Flóamarkaður Evrópusambandsins tekur við sér og stöðugleikinn eykst

GBTPGR10 í dag 

 

Í dag er enn ein brunarúst evrusvæðisins komin í ofn hlutfallslega brennandi stöðugleika Evrópusambandsins. Ítalía nýtur nú (á)vaxtanna af 20 ára sköpunarverki evrukrata sem bera fer nafngiftina Mont Evrurest. Vaxtakostnaður ítalska ríkisins í skjólviðarbelti montsins er nú kominn í svo háar hæðir, að hann lýsir himininn upp yfir Evrópu sem norðurneyðarljós. Sjö komma fimm prósent ársvaxtakostnaður á 10 ára pappírum ítalska ríkisins, takk. Og skuldatryggingaálagið á ríkissjóð Ítalíu er að verða tvöfalt hærra en á Ísland, 550 punktar. Myntin er að detta í sundur.

Á peningagólfi seðlabanka Evrópusambandsins læðast menn um á snjóþrúgum á stærð við trollhlera. Bobbingar í formi svitaperla svífa um loftin. Enginn hreyfir sig né segir neitt nema með leyfi frá manninum á stærstu snjóþrúgunum. Hann er upptekinn í símanum að ræða við Össur. Hvað eigum við að gera!! Taka upp krónu? Á skuturinn að snúa fram??

 

Ding dong. Klukkan slær meira og meira Frakkland

 

Athugasemdir

[Jón Steinar Ragnarsson, 9.11.2011 kl. 17:42]

Össur hefur þá haft rangt fyrir sér að trúverðugleiki sambandsins væri meiri fyrir það að 300.000 hræður uppi á norðuhjara væru að sækja um inngöngu?  Ég sem hélt að heimurinn gapti í andakt, því þessi afar trúverðuga smáþjóð á norðuhjara mæti þessar sviptingar sem kost og styrk.

Össi verður að fara upp í pontu og segja þetta aftur.

[Ragnhildur Kolka, 9.11.2011 kl. 22:40]

Eftir tveggja daga stöðuga kröfu um að Berlusconi segi af sér lætur hann tilleiðast og RÚV og öll EU-fylkingin varpar öndinni léttar "Guði sé lof, nú er búið að kyssa á báttið". 

En viti menn, Skoni farinn og skuldatryggingarálagið heldur áfram að hækka.  

Getur verið að ástandið á kærleiksheimilinu sé bara alls ekki Skoni að kenna?

[Anna Sigríður Guðmundsdóttir, 9.11.2011 kl. 23:24]

Ekkert hef ég um Berluskoni að segja sérstaklega, umfram aðra blekkta heimsbúa.

En að halda því fram að verðmæti nytjaframleiðslu heimsins stjórnist af Evru eða öðrum gjaldmiðlum, er álíka óeðlilegt og ef afkoma fólks frá degi til dags stjórnist af því hvort sé sól eða rigning.

M.b.kv. 

[Jón Steinar Ragnarsson, 10.11.2011 kl. 12:59]

jamm...markaðir íi frjálsu falli eina ferðina enn. Smitfaraldur corporativismans að ná hámarki. Allir helstu leiðtogar sambandsins hafa nú viðurkennt í orði að það sé game over og þá er klárt í EUSSR.

Allir stæstu bankar veðja á fall Evrunnar og sjá til þess að svo fari. Stöðutakan er orðin svo ævintýraleg að JP Morgan er búinn að veðja skrilljónum á eigið fall.  Plottið er aldeilis farið að þykkna.