Evran ER mynt Evrópusambandsins, það er sænska krónan ekki

Vegna þess hversu Ísland er opið og alþjóðlega vel tengt, var það aðnjótandi heimsóknar François Heisbourg hina síðustu daga

Heisbourg er menntaður í Ecole Nationale d’Administration skólanum —sem upphaflega var gæluverkefni Charles de Gaulle— og sem Stalínistinn Maurice Thorez kom á laggirnar eftir að hann hafði dvalið í Moskvu Sovétríkjanna árin sem fósturjörð hans Frakkland var hernumin, eyðilögð og plundruð af Nasistum í of ákafri samvinnu við París

Sovétríkin áttu fyrsta flokks skóla sem hámenntuðu skriffinna í beinum sem óbeinum manndrápum út í morðótt nomenklattúruveldi Jósefs Stalíns um hin gjörvöllu Sovétríki hans. Og Frakklandi vantaði nauðsynlega skóla sem skrifað gætu út hámenntaða skriffinna er tekið gætu til hendinni og hannað bjúrókratíska innviði Frakklands og Evrópusambandsins. Er styrjöldinni lauk snéri Maurice Thorez heim með uppskriftina að Ecole Nationale d’Administration í ferðatöskunni. Birtist hann einnig sem andlit á sovésku frímerki og rann því beint inn í ríkisstjórn Frakklands er heim var komið

Það sem einkennir X-énarque-elítu-setulið Frakklands eftir umskólun í Ecole Nationale d’Administration, er það, að þessi franska X-elíta er næstum hvergi í veröldinni samkeppnishæf nema einmitt í miðborg Parísar. Aðeins þar þrífst hún vel. Sést það best á því að Frakkland liggur af Xinu sérhannað til örendis flatt undir þeirra þurru fótum. Og það þrátt fyrir að næstum öll hár á höfðum Frakka liggja sem sovéskt-þrædd til miðborgar Parísar. Þar er í þau haldið með miðstýringu X-setuliðsins sem sendir um þau merkin 0 eða 1 eins og að um handfléttað RAM væri að ræða. En samt gengur ekkert. Og það þrátt fyrir þá evru-mynt sem X-énarque-elítu-setulið Frakklands kom á í landinu undir forsæti Mitterrands

Svo sorglegt sem það er, þá er Frakkland að sökkva í evru-myntinni sem þeir kröfðust og óskuðu sér svo heitt. Það er að segja; sem X-énarque-elítu-setulið Frakklands krafðist og óskaði sér svo heitt. Dýrðardagar Frakklands á 5-7. áratugum síðustu aldar eru liðnir og vissuleg mikil og góð afrek X frá tímunum þeim eru rykfallin og í sundur að detta

Til Íslands kemur François Heisbourg og segir Íslendingum að evran sé nú ónýt og að Evrópa sé jafnframt svo gott sem einnig ónýt af hennar völdum. Sem er alveg hárrétt hjá honum. En það er líka hárrétt að Frakkar og Þjóðverjar hafa aldrei haft hundsvit á peningamálum. Það sást strax er bankastjórn ECB-seðlabanka Evrópusambandsins settist að völdum og sprengdi myntsvæði Evrópusambandsins í loft upp með því að framkvæma stærstu fjármálabólu veraldar á löndum þess undir stjórn Jean-Claude Trichet frá Lyon, sem skólaður var auðvitað til í Ecole Nationale d’Administration

En hér kemur svo rúsínan í ESB-endanum á énarque-elítu X. Jú, Ísland ætti nefnilega að ganga í ESB af því barasta. Ísland ætti að ganga í Evrópusambandið af því að sambandið —samkvæmt François Heisbourg— á nú að verða Sambandsríkið, með stórum staf. En sambandið geti því miður ekki orðið Sambandsríkið fyrr en að það sem lækna átti ekki-sambandsríkið svo það gæti orðið Sambandsríkið —þ.e. sjálf evran— er nú allt laust og fast að drepa á meginlandi Evrópu. Hvert hringir maður þá? Jú, maður hringir að sjálfsögðu í Chief Inspector Charles LaRousse Dreyfus á geðbilunarhælinu Galeanstalt og pantar hjá honum nýjan tíma í Evrópufræðum

Nú er sem sagt það myntbein er hent var fyrir Mitterand Frakklandsforseta á meðan Þýskaland rann á ný saman í eitt, allt í einu orðið eitthvað svo vonlaust. Þýskaland er nefnilega á leiðinni austur

