Mótstöðuafl hörmunga

Ef það er eitthvað eitt sem myndi veikja og tortíma mótstöðuafli gegn hörmungum eins og nasisma, fasisma, kommúnisma og esbisma, þá er það innleiðing "beins" lýðræðis í gegnum svo kallaðar "þjóðaratkvæðagreiðslur". Orðið og hugtakið þjóðaratkvæðagreiðsla er þó misvísandi því þær eru einmitt einkenni á neyðarúrræðis-kosningum í landi sem hýsir fleiri en eina þjóð

Á meginlandi Evrópu hefur lýðræði alltaf verið ákaflega veikt, að Hollandi undanskildu. Þar er nýlegt stærsta ríki álfunnar enn í gangi með sína fyrstu alvöru tilraun til lýðræðis sem nýtt stjórnarform. Og sú tilraun hefur ekki tekist vel, eins og sést vel á Þýskalandi. Enda er Þýskaland aðalstöðvar Hegels

Ríkjandi "consensus" augnabliks eða stundar-samstaða um hvað sé rétt, er ekki það sama og almennur vilji og þrá þjóðar sem býr í þjóð-ríki. Því fer fjarri. Og þess utan er alls ekki hægt að taka Sviss sem neitt nema lélega fyrirmynd hvað þetta efni varðar, því þar í einu landi býr ekki ein þjóð. Það land býr því við varnartegund af lýðræði undir neyðarráðstöfunum er kallast "þjóðaratkvæðagreiðslur"

Frjálsar og góðar stofnanir lýðræðisríkja geta ekki þrifist og verið frjálsar og góðar stofnanir nema í þjóðríkjum þar sem ein þjóð býr. Bandaríkin eru til dæmis "ein ósundrandi þjóð undir Guði" og taka ekki í mál að önnur þjóð myndist í landinu, sem væri ástand er grafa myndi undan lýðræðinu sem er gróðurmold hinna góðu frjálsu stofnana þess lands sem vernda einmitt lýðræðið

Mótstöðuafl hörmunga er þingræðið og fulltrúalýðræðið. Þeir sem eru að reyna grafa undan því hér á Íslandi eru sannir afglapar. Þeir vita ekki hvað þeir gjöra

Fyrri færsla

Bara ef Stalín hefði haft tölvur og snjallsíma

Athugasemdir

[Ragnhildur Kolka, 15.9.2015 kl. 10:03]

Góður pistill Gunnar. Anarkí er undanfari alræðis eins og svo margir, sem sækjast eftir valdi, hafa áttað sig á. Og aldrei skortir slíka lukkuriddara.

[Ómar Ragnarsson, 15.9.2015 kl. 13:01]

Í hópi þeirra ónefndu þjóðríkja sem þú nefnir sem fyrirmyndir eru lönd þar sem þjóðaratkvæðagreiðslur eru leyfðar með svipuðu sniði og myndi verða hér á landi og í engu þeirra hafa þjóðaratkvæðagreiðslur leitt til vandræða. 

[Gunnar Rögnvaldsson, 15.9.2015 kl. 13:16]

Þakka ykkur fyrir.

Hér eru þjóðaratkvæðagreiðslur ekki bannaðar eins og í Þýskalandi Ómar. Hvað er point þitt? Hvað er að? Og hvenær heldur þú Ómar að þú verðir loksins búinn að bjarga heiminum á kostnað okkar?

Það hlýtur einnig í þessu stóra samhengi að dingla nokkuð mörgum pólitískum aðvörunarbjöllum og spurningarmerkjum hér heima, að það eru fyrst og fremst flokkur Herstöðvarandstæðinga (vinstra góða fólkið, stjórnleysingjar og tyrannar) sem heimtar eitthvað sem þeir kalla "flóttamenn" í heildsölu inn í landið okkar á skrifandi stund, undir eins konar múgsefjun augnabliksins og afglapavæðingu DDRÚV.

Þetta er fólkið sem kom því til leiðar að verndarar lands okkar, með hreint sakavottorð og heilbrigðisvottroð í bak og fyrir, máttu til síðasta manns og síðasta dags og undir radio silence dúsa í vitsmunnalegu Gúlagi og einangrunarbúðum uppi á Miðnesheiði, af því að þeir voru svo hættulegur "samfélaginu"! 

Markmið þessa fólks er það sama og áður; að grafa undan þjóðríki Íslendinga sem stofnun. Að rúlla því til baka svo að 1) menningarbyltingin geti unnið sitt verk undir stöðugum ófriði og óróa við að 2) plægja akurinn fyrir októberinn þeirra í ESB, sem er hraðast vaxandi tyranny veraldar og sem endar sem einræðisríki.

Kveðjur

[Gunnar Rögnvaldsson, 15.9.2015 kl. 14:31]

Upplausn og öngþveiti er kjarnasvið ISIS

"Flóttamenn" eru þegar byrjaðir að stíga stríðsdansinn á götum úti á meginlandi Evrópu og víðar. Götubardagar, ef svo mætti kalla, eru hafnir í Stokkhólmi, Berlín, Frankfurt og Bern í Sviss. Hér fyrir neðan má sjá vandamál Mið-Austurlanda komin í skjól út á götum í Bern, þar sem Kúrdar og Tyrkir eigast við með því að aka bifreiðum yfir lifandi fólk. Þetta er svo huggulega dásamlega krúttulegt mál.

Við hljótum að gera reddað þessu með því að hella landi okkar umhugsunarlaust á bálið og leggja niður Alþingi og refsa lögreglunni með því að eyða fjármunum þjóðarinnar í að skapa vandamálin handa henni. 

Já. Bifreiðar má nota sem skriðdreka eins og þarna sést og aka þeim yfir fólk í götubardögum Kúrda og Tyrkja í Bern í Sviss.

Rob Wainwright forstjóri Europol sagði að helstu einingar þessara 30 þúsund manna smyglneta-kerfa glæpalýðs sem standa fyrir áhlaupi með "flóttamanna straumi" til að búa til öngþveiti séu glæpagengi:

• Sýrlands

• Tyrklands

• Grikklands

• Og Íraks

Þeir 16 Sýlendingar af 30 þúsund manna glæpagengi sem handteknir voru í mars á þessu ári í Aþenu höfðu þá þénað 7,5 milljón evrur á að smygla þessu fólki. Sem sagt 16 manns með 7,5 miljónir evra í vasanum til að fjárfesta í nýjum innviðum glæpagengja.

Í toppinum sitja svo auðvitað þeir yfirstjórnendur sem aldrei láta á sér bera fyrr en síðar: formenn Ríkis Íslams (sem áður hét Al-Qaeda) og sem George Bush varaði við árið 2007: Krækja, YouTube: George W. Bush Predicts ISIS In 2007 - George W. Bush Predicts ISIS In 2007

Kveðjur