"Made in Germany" stendur fyrir svik, prettir og hneyksli

Hvað er eiginlega að í Þýskalandi, er spurt í nágrenni þess. Allir þessir svika og pretta skandalar í Þýskalandi hafa ömurleg áhrif, skrifar Die Presse í Austurríki

Deutsche Bank, hið fjármálalega flaggskip Þýskalands, hefur tekið þátt í nær öllum þeim svindl- og pretta númerum jarðkringlunnar sem á annað borð hefur komist upp um. Stjórnarformaður póstsins, Deutsche Post, er sendur í fangelsi fyrir að hafa falið miljarða í leyndum hirslum í Liechtenstein til að komast hjá sköttun. Og nú er bílaframleiðandinn Volkswagen kominn út úr skápnum sem svindlnúmer. Fyrirtækið hefur svindlað á milljónum viðskiptavina og yfirvöldum í tugum landa. Hvað er eiginlega að í þýsku atvinnulífi? Er þetta hin svo kallaða "vél" sem á að knýja meginlandið áfram?

Er nema von að spurt sé svona? Þýskaland er svo rotið að innan að ólíklegt er að neitt annað land komist með tærnar þar sem það land hefur hælana í mórölskum tvískinnungi, svikum og prettum í atvinnulífi, stjórnmálum, menningu og upplognum titlum, afrekum og prófgráðum stjórnmálastéttar landins

Þinginu og stjórnmálum landsins er stjórnað af morkinni þríhyrndri utanþings elítu banka og iðanaðrafyrirtækja og esbhólista sem tekist hefur að troða öllu meginlandinu ofan í vasa sinn með aðstoð álíka rotinnar stofnunar einveldis elíta, Evrópusambandinu. Og sem tekist hefur í gegnum það að að handjárna 18 lönd við þetta utanþings fyrirbæri í gegnum einn tómann, gatslitinn, ónýtan og illa þefjandi iðnaðarþýskan og pólitískan skítapening er nefnist evra

Og hér heima pissa Þýskalands fetishistar ennþá af hrifningu í blautar buxurnar. Þetta er stórmerkilegur sjúkdómur og verðugt rannsóknarefni. Hvað skyldi liggja á bak við hann?

Fyrri færsla

Grafið undan landbúnaðarkastalanum Íslandi

Tengt

Þýskaland felur skuldbindingar ríkissjóðs í skattaskjólum

Bandaríkin enn að njósna? Skidegodt!

Athugasemdir

[Helga Kristjánsdóttir, 5.10.2015 kl. 12:35]

Það ætti að létta á okkur sem unnum sjálfstæðinu,þegar þrýstingurinn minnkar frá Esbésinnum,við það að höfuðbólið,fyrirmyndin opinberast sem allsherjar svikamilla.

[Gunnar Rögnvaldsson, 5.10.2015 kl. 15:21]

Þakka þér Helga

Þegar maður spyr esbhólista Íslands að því af hverju þeir vilja að Ísland verði Evrópusambandið, þá fær maður ósamhangandi rugl út úr þeim. 

Viltu að Ísland verði eins og mafíulandið Ítalía spyr maður; nei nei alls ekki er þá svarað.

Viltu þá verða eins og gerspillt skattpínt Frakkland, þar sem Watergate-stjórnarfar í 50 ára 10 prósent atvinnuleysi er allsráðandi áratugum saman án afláts. Nei nei alls ekki, er þá svarað.

Viltu verða eins og gjaldþorta Spánn spyr maður. Nei nei, alls ekki er þá svarað.

Viltu verða eins og deyjandi Portúgal spyr maður. Nei nein því síður er þá svarað.

Viltu þá verða eins og Grikkland, spyr maður. Ó nei er þá svarað.

Viltu verða eins og Rúmenía? Nei ertu alveg frá þér, er svarað.

Við nánari athugun kemur í ljós að enginn esbdrekkandi Íslendingur vill að Ísland, landið sitt, verði eins og neinn einn einstakur hluti Evrópusambandsins er.

En samt halda þeir áfram að troða skýjabólstrum hugsana sinna upp á þjóðina og heimta að landið gangi í ESB á meðan þeir spila áfram topp 20 listann sinn, sem er 90 prósent engilsaxneskur að uppruna og hefur ekkert ekkert með neitt eitt einstakt land í ESB að gera. Bretland er ekki í ESB nema fyrir mistök.