Eins og alltaf tala höfuð og "sérfræðingar" í málefnum Evrópu og Evrópusambandsins með jafn mörgum tungum og til þarf svo hið bogna ljós undralands evrusvæðis og ESB varpist aldrei á nein viðkvæm mál

Furðulegt er að heyra að einhver sem kallaður er sérfræðingur í málefnum Evrópu og jafnvel Evrópusambandsins, skuli reyna að halda því fram að Svíþjóð —og bara sökum þess að Svíþjóð er Svíþjóð sem þekkir í þykjustunni þekktan mann í þýsku landi— sé á einhvern hátt undanþegin því að fara í gegnum ERM-II ferli Evrópusambandsins til að taka upp evru. Þetta er sprenghlægilegt því að í Sáttmála Evrópusambandsins stendur skrifað að evran ER mynt Evrópusambandsins eins og að Evrópuþing þess ER þing Evrópusambandsins

Í Sáttmálunum með stórum staf er njörvað niður og samþykkt af 28 þjóðþingum 28 ríkja að öll lönd sambandsins verði að taka upp evru af því að evran ER mynt Evrópusambandsins. Í sáttmálunum samþykktum og staðfestum af hinum sömu 28 þjóðþingum sömu 28 ríkja Evrópusambandsins stendur einnig að aðeins Danmörk sé með undanþágu frá þriðja fasa myntbandalagsins (ERM III) sem er evran, ásamt Bretlandi, sem er alveg undanþegið frá öllum fösum ERM; þetta stendur skrifað og staðfest af þjóðþingum allra landa Evrópusambandsins í Sáttmálunum og Svíþjóðar einnig

Það stendur sem sagt ekkert um það í neinum sáttmálum Evrópusambandsins að Svíþjóð sé á neinn hátt undanþegin því að taka upp evru. Landinu er samkvæmt Sáttmálunum skylt að gera það um leið og ESB- og evruyfirvöld hafa metið landið sem hæft til þess. Svíþjóð mun eins og öll önnur lönd ESB fyrst þrufa að ganga í gegnum ERM II, sem er pyntingaklefi myntbandalagsins, svo það geti látið ESB troða sér ofan í evru

Kannski eru kerfis-karlar Frakklands svo vanir því að geta skalkað og valkað með sáttmálana af því að landið þeirra heitir Frakkland og er einnig að hluta til Þýskaland, að þeir taka ekki eftir því hvaða skyldur og reglur eru lagðar hráar og ólagfærðar á venjuleg ríki í Evrópusambandinu

Þrátt fyrir góðan vilja og snjalla hugsun François Heisbourg, þá er Evrópa Evrópusambandsins ólæknandi. Hún er ólæknandi undir evru og hún er ólæknandi eftir evru. Stefnumótun sambandsins hefur því stefnt henni til 1914 á ný

Fyrri færsla

Afpöntuð ESB-ríkisstjórn og pöntunarseðlar 

Athugasemdir

[Gunnar Rögnvaldsson, 8.4.2014 kl. 04:30]

Evran ER mynt Evrópusambandsins, það er sænska krónan ekki

 

===================

 

José Manuel Durão Barroso

President of the European Commission

Statement by President Barroso at the signature ceremony of the Treaty on Stability, Coordination and Governance in the Economic and Monetary Union

European Council

Brussels, 2 March 2012

"The euro is not just a currency of some countries, the euro is the currency of the European Union."

 

Krækja: http://europa.eu/rapid/press-release_SPEECH-12-145_en.doc 

 

===================

 

European Commission

Economic and Financial Affairs

The euro

Adopting the euro

24/01/2014 

 

The euro area includes those EU Member States that have adopted the single currency. But the euro area is not static – under the Treaty, all EU Member States have to join the euro area once the necessary conditions are fulfilled, except Denmark and the United Kingdom which have negotiated an 'opt-out' clause that allows them to remain outside the euro area.

Sweden is also expected to join the euro area in the future, but has not yet qualified. 

 

Krækja: http://ec.europa.eu/economy_finance/euro/adoption/index_en.htm

 

===================

DerSpiegel, December 27, 2012

Behind the Scenes in Brussels: EU Summit Reveals a Paralyzed Continent 

 

"Reinfeldt believes that there are plenty of instruments to combat the crisis, but that they are not being implemented correctly. He notes that it isn't necessary "to constantly approve new instruments." He also says that the euro isn't the currency of the European Union, and he cites a survey in which only nine percent of Swedes supported their country joining the euro zone."

 

"Barroso, responding to Reinfeldt, says that under Article 3 of the EU Treaty, the euro is the currency of the European Union, and he calls for a credible political structure for the currency."

 

Krækja: Behind the Scenes in Brussels

 

===================