Dönsk króna, kolakynding og Apple

Ákvörðun Apple Inc. um að byggja 166 þúsund fermetra gagnaver við Viborg á miðju Jótlandi —langt hins vegar þess fjarlægðarpunktar frá Kaupmannahöfn sem nestispakkalausar krákur snúa fluginu við— er í algerri andstöðu við áróður danskra atvinnurekenda um að enginn myndi vilja fjárfesta í Danmörku ef að Danmörk tæki ekki upp evru. Um þessar mundir er danska krónan undir stóráhlaupi danskra atvinnurekenda sem henda frá sér evrum og kaupa fyrir þær krónur

Hvað skyldi danski seðlabankinn segja við þessari ákvörðun Apple sem mun þýða innflæði af erlendum peningum? Skyldi hin pólitíska sjálfspyntingarbinding dönsku krónunnar við evru þola þessa fjárfestingu? En danski símsvara-seðlabankinn hefur af ótta við aukið fjármagnsinnflæði bannað dönsku telefax-ríkisstjórninni í Kaupmannahöfn að gefa út og selja ríkisskuldabréf. Áfallahjálp til loftbelgja Kaupmannahafnar hefur nú umsvifalaust verið skipulögð

Við skulum heldur ekki minnast á kolaknúin raforkuver Danmerkur sem með miklu öryggi sjá landinu og fyrirtækjum þess fyrir viðvarandi raforku og verða það varaafl sem Apple mun stóla á

Þegar harðir diskar innan skamms úreldast sem tækni þá mun með litlum tilkostnaði verða hægt að breyta þessum húsakynnunum í vörugeymslur, sem þá verða alveg ágætlega staðsettar. Þær sleppa við skattabrúnna yfir Stórabeltið. Gagnaverið kemst þá kannski fyrir í ísskápum mötuneytis starfsmanna. Írland fékk samskonar gjöf frá Apple Inc. í dag, enda er landið 20. stærsta eyja veraldar

Hefðu sérfræðingar Íslands, sem er 18. stærsta eyja veraldar, getað togað heilabú sitt út úr raflagnameðferð rafmagnssæstrengs niðri í Apavatni, og þess í stað að haldið haus og fjárfest í gagnaflutningagetu (með tvöföldu re·dun·dan·cy) á milli heimsálfa, þá hefði Ísland með miklum ágætum getað fengið þessa fjárfestingu. En þar sem hugarorkan fer í að berja hausnum í grjót þá er þetta auðvitað eins og það er, þ.e. heilabrot

Um það bil 18.300 manns vinna hjá Apple í 19 löndum í Evrópu og er þetta stærsta einstaka fjárfesting fyrirtækisins í heimsálfunni. Um daginn vígði Apple nýjar aðalstöðvar í Ísrael sem skarar framúr með einum besta tæknigeira veraldar

Það verður fróðlegt að sjá framan í framhaldslífsstykkið Margrethe Vestager (R) —sem eytt hefur öllu lífi sínu í að eyðileggja Danmörku og hlotið að verðlaunum framhaldslíf í Brussel eftir dauðann heima— er hún sem "samkeppniskommissar Evrópusambandsins" mun skoða teikningarnar af gagnaveri Apple í ónýtri Danmörku; "hvernig gat þetta gerst", mun hún spyrja

Heima í Bandaríkjunum munu þeir alþjóðlega háu skattar á fyrirtæki sem áttu að bjarga fátæklingum landsins frá ríkidæmi, halda áfram að sogast í fjárfestingar og atvinnutækifæri erlendis

Njósnastofnanir Hegelskrar Evrópu hafa ekki enn opinberlega sagt frá því hversu fegnar þær eru vegna gagnaflutninganna til Viborg. Þetta mun auðvitað auðvelda þeim vinnuna mjög, þótt hljótt fari enn

Frá árinu 2004 og fram til ársins 2012 sögðu helstu "tele-greinendur" Danmerkur að fyrirtækið Apple ætti engan séns á markaði fyrir síma af neinu tagi og ennfremur að Apple sem computing platform væri dauðadæmt. Þessir greinendur sáu danska bankakerfinu fyrir greiningum í 15 ár og hrundi það því árið 2009 þannig að fjórir björgunar-bankapakkar hafa nú verið útskrifaðir. Og svo hafa þeir vogunarsjóðir sem í áskrift eru hjá hinum sömu hámenntuðu greinendum því einnig skilað af sér 7 sinnum lélegri ávöxtun en Pétur og frú Pálína á allsberri vísitölunni hafa hjálparlaust gert hin síðustu 6 árin

