Með ESB-aðild yrðu gjaldeyrishöft líklega hert og fest varanlegar í sessur zars kommissars

DIRECTORATE-GENERAL FOR ECONOMIC AND FINANCIAL AFFAIRS

 

 

Rauðar stjörnur nú?

 

Að Kýpurkveldi

Það lítur út fyrir að þeir sem kvöld eftir kvöld hafa neðangreind ESB-sálmavers fyrir börnum sínum, séu einatt og akkúrat þeir sem hlaupa svo framandi hratt á haglahlaupum undan öfugum hlaupenda sjálfskaparbyssu sinnar. Þarna þegar þeir kvöld eftir kvöld þrýsta tungum sínum svo ljúft á orðagikkinn gegn sjálfum sér og börnunum. ESB-rímur rúlla ákaflega hratt af slefandi tungum —og svo fossandi geta liprar tungur slefað— að þekkja tungnamenn bálkanna umsvifalaust sjálfa sig sem sérfræðinga í eiðsvörnum peninga- og bankamálum þjóðar; Evrópumunnvatnavöxtum Össurar undir eiðsstaf. Hlaup um höfuð þá hafið er.

Því hin stóra sannleiksbók eins leshrings umhverfis þvaðrið um að ESB-aðild og evruupptaka myndi þýða brotthvarf gjaldeyrishafta á Íslandi, er meira en líklega algerlega öfugsnúinn þvættingur. Í besta falli hvítir lygar og stór summa ESB-þvælu. Eða þá þvaður-blaður og geðbilun á hinu hrottalega lokastigi europhile-sjúkdómsins. En þegar sá sjúkdómur hefur náð því vaxtastigi Evrópuvaxta Össurar, þá romsa menn. Sjúkdómur romsunar er þá kominn upp á ólæknandi dómsstig.

Í ESB og undir evru eru gjaldeyrishöft lögleg. Fullkomlega lögleg samkvæmt lagabálki sambandsins. Og þegar maður heitir örríki, eða bara a-tómið Ísland í ESB samhengi, þá myndu þau af ESB-veldinu í Brussel þykja mjög ákjósanleg og frekar festast í sessi heldur en hitt, þar til sérhvert sjálfstætt lífsmark hefur verið murkað úr íslenska lýðveldinu, fyrir fullt og allt. Fyrir algerlega full og allt á allri 800-þúsund ferkílómetra lögsögu þeirri er forfeðurnir sköffuðu okkur íslensku þjóðinni. Aðeins heimska Jóhönnu Sigurðardóttur, Steingríms J. Sigfússonar og Össurar Skarphéðinssonar er stærri að flatarmáli. En flatarmál er native tungumál þeirra aftur frá 1968 og alla leið áfram til 1918 og alls sovésks þar á milli.

ESB-sálmavers gjaldeyrishafta (esb-uppfært: 24.01.2013)

1. Exceptions stipulated in the Treaty
2. Exceptions established by the case law of "the Court of Justice"

• Third-country restrictions (grandfathered provisions)
• Tax differentiation
• "Prudential measures"
• Public security
• Third country restrictions (economic and monetary union)
• Financial sanctions
• Balance of payment
• Restrictions on property ownership
• National security and Defence
• Secondary residences  

Um "Kýpur-vandamálið"

Lesið hér um fyrstu reglu gjaldeyrishafta ("the first rule of capital controls is: you don’t talk about capital controls") og svo áfram um "lögin" sjálf: Exceptions to the free movement of capital

NÁNAR UM (sovét)STJÓRNARSKRÁ OG (sovét)DÓMSTÓL ESB

Stjórnarskrá Evrópusambandsins fyrirskipar ákveðið "samfélags- og efnahagslegt lífsmódel" eða líferni í öllum ríkjum sambandsins fyrir alla þegna sovétsambands ESB, alveg eins og stjórnarskrá gömlu Sovétríkjanna gerði; en hún fyrirskipaði að kommúnismi væri hið eina leyfilega og löglega samfélags- og efnahaglega lífsform fyrir alla borgara og fyrirtæki innan landamæra Sovétríkjanna. Út frá stjórnarskránni þeirri ættu allir að skoða æðstu dómstóla gömlu Sovétríkjanna og því næst allan æðsta dómstól Evrópusambandsins, lög hans, dóma og túlkanir; þ.e.a.s. Evrópudómstóllinn (ECJ) e. "European Court of Justice".

ECJ-dómstóll Evrópusambandsins styður aðeins þau "réttindi" borgara og fyrirtækja innan sambandsins sem stuðla, hvetja og vinna að ákveðnum málstað sem njörvaður er niður í undirstöðu allra sáttmála Evrópusambandsins; "Une certaine idée de l'Europe" eða "hinni sérstöku hugmynd um Evrópu(sambandið)". Þessi hugmyndagloría um Evrópu ER dómstólinn sjálfur, lög hans og túlkanir. Hún er Dottin niður til Jarðar sem framandi geimvera og illfygli mikið. "Réttindi" boragranna eru af ECJ-dómstólnum aðeins leyfð ef þau stuðla að "meiri sameiningu" (integration). 

Og það þýðir í praxís að dómstóllinn mun alltaf dæma þessari "samruna hugmynd um Evrópu" í hag og vaða yfir öll stjórnarskrárbundin réttindi þegnana í öllum aðildarríkjum. Réttindi borgarana á lagasvæði dómstólsins — og sem hann skammtar — eru bara til í raunveruleikanum ef þau gagnast, stuðla að og styðja við þessa "hugmynd um sameinaða Evrópu". Ef þau stangast hins vegar á við "hugmyndina um sameinaða Evrópu" þá eru réttindi borgarana ekki til (non existing) í augum dómstólsins.

Lengra nær hinn heimspekilegi grundvöllur og lagarammi dómstólsins ekki. Þetta er í eðli sínu einræðisleg uppskrift (e. totalitarian concept) að nýju helvíti á okkar Jörð. Þetta er kjarninn í ESB. Og þetta er nýtt sovét, eins og við mátti búast af meginlandi Evrópu. 

Við eigum að segja okkur úr EES og lifa undir þeim lögum sem aðeins við sjálf setjum fyrir okkur sjálf og bara fyrir okkur sjálf. Magna Carta frá 1215 verðum við ávalt að muna. Fátt verður mikilvægara í þeirri afar slæmu framtíð sem herja mun á okkur frá hinum nýju Evrópusovétríkjum ESB

Fyrri færsla

EvruKýpur undirbýr fjármálalega herkví og lokun landamæra