Lífinu lifað út í ystu æsar á evrusvæðinu

 

 

Bankakerfi evrusvæðisins á Kýpur er enn lokað, sjötta daginn í röð árið 2013 e.Kr. Haft er eftir fjármálaráðherra Þýskalands, Wolfgang Schaeuble, að ekkert sé víst að bankakerfi Kýpur muni nokkru sinni opna aftur. Um það bil milljón manna bíða þar á milli vonar og ótta um hvað verði um það undir evrunni. Sumir kalla fjármálaráðherra Þýskalands nú fyrir hættulegasta mann Evrópu. En hann er starfsmaður á tilraunastofu frú Angelu Merkel frá Austur-Þýskalandi.

Reyna margir vísir menn að giska hér á hvað ríkisstjórn Kýpur taki nú til bragðs eftir að ECB-aukaseðlabanki Þýskalands yfir öllum evrulöndum, hefur sagt að hann muni loka á lýðveldið Kýpur, neiti ríkisstjórnin þar í landi að ræna bankainnistæðum borgaranna og afhenda þær til þeirra sem ráku bankakerfið í þrot; eigendur og peningayfirvöld þar með talin. Giskað er á, til að byrja með og á meðan Buchheit er til staðar, að ríkisstjórnin muni undir þýskum skammbyssu-pólitískum þrýstingi, leggja hald á lífeyrissparnað borgaranna ásamt steingrímskri útsölu á ríkiseignum og bankarúllhettum til útvaldra hæstbjóðenda. Og síðan, eftir þjáningarfullan dauðadans, senda lýðveldið Kýpur í fullblásið þjóðargjaldþrot.

Á Írlandi hafa hin þýsku peningapólitísku skammbyssuyfirvöld evrusvæðis í turni ECB-seðlabankans, krafist þess að viss ríkisstjórn þar í landi skipi Írum svo fyrir, að allur aragrúi fallinna írskra heimila undir húsnæðisskuldafjalli hinnar þýskt-sköpuðu og made in Germany fjármálabólu evrusvæðis; losi sig fyrst við heilbrigðis- og sjúkrasamlagstryggingar fjölskyldunnar; selji svo alla bíla heimilisins utan eins, áður en nokkuð sé aðhafst þar í landi til aðstoðar ofurskuldsettum húsnæðiskaupendum evrubóluáranna - og áður en fjármálastofnanir á einn eða annan hátt komi til móts við bráðagreiðsluvanda evruheimila Írlands, þar sem húsnæðisverð er fallið um 50 til 60 prósent og enginn fær lán nema að hann sé í ríkisstjórn, vinni í seðlabankanum eða hjá öðrum erlendum fyrirtækjum þar í landi. Einnig verður þess krafist að fólk taki börn sín úr einkaskólum; aflýsi og stöðvi allar utanlandsferðir þeirra sem búa undir skuldaþaki heimilisins; og stöðvi þar næst fjárútlát allra heimabúandi til íþróttaiðkana.

 

Til að vita til hvers Írar tóku upp evru, þá þarf fyrst að skoða eiginhandaráritaða samúðarkveðju de Valera forseta Írlands í sendiráði þúsund ára ríkis Þýskalands í Dyflinni, vegna dauða sósíalistans herr Adolfs Hitler í aprílmánuði árið 1945. Handritið útskýrir sig sjálft

 

Fyrri færsla

 

Með ESB-aðild yrðu gjaldeyrishöft líklega hert og fest varanlegar í sessur zars kommissars 

Athugasemdir

[Rafn Guðmundsson, 23.3.2013 kl. 00:38]

flottur penni - en orðin á blaðin eru sennilega bara bull eins og hjá ykkur nei sinnum - sorry

[Rafn Guðmundsson, 23.3.2013 kl. 00:38]

átti að vera 'blaðinu'

[Gunnar Rögnvaldsson, 23.3.2013 kl. 02:39]

Þakka þér Rafn

Fyrrum fjármálaráðherra Kýpur, Takis M. Klerides, sem stýrði Kýpur inn í aðild að Evrópusambandinu sem svo samkvæmt aðildarsáttmála sambandsins skuldbatt Kýpur til evruupptöku, sagði eftirfarandi í viðtali við Financial Times í gær;

 

“We found out the hard way that it’s not a family,” he said of the EU, arguing that the bloc’s biggest members “dictate the terms and everyone else falls in line. It’s becoming a dictatorship.”

 

 

 

Hér er slóð á sanddælustöðvar tvær sem föst höfuð niðri í sandi oft þarfnast:

 

Dæla eitt: Cyprus laments end of way of life

Dæla tvö: Kýpur þjóðnýtir lífeyrissjóði landsins

 

Kveðjur

 

 

[Jón Bjarni Steinsson (IP-tala skráð) 24.3.2013 kl. 19:05]

Heldur þú að vandamál Kýpur hafi kannski meira að gera við starfsemi banka þar síðustu ár og áratugi við peningaþvott fyrir rússneska olígarka ásamt því að vera skattaparadís... frekar en að við evruna sé að sakast?

Bara pæling...