Evruaðild Ítalíu lokar á fjármögnun ríkissjóðs landsins

 

Því hefur margsinnis verið haldið fram hér á landi að aðild að næturmyntklúbbi Evrópusambandsins í reykfylltum bakherbergjum víðs fjarri og sem lengst frá kjósendum evruríkja, ali af sér sérstaka uppsprettu lánsfjármagns á þeim vildarkjörum sem komið hafa Grikklandi, Portúgal og Írlandi inn á gjörgæslu Alþjóða Gjaldeyrissjóðsins, sem er undir næstum fullri yfirumsjón setuliðs Brussels og seðlabankalings Evrópusambandsins

Nýtt land hefur nú bætst í hóp hinna heppnu sem dansa naktir um sviðin svið næturmyntklúbbs Evrópusambadnsins. Þetta land heitir Ítalía. Hún skuldar nákvæmlega jafn mikið og hún gerði þegar hún gekk í myntklúbbinn, dansaði þar og tók svo upp evru. Reyndar dönsuðu öll löndin sama súludansinn sem dáleiddi alþjóðlega fjárfesta svo, að fé þeirra sat um tíma ekki nærri eins fast og það áður hafði gert. En nú hafa ljósin verið kveikt, gardínur dregnar frá og við blasir fjársvikamylla evrulanda liggjandi á dansgólfinu umhverfis súluna. Fullir öskubakkar í yfirfylltu húsi tómra pizzukassa blasa við umheiminum. Og eldar loga. Ítalía getur því ekki lengur fjármagnað ríkissjóð landsins því fjárfestar treysta sér ekki lengur til að takast á við þær dansmeyjar klúbbsins sem nú eru í sviðsljósinu

Heitasta ósk margra Íslendinga er að komast í kynni við dansmeyjar evruklúbbsins. En þeir vilja þó ekki ganga svo langt að taka þær alveg í eina sæng. Þeir biðja því bara um að vissum hluta "samstarfsins" sé einungis kastað beint í bólstað. Þolin mæði þeirra er að verða alþekkt

Fregnir berast einnig frá Danmörku um að þar séu bankar að miklu leyti hættir að lána út peninga, því aðgengi þeirra að alþjóðlegum peningamörkuðum sé svo gott sem lokað og læst. Þeir kjósa því að halda efnahagsreikningi sínum á floti með því að sitja sem fastast á þeim peningum sem þeir hafa að láni frá þeir sem lögðu þá inn í skjóli ríkisábyrgða frá bankapakka númer eitt, tvö, þrjú, fjögur og kannksi fimm.

Athugasemdir

[Jón Steinar Ragnarsson, 7.11.2011 kl. 22:47]

Ef þeir ætla að ná hugsjóninni um ofurríkið Evrópu, þá verða þeir náttúrlega að loka á sjálfstæða ríkissjóði með hjálp fjölþjóðamafíunnar (AGS) sem er hafin yfir öll lög en er þó bara klúbbur.

Þá sjá menn náttúrlega strax góð rök fyrir einum stórum og miðstýrðum ríkissjóði. Þetta viðist allt miða að þessu.

Svo fá Ítalar að framleiða vinstri skóinn og Finnar þann hægri í miðstýrðum markaði a'la USSR.

[Júlíus Björnsson, 8.11.2011 kl. 02:43]

USA er langstærsti fjármála málamálmarkaðurinn,http://www.global-rates.com/interest-rates/libor/libor.aspx

Evrópu endurfjámögunarmarkaðurinn  gengur ekki upp í heildina litið þegar EU sem heild er í raungengissamdrætti GDP(PPP). á USA= Alþjóðagengismælikvarða  sem Notar USA CIP sem mælikvarða á mánaðar gengu  milli þjóðargengis útreikninga.  EU hefur innleitt HCIP, fyrir EU markaðinn.  Hann metur yfirleitt raunvirðið 20 % hærra en sá USA.  EU forget it.   USA bíður eftir gífurleg magni túrista frá, td. Kína, Indía, Brasilíu , Malsíu,.. sem fá 20% meiri í USA en EU fyrir sína dollarar.   Skipta um ríkistjórnir til fela stöðugt minnkandi kaupmátt í EU, Kóngurinn er hálshöggvin er rauðir ráðgjafa lifa. Svín fæða ekki dýrinn á býlinu. EU er dæmi um Animal Farm.   Grunnur skipta meira máli en hver er Bubbi kóngur hverju sinni. Evra á þýskum markaði gefur meira en sú í flest öðrum ríkjum EU.  Gengið á markaði skiptir meira máli, er myntin á markaði.