Erlend starfsemi banka evrulanda lokar vegna "evruálagsins"

10 dögum áður. Bankia varð; stærsta bankahrun í sögu Spánar.

 

Eitt sinn var í vissum bankageira reynt að halda því fram að til væri eitthvað sem heita átti "Íslandsálagið". Þessu var reynt að halda fram þegar lokað var á íslensku bankana á alþjóðlegum peningamörkuðum. Þá kenndu bankamenn Samfylkingarinnar smæð íslenska gjaldmiðilsins um erfiðleika sína og kölluðu hann ýmsum nöfnum úr hinu stóra eiginnafnasafni sínu. Samfylkingin, sem bar uppi sönginn, er enn að syngja hann við farvegsborðhald sjálfra síns í stjórnarráði Íslands.

Kosningasvikaumsókn þjónustuliðs Vinstri grænna inn í eitthvað og út í loftið Evrópusamband, þjónar nú stjórnarráði þessarar Samfylkingar sem göngugrind hryggleysingja —handa hryggleysingjum— og sem látin er slettast á milli beggja enda farvegsborðhaldsins í ráðinu. Ördiskuðum smáréttum fyrir minnsta forsætisráðherra íslenska lýðveldisins er staflað og hellt niður á milli allra hluta sem máli skipta. Lárétt situr hún þarna inni sem minnsti forsætisráðherra veraldar, við borðhald einstæðrar marglyttustjórnar og sem setið hefur klesst í krafti göngugrindarvalda á hinu víðfeðma gjaldmiðilssvæði átjándu stærstu eyjar heimsins.

Nú er staðan hins vegar þannig að dótturfyrirtæki og útbú bankakerfa evrulanda eru að pakka sér saman til að fara heim í brunarústir heimalanda sinna á evrusvæðinu. Erlend starfsemi alþjóðlegra banka evrulanda fær ekki peninga neins staðar til að halda uppi alþjóðlegum bankarekstri utan hins nýja múrs evrusvæðisins

 

Skóflustunga nýja múrsins hófst fyrir alvöru með Erectus-tollmúrirarus sex landa með spægipylsuaðferðum á Messina-ráðstefnunni 1955 — í stað fríverslunar — og í geigvænlegri óþökk Breta sem voru sannir sigurvegarar heimsstyrjaldarinnar, en því miður með stuðningi bláeygðra einfeldninga í Washington, sem þá höfðu fengið nóg af helvíti Evrópu og þurftu einnig að glíma við kommúnista morðmaskínu Sovétríkjanna sem ESB smá saman er að leysa af hólmi — með spægipylsuaðferðum

 

Þeir, evrubankar utan múrsins, hafa hingað til reitt sig á evruinnistæður í heimalöndum sínum sem bakhjarl. Út á þær hafa bankarnir gefið út pappíra í Bandaríkjunum sem síðan voru seldir á þarlendum peningamarkaði. Tilgangurinn var að komast yfir Bandaríkjadali. Þannig útveguðu þessir evrubankar sér fé til erlendrar starfsemi. En nú vilja erlendir peningamarkaðir ekki lengur viðurkenna hvorki hinar áhættusömu evruinnistæður í evrulöndunum, né þann gjaldmiðil sem þær standa í.

Sparifé almennings er nú verið að gera upptækt á evrusvæðinu á Spáni. Þetta er að gerast beint fyrir framan augun á okkur. Hið sama mun gerast í öðrum evrulöndum. Og myntin sjálf fer þá auðvitað niður í hinn alþjóðlega kjallara peningamarkaða og endar þar saman með tíma hennar sem punktur á götuðu spjaldi.

Íslenska krónan verður alþjóðlegur gjaldmiðill á undan mynt evruríkja, sem þá mun líklega hafa breyst í rembu og sem verður álíka illa gjaldgeng á mörkuðum og sovéska rúblan var og kommúnistamynt Kína er. 

Það eina sem þarf til svo ISK verði alþjóðleg mynt, er ný ríkisstjórn með svera hryggsúlu hins íslenska þjóðríkis. Ríkisstjórn sem negld er niður í mold okkar og stendur þar fast sem skínandi varðstöðumaður þjóðríkis allra Íslendinga. Mold okkar.

Stefnuljós tólf (!) manna peningastefnunefndar Seðlabanka Íslands verður að fara því hún er dansljós. Þess utan þá er Close Encounters of the Third stefnuljósasýning hennar fyrirbæri úr gamalli kvikmynd frá 1977. Þannig merkjasamskipti við hinn alþjóðlega peningaheim eru túlkuð sem neyðarljós og vitsmunaleg firring einfeldninga. Ör vænting.

 

Krækjur

• Eurozone banks are pulling out of the US
• US money market funds moving into "safer" assets

Fyrri færsla

• Sýndu okkur vini þína og allir vita hver þú ert - eftir kosningar 

Tengt

• Innvortis fjármálaleg borgarastyrjöld: hvað er það?

Athugasemdir

[Júlíus Björnsson, 27.7.2012 kl. 18:56]

CIA factbook sem flestir auðmenn taka mark á: skilgreinir að gengi dollars endurspeglist af því raunvirði sem fæst fyrir þá upphæð sem var í umferð eða markaðsett inna USA LÖGSÖGU síðasts skatta ár. Raunvirðis sala og raunivriðisauknarsala er flokkuð í vöruflokka þá sömu og Alþjóðgengismarkaður notar til að jarðarsölu raunvirði á hverju ári. Þarna sés að ónatuðr pengur króna  sem sem selst ekki fyrir fisk eða neitt annað í heilt ár er raunvirðislaus á því ári. USA innheimtir dollarskuldir með raunvirði sem ber vsk.