Björgunardagurinn mikli; Standard & Poor's lækkar lánshæfnismat Kýpur

S&P lækkaði í dag lánshæfnismat ríkissjóðs evrulandsins Kýpur vegna versnandi stöðu í ríkisfjármálum þessa litla evruríkis. Matið er nú tveimur þrepum fyrir ofan rusl. Landinu er haldið á neikvæða bekknum og frekari lækkun er yfirvofandi. 

Kýpur er talið eiga sem svarar til of mikils af ASÍ, Gylfa & Gylfa, Norður-Kóreu og RÚV öryggissætum í rafmagnsstólasamstæðu Evrópusambandsins. En þar var þrýst á þrítugasta og áttunda neyðarhnappinn klukkan 04:00 síðustu nótt. Verið er að virkja Evrópusambandið og því er unnið nótt sem nýtan dag.  

Bankakerfi Kýpur er sagt svo flækt inn í umpólun Grikklands yfir í Ítalíu áður en árið 2020 rennur upp, að óvíst er hvort það og þar með ríkissjóður landsins þoli ferðalagið yfir í paradís. 

Kýpur sem telur undir eina miljón íbúa gekk í ESB árið 2004 og tók upp evru svo seint sem árið 2008, eftir fyrst að hafa verið í ERM-pyntingarklefa Evrópusambandsins frá því í apríl 2005. 

En nú er ESB-öryggið sem sagt loksins komið í evrutöflu Gylfa & Gylfa á Kýpur. Það þriðja sem af er ársins og sem samkvæmt RÚV þýðir þriggja fasa fyrsta flokks ESB-rafmagn í stólana þar í landi

 

WSJ; S&P Lowers Rating On Cyprus One Notch To BBB, Third Cut This Year

 

Athugasemdir

[Jón Steinar Ragnarsson, 28.10.2011 kl. 06:10]

 Matsfyrirtækn treysta alvald dollarsins dyggilega og sjá til þess að enginn hugleiði að skrá olíuverð ofl. í þessari druslumynt. Einhvern vegin er mér farið að finnast að það sé málið. Bandaríkjamenn beita öllu sem þeir geta til að grafa undan þessari samkeppnishæfin og Evran á ekki roð í þetta vald. 

Kannski eru stærri reitir á þessu taflborði en margan grunar. Þetta er hljóðlát efnahagsleg heimstyrjöld um vald á fjármálamarkaði.