Seðlabanki Írlands setur þak á húsnæðislán undir evrunni

Mynd; Vísitala nafnverðs fasteigna á Írlandi

Vegna þess að Írland tók upp evru liggur húsnæðismarkaður írsku þjóðarinnar í rúst. Frá 2007 til 2013 er húsnæðisverð fallið um meira en helming og eru húsnæðiseigendur hafnaðir í lokaðri og læstri peningapólitískri gildru myntar sem þeir hafa minna en ekkert um að segja. Fjármálabóla ECB-aukaseðlabanka Þýskalands sprengdi hagkerfi Írlands í tætlur og brauðfótagerði fjármálakerfi Íra

Nýjar reglur um húnsæislán munu taka gildi á Írlandi í janúar næstkomandi. Undir þeim munu Írar ekki geta tekið samanlagt stærri húsnæðislán í neinum fjármálastofnunum en sem nemur meira en 3,5 sinnum árstekjum lántaka og hæst 80 prósenta af kaupverði

Sem sagt; á meðan íslenskir húsnæðiseigendur hafa komið betur en flestar þjóðir út úr fjármálakreppu —og sem nú er yfirstaðin á Íslandi— þá rignir teppasprengjum evrulands ennþá yfir Írland og svo mun verða þar í landi um mörg ókomin ár og áratugi

Atvinnuleysi á Írlandi undir evru er nú 11 prósent. Írland er dæmt evruland. Atvinnuleysi á Íslandi undir krónu er hins vegar 5 prósent og lýðræðis- og hagvaxtarhorfur lands okkar eru góðar, svo lengi sem við göngum aldrei í Evrópusambandið

Krækja

Irish central bank urged to ease mortgage restrictions (FT)

Fyrri færsla

Rússnesk kvöldmáltíð

Athugasemdir

[Bjarni Gunnlaugur (IP-tala skráð) 23.12.2014 kl. 11:35]

Mikið svakalega ertu á röngu róli þarna. Vissulega eigum við Íslendingar að hafa okkar krónu áfram (eigum reyndar ekki annara kosta völ) en hér er það einmitt stóri vandinn í dag að húsnæðisverð er allt of hátt. Hér var fasteignabóla (allir byggingakranarnir manstu) sem hrundi og því eðlilegt að húsnæðisverð lækki í kjölfarið sem og á Írlandi. Það sem er óeðlilegt hér er hve húsnæðisverð hefur hækkað mikið aftur. Ný bóla. Líklega vegna vandamála með krónuna sem ekki eru leyst. Krónan er nefnilega fín en það þarf ýmislegt að gera með fram því að hafa þessa mynt.Að hleypa lífeyrissjóðum með sitt bólufé inn á húsnæðismarkaðinn er t.d. ekki eitt af því sem á að gera hér. 

ps. einn angi af vitleysunni sem felst í þessari nýju fasteignabólu er að reiknispekingar eins og t.d. Villhjálmur gjaldkeri Þorsteinsson bera saman lánavísitölur og fasteignavísitölur og fá út að hér hafi lán ekki hækkað óeðlilega og því þurfi ekki að bæta neinum stökkbreytinguna.  Semsagt stökkbreyting húsnæðisverðs á að réttlæta stökkbreytingu lána. 

[Gunnar Rögnvaldsson, 23.12.2014 kl. 14:16]

Þakka þér innlitið og skrif Bjarni

Kveðjur