Raufarhöfn við risavaxna Melrakkasléttu ætti að hafa beint samband við Apple í Kaliforníu eins og Viborg gerði, því fælingarmátt stofustássins Útflutningsráð í Reykjavík, sem er höfuðborg DDRÚV, skyldi enginn vanmeta

Fyrri færsla

Fjarvistarsönnun ESB frá sjálfu sér; að punta sig með Gyðingum

Athugasemdir

[Kristján B Kristinsson (IP-tala skráð) 23.2.2015 kl. 22:11]

Sæll Gunnar, eru gagnaver eitthað sem er eftirsóknarvert? til að þau vilji koma þarf að veita þeim verulega skattaafslætti, og rekstur þeirra þarfnast örfárra starfskrafta, ég held að þau myndu skila ákaflega litlu hér inn í þjóðfélagið.

[Gunnar Rögnvaldsson, 23.2.2015 kl. 22:53]

Skattaafsláttur?

Er það ekki bara "leiðrétting"? - sem er vinsælasta hugtak Íslendinga hinum megin við búðarborð skattgreiðenda nú um daga. Held ekki að neinn hafi áhyggjur af svoleiðis Kristján. Ekki sýnist mér það.

Hver segir að Apple fái skattaafslátt í Danmörku? Kannski DDRÚV?

Hins vegar er vitað að Apple mun greiða skatta í Danmörku og nú þegar eru Danir farnir að tala um þá sem gulleggin sem verpt er af einni hænu sem til sögunnar kom á undan þeim væntanlegu eggjum, sem enn er hægt að eyðileggja.

Nú ef mönnum finnst ómögulegt að almenningshlutafélagið Apple Inc. sé að sprauta 112 miljörðum ISK í beinni innspýtingu inn í hagkerfi sín, þá þeir bara um það.

Kveðjur

[Gunnar Rögnvaldsson, 23.2.2015 kl. 23:03]

. . hmm já.

Nú ef að afskaplega fáir fá vinnu við þetta, þá hlýtur það bara að vera gott, því þá getur hámenntað og langskólað íslenskt vinnuafl haldið áfram að skipta á rúmum og afgreiða ferðamenn í túristagildrum landsins í endalausum bunum til að hægt sé svo að stækka háskólana og byggja sjúkrahýsin yfir það.

[Gunnar Rögnvaldsson, 24.2.2015 kl. 01:02]

Já - og þakka þér innlitið Kristján

[Gunnar Rögnvaldsson, 24.2.2015 kl. 10:58]

Gert er ráð fyrir að gagnaverið við Viborg muni skapa vinnu fyrir 300 til 10.000 manns. Viðskiptaráðherra sem nú vill vera með, segir 300, en bæjarstjórinn í Viborg sem fékk Apple til landsins, segir 10.000 manns þegar allt er talið með.

Það tók bæjarstjórnina í Viborg þrjú ár að fá Apple til að slá til.

Áætlað er að verið muni standa fullbyggt árið 2026, eftir 11 ár, og verður raforkunotkunin meiri en í öllu sveitafélaginu, þar sem 95.000 íbúar og fyrirtæki þeirra búa og starfa. Apple mun sjálft sjá um raforkuframleiðsluna að hluta til eða að fullu.

Apple hefur engar skattaundanþágur fengið og mun greiða ríkisskatta og gjöld til sveitafélagsins eftir gildandi lögum og reglum eins og hvert annað fyrirtæki í sama geira gerir.

Á 11 ára byggingar-tímabili getur margt gerst í þessum geira. Ég ímynda mér að möguleiki sé á að breyta verinu í dreifingarmiðstöð (distribution center) fyrir fullunnar vörur Apple, hljóti að vera inn í dæminu því flestir skattar og skattar á orku í Danmörku eru gerræðislega háir og hafa mörg fyrirtæki flúið landið þeirra vegna. Sumir líta á þessa fjárfestingu Apple í Danmörku sem undantekningu er sannar þá reglu.

Veltuhraðinn hjá Apple er nú kominn niður fyrir veltuhraðann hjá McDonalds. Vörur fyrirtækisins eru að meðaltali minna en fimm daga á lager. Eins mætti ímynda sér að verið gæti orðið vélmenna-ver (robot farm) í framleiðslu, er Apple nær vel stórskala tökum á þeirri tækni.

