Bankia S.O.S

Þriðji stærsti banki Spánar, Bankia, hefur skyndilega beið um að uppstilling sólstóla bankans á sólþilfari ESB-Titanic verði breytt, þannig að sólin skíni betur niður á botn bankakerfis þessa evruríkis. Þá finnst sólstóll herra Franco fyrr og áður en geislar evrunnar ná að skína úr sér allri birtunni ofan í fólkið í landinu.

Ríkisstjórn Spánar neitaði því harðlega fyrir aðeins nokkrum dögum síðan að bankakerfi Spánar þyrfti á nokkurri frekari rosalegri björgun frá ríkinu að halda. En nú verður peningum almennings á Spáni í 25 prósent depression atvinnuleysi hent inn í þennan banka sem stýrt var af herra Rodrigo Rato, fyrrverandi forstjóra Alþjóða Gjaldeyrissjóðsins. Hann hefur nú sagt af sér og er farinn heim að grenja, eftir aðeins tveggja ára lífslengd bankans, sem búinn var til sem þjónandi steypuklessulok ofan á brunarústir nokkurra annarra banka og sparisjóða landsins. Þetta er byrjunin á Spáni, 99 af 100 hlutum evrusprengjunnar sitja þar tifandi eftir.

Hvað skyldi hin nýja þýsk/franska sovétsósa jómfrúar Angelu Merkel frá fyrrverandi Deutsche Demokratische Republik (DDR) segja við þessu? Fyrrverandi fyrrverandi fyrrverandi er ekkert grín.

 

Fyrri færsla

 

"Kosningar" í Sovétríkjum Evrópu í dag: ESB

 

Krækja

 

FT; Spain to spend billions on bank rescue 

Athugasemdir

[Eggert Guðmundsson, 7.5.2012 kl. 22:50]

Það er vor í Grikklandi og líklega þarf gríski herinn að fara nota hergögnin sem Frakkar neyddu þá til að kaupa af sér vegna lánafyrirgreiðslu til björgunar.

Frakkar loka landamærum osfr.

Brátt verður komið allsherjarvor í ESB löndum,og  verður í líkingu við vorið í arabaheiminum.

 Þá verður allt stjórnkerfi ESB eins og þú nefnir í lokaorðum þinum.

[Ragnhildur Kolka, 8.5.2012 kl. 08:27]

Ballið er rétt að byrja. Grískar skuldir eru aðeins Krummakusk í samanburði við Spán.... og Ítalía minnir stöðugt á sig.

[Gunnar Rögnvaldsson, 9.5.2012 kl. 00:49]

Já þetta er hrikaleg ESB-hamingja.

Þakka ykkur innlitið

Kveðja