Derek Scott látinn

Andlát

Breski hagfræðingurinn Derek Scott er látinn, aðeins 65 ára að aldri. Hann var efnahagsráðunautur Tony Blairs forsætisráðherra Stóra-Bretlands, en sem aldrei hlustaði á hin réttu ráð Scott's, með þeim rökum þau væru ekki nógu fín til að standa í nótnahefti þokulúðrasveitar Evrópu. Þokulúðrasveit Evrópusambandsins lifir því enn hátt á innsoginu úr almenningi með því að bresta alltaf á hann í formi samsærisverka svo kallaðrar samhæfingar og samruna. Sagði Brusselveikur Blair að diplómatía Derek Scott's væri ígildi vetursetu Dirty Harry's í hallargörðum Brusselveldsins. 

Scott sá frá byrjun í gegnum myntbandalag Evrópusambandsins og var í hóp örfárra allsgáðra evrópskra hagfræðinga sem vissu nákvæmlega hvaða ömurlegu hvatir voru að verki við stofnun myntbandalagsins frá upphafi. Hann sá snemma í gegnum Ajax-Heidi-þvaðrið um Þjóðverja og vissi út í gegn að Þýskaland stendur í dag hvorki upprétt né í neinar lappir fyrir eigin tilstuðlan, heldur er það m.a. Suður-Evrópa sem hefur haldið Þýskalandi uppi og forðað landinu frá því að verða að alþjóðlegu athlægi fyrir ódug, lýðræðisleti og króníska nísku í lokuðum þvaðurspekiheimi Hegels og hins Sonderwegaða 1871-upplogna ríkis Bismarcks á meginlandi Evrópu, eilíft á kostnað annarra. 

Scott fórnaði persónulegum frama í stjórnmálum innan hins enn svo nefnds Verkamannaflokks Bretlands til að geta rifið kjaft við eigin menn og sagt vinum okkar Bretum sannleikann um Evrópusambandið. Hann benti réttilega á að eina samhæfingin sem fram færi í Evrópusambandinu undir evrumyntinni væri samhrun ríkisfjármála og sameiginlegt brotthvarf hagvaxtar og lýðræðis í öllum evruríkjum. Sem íhalds- og hægrimaður ber ég virðingu fyrir Derek Scott sem málsvara frelsis þjóðríkisins innan uppgjafarstjórnmálahreyfinga í breska Verkamannaflokknum. Hér má sjá stutt erindi hans á ráðstefnu Bryggjuhópsins í fyrra og hér má einnig lesa lauslega íslenska þýðingu mína á grein Scott's sem hann birti í Wall Street Journal þann 28. september 2009, í aðdraganda tilskipaðrar endurgreiðslu Íra á þjóðaratkvæði sínu til Brusselveldisins, um sjálfa stjórnarskrá Evrópusambandsins, sem enginn borgari kaus yfir sjálfan sig neins staðar á meginlandi Evrópu. Derek Scott varpaði einnig óþægilegu ljósi á eigin flokk með útgáfu bókarinnar Off Whitehall árið 2003.

Síðustu nótt

Geimferðastofnun Bandaríkjamanna, NASA, lenti Boeing-vélknúnu ökutæki sínu djarft og snilldarlega á reikistjörnunni Mars í dagrenningu hálf sex leytisins í gærmorgun. Þar mun ökutækið vinna verk sitt í samfellt 20 ár á meðan meginland Evrópu breytist í nýtt sovétríki, sem ekkert getur gert og aldrei kemst neitt. Gert er ráð fyrir að Bandaríkjamenn fari síðan sjálfir í eigin persónu til Mars á innan við næstu 25 árum, á meðan Evrópusambandið fer með Evrópu til heljar á ný.

Þorskastríðin

Á meðan ég beið eftir beinni útsendingu frá lendingu NASA og Boeingfyrirtækisins á reikistjörnunni Mars, horfði ég á netinu á sjónvarpsþátt um sögu Þorskastríða Íslendinga við Breta. Varð mér þá ósjálfrátt hugsað til þessarar eins konar "ríkisslitastjórnar" Jóhönnu Sigurðardóttur og Steingríms J. Sigfússonar, hins helsta kosningasvikara Vinstri grænna. Varð mér hugsað til hversu hörmulega illa íslenska þjóðin væri stödd í dag ef slík ríkisstjórn hefði nokkru sinni komist til valda hér á landi, áður en við í mikilli samstöðu náðum að tryggja Íslendingum það sem ríkisstjórn Jóhönnu og Steingríms er nú sem ákafast að eyðileggja. Þá værum það við sjálf sem værum í sporum fólksins sem missti allt í Bretlandi til Evrópusambandsins.

