Kína fellir kommúnistagengið

Ríkisstjórn Kína felldi gengi gjaldmiðils hennar gagnvart Bandaríkjadal um 2 prósent í nótt. Gengi kommúnistagjaldmiðils landsins er handstýrt á hverjum degi. Það er læst handfast við Bandaríkjadal og leyft að flögra tvö prósent um múrinn á móti honum

Í nótt flæddi upp úr svitabaði kommúnistaelíta landsins sem liggur fastklesst ofan á borgrunum, með þeim afleiðingum að svitinn rann inn í seðlabankann og út um gengisglugga hans gagnvart Bandaríkjadal. Og var það þannig látið ganga út yfir heimsbyggðina. Svitabaðið er til komið vegna miðstýrðs efnahagshruns, miðstýrðrar fastgengisklikkunar, bankabólu og hrikalegrar skuldsetningar sem einnig er miðstýrð. Þetta er ein stærsta eins-dags gengisfelling kommúnistaflokksins, sem er einráður

Kína er næst stærsti gengisfalsari veraldar á eftir Þýskalandi. Kínverska þjóðin vinnur í útflutningsþrælabúðum ríkisstjórnarinnar við að afla alvöru gjaldeyris til að nota í fimm-ára fjárfestinga-áætlanir ríkisstjórnarinnar, sem allar eru einkageðbilun elíta landsins

Í Evrópusambandinu ná þessar áætlanir ESB-elíta sambandsins hins vegar til tíu-ára, því að minni ESB-sósíalista nær lengra, eða 6 ár. Síðustu 4 ár getuleysisins fara í heilaþvott á því sem gerðist (ekki). Eru þær allar kenndar við borgina Lissabon sem er í þýsku nýlendunni Portúgal, sem miðstýrt er að verða gjaldþrota í þýskum evrum, samkvæmt áætlun. Fækkaði Portúgölum um 212 þúsund manns á síðustu fjórum árum

Í Kína búa fimmtán hundruð milljón manns undir kommúnisma (Lenín með vindil í kjaftinum) og sem ekkert hafa að segja um neitt. Í Evrópusambandinu búa þó ekki nema 500 milljón manns sem ekkert hafa að segja um flest

Viðskiptahagnaður undir gengisfölsun er líklega stærri í Þýskalandi en í Kína. Enda logar Evrópa. Þýskaland er Kína Evrópu. Það er með innlenska eftirspurnargetu elliheimilis sökum framskriðinnar öldrunar

Bráðum mun því evran enda á sama hátt og þýska markið gerði: sem miðstjórn alls. Evrópa andar nú þegar fyrir evruna, eins og Þýskaland sem andaði fyrir seðlabankastjórn marksins. Þjóðverjar hafa alltaf látið vel að elítu-stjórn, enda er lítil sem engin hefð né virðing fyrir lýðræði þar

Brussel-dagar 1996: evran gerð skotklár á borgarana

Tvö prósent gengislækkun Kína í nótt þýðir að Þýskaland mun þurfa að kveikja 200 prósent stærri elda á götum og strætum úti í öðrum evrulöndum, svo að gengi þýsku evrunnar gagnvart Kína lækki tilsvarandi. Alelda Grikkland var því miður aðeins tvö prósent af evrusvæðinu og bruni þess niður í ekki neitt dugir ekki til til að falsa gengi Þýskalands enn neðar. Bráðum er helmingur hagkerfis Grikklands horfinn undir stjórn Þýskalands og ECB-sogrörsseðlabanka þess. Því betur sem gengur í Þýskalandi því lægra fer gengi gjaldmiðils þess. Þetta er ESB-hagfræði

Kveikjum eld, kveikjum eld, kátt hann brennur..

Fyrri færsla

Kína púnkterað - tszzzzz

Athugasemdir

[Helga Kristjánsdóttir, 12.8.2015 kl. 00:47]

Esb hagfræði söngurinn..Stoppar..en það erum við sem höfum efni á framhaldinu.  ,,sérhvert kveld,evran geld,syngjum dátt.--