AÐ HORFA Á  INN-BARA HORFA Á KALLINN Í SJOPPUNNI ELDA !!!

[Gunnar Rögnvaldsson, 3.12.2015 kl. 22:48]

Þakka ykkur öllum fyrir

DDRÚV þráspurði forstjóra Álversins að því hvort að fyrirtækið gæti ekki bara séð í gengum fingur sér og vísvitandi stundað óarðbærni í rekstri af því að "velta" þess væri svo stór. Í skyn var gefið að vegna stærðar veltu að þá ætti að láta hjá líða að sýna ábyrgð og hagkvæmni í rekstri sem leiddi til hagnaðar.

Þessi hugsunarháttur er of ríkur þáttur í fari DDRÚV. Bæði í rekstri þess sjálfs og í kommaáróðursapparati þeirra gagnvart þjóðinni. Það er beinlínis óhollt fyrir íslensku þjóðina að alast upp við stofnun sem hefur svo litla jarðtengingu vegna þess hversu léttilega hún sjálf baðar sig upp úr peningum skattgreiðenda með því að lögskipa hollvináttu þeirra í anda stjórnvalds DDR. Það er jafnframt sovéskt-kómískt að til sé fyrirbærið "hollvinir" Ríkisútvarpsins sem sjálft kallar sig RÚV.

Ég er einfaldlega hollur-óvinur þess. Næst verða það líklega "hollvinasamtök ríkisskattstjóra" sem verða stofnuð af "hollvinasamtökum DDRÚV".

Fengi ég sjálfur að velja myndi ég ekki vilja borga eina krónu til reksturs þess eins og apparatið er nú.

Ef það er ekki hægt að laga þetta gerpitrýnis kommahús sem er á framfærslu þjóðarinnar, þá þarf að leggja það niður. Og það á ekki að líðast að stofnunin sé notuð sem Ríkisútvarp-vinstrimanna og bandamaður Niður-með-Ísland klúbbsins.

Kveðjur