[Gunnar Rögnvaldsson, 24.2.2015 kl. 12:24]

Athyglisvert er að fjárfesting Apple í Danmörku er að upphæð minni en sú upphæð sem dönsk yfirvöld plokka á hverju ári af dönskum almenningi og fyrirtækjum í niðurgreiðslur á svo kallaðri "grænni orku" (í þessu tilfelli rauð sovésk orka) sem nemur 7,7 milljörðum DKK á ári. Það er sú upphæð sem rauðar-vindmyllur Danmerkur í norður-kóreönskum stíl, kosta danskan almenning í beinum en af stjórnvöldum földum álögum.

[FORNLEIFUR, 24.2.2015 kl. 12:44]

Borgastjórar "Konservastive" i Viborg eru greinilega haldnir ADHD. Svæði það sem á að setja undir Apple er fullt af fornleifum. Þarna verður að grafa í nokkur ár, áður en að hægt verður að byggja.

Kannski eru þetta störf fyrir 10.000 ólaunuðu vélmenni, sem Apple ræður að vild og án stéttarfélagsaðildar.

[FORNLEIFUR, 24.2.2015 kl. 12:45]

Frábær analýsa hjá þér Gunnar, eins og oftast áður!

[Ómar Bjarki Kristjánsson, 24.2.2015 kl. 12:59]

Framsjallar og þjóðbelgingar með allt á hælunum.  Óskemmtileg sjón.

[Gunnar Rögnvaldsson, 24.2.2015 kl. 13:00]

Þakka þér innlitið Vilhjálmur.

Já, það verður spennandi að fylgjast með þessu. Mon ikke að þetta verði kærkominn, kunnuglega og margsinnis ó-óplægður akur fyrir frú kommissar R Vestager, sem á kannski eftir að yfir-samþykkja fyrirhugaðar áætlanir danska telefax-ríkisins, er varða þessa fyrirfram niðurgreiddu aðstæður fjárfestingarinnar. Efast um að Apple viti af þessu.

Ísland getur alltaf lagt inn aukamiða ef allt siglir í strand, sem það eflaust getur gert þegar búið er að tala málið 200 sinnum í gegn á næstu 60 árum.

Kveðjur

[Gunnar Rögnvaldsson, 24.2.2015 kl. 17:06]

Margir forsætisráðherrar og forsetar hafa heimsótt Apple í aðalstöðvum fyrirtækisins í Cupertino í Kaliforníu. 

Fundarstefna Apple hefur ávallt verið sú að sendir þú til dæmis deildarstjóra til fundar við þá, þá muntu funda með deildarstjóra hjá Apple.

Sendir þú hins vegar forstjóra til fundar við þá, þá muntu funda með forstjóra Apple.

Ég veit ekki hvað gildir um forsætisráðherra landa. En þó get ég ímyndað mér að þeir fái sama status og forstjórar og jafnvel hærri. 

Þetta er sem sagt gagnkvæmni í praxís. Hafi maður fyrir einhverju að berjast þá er um að gera að koma þannig fram.

Gamla Útflutningsráð Íslandsstofu undir nýju nafni er kannski ekki heppilegt organ á þessu sviði, því sú stofnun sá alls ekki í gegnum bankstera og útrápsvíkingana á hroðaárunum en hélt þvert á móti varla vatni vegna stórfenglegs árangurs þeirra sem var algert fíaskó.

[Ragnhildur Kolka, 25.2.2015 kl. 14:24]

Þú ert naskur á það, Gunnar. Auðvitað er hreina orkan í Danmörku kolakynt enda fátt um fallvötn þar í landi.

[Gunnar Rögnvaldsson, 25.2.2015 kl. 14:50]

Þakka þér innlitið Ragnhildur

Eiginlega er spurning Kristjáns hér efst í þræðinum ansi góð og hnyttin: hún er fín að því leyti að við Íslendingar ættum að skoða hvað það er sem við höfum efst á okkar forgangslista yfir það í hvað orkan okkar ætti að fara.

Því varla er hægt að bera saman þann virðisauka sem myndast við framleiðslu á áli hér og svo hins vegar á því að geyma gögn sem búin eru til annarsstaðar.

Efast um að nokkur myndi áltía það rosalega flott að vera góðir í því að geyma hér (store) unnið ál í pakkhúsum sem aðrir hafa framleitt. En auðvitað myndast skattatekjur í báðum ferlum. En samt ekki sá virðisauki sem myndast við að vinna hér úr hráefnum. Og einhver verður að vera hráefnaþjóð. Það er alls ekki neitt slæmt við það.

Kveðjur