Þetta virðist vera ólæknandi sjúkdómur eða þá hreinn masókismi.

Kveðjur

[Anna Sigríður Guðmundsdóttir, 6.10.2015 kl. 01:05]

Evrópa er heimsálfa á pappírslandakorti, sem landamæra-merkt lönd tilheyra á skólabókarpappírunum. Með láréttum "landamæra-yfirráðum" hvers "sjálfstæðs" ríkis sem tilheyrir Evrópu.

Lóðrétt heimsveldisbanka-valdapíramída-landamæri eru samt einu landamærin sem eru virt í dómstólakúgunar-valdaraunheimum jarðarinnar.

Alþjóðavegabréfin virka valdapíramída-lóðrétt, en ekki landamæra-lágrétt. Þetta veit fólk. Eða hvað?

Höfuðstöðvar ESB eru nú orðið, líkari stjórnlausum sundrungar og ófriðarhöfuðstöðvum, heldur en sameiningar og friðarhöfuðstöðvum.

Og það er engu líkara en að enn einu sinni eigi að svikafjár-kúga, og kenna Þýskalandsfólki um öll kerfissvik veraldarinnar? Þýskalandsfólkið sem er nýbúið að þræla sér út fyrir seinna stríðs heimsveldishönnuðu svikafléttuna óréttlætanlegu og enn baktjaldastjóra óupplýstu!

Hverjum dettur í hug að agaða og heiðarlega þýska þjóðin standi fyrir þeim svikum sem er verið að reyna að klína á þá þjóð þessa dagana?

Það er mjög skiljanlegt að núverandi páfi viðurkenni opinberlega, að hann þarfnist þess að beðið sé fyrir honum og hans verkum. Gott hjá honum að viðurkenna það, og biðja um fyrirbænir til friðarverka.

Almættið algóða hjálpi og leiðbeini heimsbúum (hverjum og einum), við að stjórna huga, anda og verkum sínum.

Við erum ekkert án umbeðinna leiðbeininga almættisins alvitra og algóða við stýrið. Viðurkennum það bara, án þess að hengja okkur á einhverra misviturra valdamanna marklaus kúgunar-trúarbrögð.

Almættið alvitra og algóða er ekki blekkingar-bragðarefur siðleysisgræðginnar trúarbragða-flokkuðu. Það er óumdeilanleg og óhrekjanleg staðreynd. Og það vita allir innst inni í hjarta sínu.

Kærleikurinn/friðurinn verður aldrei stjórnmála/trúarbragða-flokkaður, því skilyrðislaus kærleikur/friður er yfir slík valda-blekkingar-herbrögð hafinn. 

M.b.kv.

[Gunnar Rögnvaldsson, 6.10.2015 kl. 10:43]

Þakka þér Anna

Smá þankastrik varðandi landamæri sem hugtak.

Landamæri eru algerlega huglægt fyrirbæri -þ.e. þau eru ekki efnislegt fyrirbæri- og þau eru sem slík hvorki hönnuð, ákveðin né sett til að þau séu "virt", heldur til að þau séu af staðfestu varin og að hirt sé um að þau séu ávallt verjanleg.

Séu landamæri ríkja ekki "virt" þá þýðir það að þau séu óverjanleg, eða að þau séu með vilja gerð óverjanleg eins og til dæmis í Evrópusambandinu. Séu gerð að aula landamærum.

Um leið og landamæri eru gerð óverjanleg með til dæmis aulahætti og ESB-aðild, þá sogast sjálfstæði og fullveldi viðkomandi ríkis inn á það sem hægt er að kalla "kauphallargólf hins pólitíska sektors". Þar verða bæði fullveldið og sjálfstæðið að pólitískri skiptimynt sem verslað er með.

Við þetta myndast heill pólitískur sektor (ESB-elítan) sem stundar pólitíska spákaupmennsku með fullveldi og sjálfstæði þjóða í sínu eigin ríki.

Það með andar ríkið í höndum ókjörinnar umboðslausrar elítu út anda sínum, gefst upp og deyr úr eurosclerosis.

Þjóðin sem átti þetta ríki sem heimili sitt (þjóðríki) verður þá heimilis- og varnarlaus þjóð. Og allir vita hvað verður um heimilis- og varnalausa þjóð. Það sáu menn ákaflega vel árið 1945.

Kveðjur