 

Meiri líkur eru nú en nokkru sinni áður á því að yfirvöldum ríkisstjórnar Evrópusambandsumsóknarmannanna Jóhönnu, Steingríms, Össurar og Ögmundar Jónassonar takist að koma landbúnaði og bændastétt Íslands fyrir undir sama rógburðarhatti og íslenskum útgerðarmönnum hefur þegar verið komið fyrir undir; Sem eins konar pakki í stað björgunarmanna. Þannig vinnur ESB-ríkisstjórn Jóhönnu, umboðslauss Steingríms, Össurar og umboðslauss Ögmundar

Krækjur

Saga Þorskastríðanna

History of the Cod Wars Part 1

History of the Cod Wars Part 2

History of the Cod Wars Part 3

History of the Cod Wars Part 4

History of the Cod Wars Part 5 

Fyrri færsla

 

"Efnahagsvandi evrunnar"? Ha ha ha

 

Athugasemdir

[Hrólfur Þ Hraundal, 7.8.2012 kl. 08:05]

Þó að skáldverk geti verið góð og sum skemmtileg þá er skáldið Steingrímur j. með því leiðasta sem sést og heyrist.  Við innsetningu Ólafs Grímssonar nú um daginn í embætti forseta Íslands, þá leit Steingrímur þessi út sem draugur dregin uppúr fjóshaug, og af sælusvip hans mátti ráða að honum þótti það smart.  

Afrekum Bandaríkja manna fjölgar en það eru líka fórnir á slóðinni, en það eru í raun ekki fórnir heldur slys sem draga má lærdóm af og það hafa þeir gert þeir Bandaríkja menn og  því stendur meðal annars þetta afrek á því fólki sem fórst. 

Fórnargjafir skiluðu aldrei neinu gagni og sé það svo að Jóhanna og Steingrímur vilji fórna auðlindum Íslands fyrir sæti undir eigið rassgat í Brusel, hvaða gagn skyldum við hafa af þeirri fórn?           

[Hrólfur Þ Hraundal, 7.8.2012 kl. 12:06]

Sæll Gunnar og fyrirgefðu því ég var líkast til að flýta mér um of í morgun og hélt mig þar með ekki við efnið. 

En Derek Skott þekkti ég ekki en hefði eflaust haft af því gagn, en mitt afl og vit fór í að lemja járn og lagfæra vélar fyrir misjafnlega þolinmóða útgerðarmenn.

Allt tókst þetta og fjölskyldan sem naut er í góðu standi.  Meira síðar, Takk fyrir Gunnar Rögnvaldsson.     

[Bjarne Örn Hansen (IP-tala skráð) 7.8.2012 kl. 15:33]

Ég hef aldrei lesið aðra eins vitleysu á ævinni.  Með ólíkindum hvaða þvaður getur runnið út úr Íslendingum.

Fyrir það fyrsta máttu fara varlega með "athugasemdir" gegn Þýskalandi, því þýskaland er rekið af Gyðingum í dag.  Þú ert með þessum orðum þínum, að ráðast á Gyðinga en ekki þjóðverja.

Hitt er svo annað mál, og þar áttu ansi mikið undir máli þínu, að Þjóðverjar eru "ofmetnir" eftir Styrjöldina, hvað varðar efnahags og tæknigetu þeirra.  Þeir lifa enn á gamalli frægð.

Síðan, hvað NASA varðar.  NASA er stofnun sem lifði á Fantasíum Verner von Brauns.  Eftir fráhvarf hans, hefur þessi stofnun hægt og sígandi farið aftur.  Og innan tíu ára munu Kínverjar hafa uppi NASA í samkeppninni.  Og að geta látið bolta detta niður á Mars, er ekki mikið afrek, eftir að manni tókst að lenda manni á Tunglinu á 60tugasta áratugnum,  framan í andlitið á geimgeislun.  Það er svona svipað eins og barn byrji að hlaupa, og fari síðan á fjórar til að skríða.

[Gunnar Rögnvaldsson, 7.8.2012 kl. 20:52]

Þakka ykkur innlitið

Bjarne; Lítið er eftir af ofsóttasta fólki, Gyðingum, á meginlandi Evrópu, þar sem Gyðingahatur, því miður, er enn krónískt og skammarlega landlægt, bæði andlega sem líkamlega. Því heldur meginland Evrópu áfram að vera eins og það er, sérstaklega mið- austurhluti álfunnar.

En í heimalandi sínu Ísrael fá Gyðingar mikið hrós fyrir að eiga einn besta seðlabanka heimsins og hinn framúrskarandi tæknigeira Ísraels á mörgum sviðum.

Kveðjur

[Hrólfur Þ Hraundal, 7.8.2012 kl. 22:41]

Bjarne Örn .  Auðvita get Kínverjar haft allt það fjármagn sem þá vantar til að sigra í einhverri keppni, því þá varðar ekki um hagsmuni manna annarra en þeirra sem eru efst í stjórnsýslunni, svipað og á sér stað í Rússlandi. 

Að lenda mönnuðu fari á tunglinu var og er afrek sem engin hefur leikið eftir, en að lenda viðkvæmum tækjum á Mars með þeirri aðferð sem nú var notuð leika Kínverjar ekki eftir innan tíu ára.  

Rússar sendu Spútnik af stað til að vera á undan, en í þeim þunga tank var ekkert annað en plötuspilari af Rússneskri gerð sem spilaði sömu plötuna aftur og aftur og var það þeim líkt.  Síðan hafa þeir bara dregist aftur úr, enda er ekki nóg að eiga öflugar flaugar það þarf líka vit.

En þá höfum við ekki fengið að njóta í neinu árangurs og reynslu Rússa eða Kínverja af geimferðum, en allirog Rússar og Kínverjar líka fá að njóta árangurs Bandaríkjamanna.