Blóðbað - ECB rifnar í tvennt - dollar enn örugg höfn [u]

 

Algert hrun varð alls staðar í dag. Þetta hefst upp úr því að skrúfa fyrir eldsneytið til hreyfla samfélagsins í flugtaki, eins og stjórnmálamenn hafa verið að gera begga megin Atlantsála og einnig hér á Íslandi. Fábjánar & Wall_Street_þingmenn.   

Hlutabréfamarkaðir vestanhafs áttu enn verri dag en þegar Lehman bræðrabankinn féll. 

Svo mikil ásókn varð í ríkisskuldabréf Bandaríkjanna að fjárfestar þurftu að borga ríkinu fyrir að geyma vinsamlegast peninga þeirra í þrjá mánuði. Bank Mellon í New York tekur nú peninga fyrir að varðveita innlán viðskiptavina. Svo mikil er ásóknin í öryggið. 

Hlutabréfamarkaðir í Evrópu hafa þurrkað sjálfa sig út meira en 8 mánuði aftur í tímann. 

Seðlabankalingur Evrópusambandsins er nú þverklofinn rekaviður á hornströndum peningaheimsins. Traustið er farið. Rifist er í brúnni og liggur við að Þýskaland loki bankanum. Svo mikil er óánægja þeirra með tilviljanakenda peningastjórn og peningaprentun þessa seðlabanka, sem í örvæntinu reynir að halda saman myntvafningnum evru og sífjölgandi gjalþrota evruríkjum, sem einmitt eru gjaldþrota vegna þess að ESB embættis- og stjórnmálamenn Evrópu hafa fundið upp myntfyrirbæri sem er enn verra en gullfóturinn var.   

Seinni part dags hefur evran hrunið um tvö prósent gagnvart Bandaríkjadal. Það þarf mikið til að hreyfa svona stórar myntir svo hratt á parti úr degi.

Olían hrundi um meira en 10 dali í dag.

Allt er hrunið, en þó þiggja þing- embættis- og stjórnmálamenn ennþá launin sín. 

Fróðlegt verður að vita hvort þetta sé allsherjar-hrunið sem ég hef verið að bíða eftir. Því fyrr sem það kemur því betra. Von mín er sú að nýtt gott og vandað hrun veki stjórnmálamenn til vitundar um að þeir eru að endurtaka allt það sem ömmur okkar og afar gerðu rangt í stóru 1929 kreppunni miklu, vegna þáverandi reynsluleysis. Afsökun okkar er hins vegar engin.

 

Ef stjórnmálamenn vakna getur heimurinn loksins farið í gömlu vinnufötin á ný og sturtað hagfræði fíflagangs síðustu áratuga niður í skólpið, þar sem hún á heima, og tekið í notkun þann lærdóm sem komst inn í kennslubækur hagfræðinnar í kringum 1950. Lærdóm afa og ömmu okkar.

 

Asnar!

 

Krugman; Rates of Wrath | Why People Say “Eeh!” When They Learn About the ECB

 

Uppfært:

Europe on the Brink 

 

Þú ert stjórnandi fjárfestinga.

Í höndum þínum er lifeyrissparnaður nokkurra hundruð þúsunda manna. Sérsvið þitt er að ávaxta þessa peninga Jóns og Gunnu — eða — að minnsta kosti sjá til þess að þessir fjármunir almennings tapist ekki. Þetta eru þeir peningar sem þau leggja fyrir af launum sínum og sem eiga að halda þeim uppi í ellinni. Sérsvið þitt er ríkisskuldabréfamarkaður. Yfirmenn þínir anda þig í hnakkann á hverjum degi og þeir eru strangir.   

Nú ber svo við að þér og sjóði þínum var sagt hér fyrir 10 árum að engin áhætta væri fólgin í því að festa þetta fé almennings í ríkisskuldabréfum evrulanda. Þá var ákveðið að enginn grundvallarmunur væri á ríkisskuldabréfum neinna evruríkja. Ef illa færi þá myndu ríkjunum verða bjargað. Já bjargað, því með því að taka upp sameiginlega mynt þá létu löndin frá sér fara hornsteina fullveldis þróaðra ríkja; þ.e. þau ákváðu að láta af hendi þratuavarnavopnið og allt fullveldi sitt í peningamálum.

 

En nú eru ríkin í djúpum skít. Galdarpappír Evrópusambandsins var gallaður frá byrjun og aðeins færður fram til markaðar sem dulbúið pólitískt fyrirbæri valdasjúkrar elítustéttar Evrópu. Þega á reyndi var engin raunveruleg innistæða var fyrir þeirri fjármálastarfsemi sem stunduð hefur verið í evrulandi frá upphafi undir evru.

 

Úkoma vandamálanna í dag er háð regluverkinu um rússneska rúlletu. Þetta hefðu íslenskir þingmenn átt að vita þegar þeir köstuðu sér á kaf í elítupakkann. Ekkert getur komið í stað fullvalda þjóðríki, - nema óútreiknanlegt evrusvæði sem mun annað hvort enda sem einræðisríki - ef það á að lifa af - eða öngþveiti og upplausn á broð við upplausn Sovétríkjanna.

Eftirfarandi fyrirlestur varpar ljósi alvörunnar á hlutina; - og komið nú ekki kæru íslenksu stjórnmálamenn og segið mér að þið höfðuð minnstu hugmynd um hvað þið voruð að gera á Alþingi Íslendinga þann 16. júlí 2009. Þið voruð nógu mörg algerlega og hættulega clueless þá og eruð það enn í dag. Merihluti ykkar brást frumskyldum sínum sem Alþingismenn og mörg ykkar frömdu vísvitandi hin grófustu kosningasvik í pólitísku rússnesku rúlletuspili með framtíð íslenska lýðveldis, sem stofnað var til árið 1944 á Þingvöllum með samþykki næstum allra Íslendinga.

 

PS; Gera má ráð fyrir að forsætisráðherra Íslands skilji ekki hvað hér er sagt. Já, forsætisráðherrann sjálfur! Ég leyfi mér þó að halda í vonina. 

  

Fyrirlestur; Evrusvæðið á bjargbrúninni

Fyrirlesturinn er í þrem hlutum

Glærur; Europe on the Brink 

 

 

1) Peter Boone

 

2) Simon Johnson 

 

3) Jacob Kirkegaard og spurningar 

 

Glærur; Europe on the Brink

Heimasíða; Peterson Institute

 

Fyrri færsla

 

Hamhlaup Jóhönnu 

Athugasemdir

[Halldór Jónsson, 4.8.2011 kl. 23:32]

Þú ert bara ekki skárri innvortis en ég Gunnar minn.

[Gunnar Rögnvaldsson, 4.8.2011 kl. 23:35]

Takk fyrir það Halldór minn. Saman held ég að við yrðum ágætis persóna.

[Haraldur Haraldsson, 5.8.2011 kl. 00:18]

"Það veldur hver á heldur" segir máltækið !!!

[Björn Jónasson (IP-tala skráð) 5.8.2011 kl. 00:31]

Mig minnir að þú hafir talið BNA tiltölulega heilbrigð?

[Guðmundur Ásgeirsson, 5.8.2011 kl. 04:14]

Reinstate Glass-Steagall

[Jón Steinar Ragnarsson, 5.8.2011 kl. 06:00]

Athyglisvert að sjá fjórfrelsið virka eins og blásýru á kreppu verst settu landanna þar sem fjármagnsflóttinn frá þeim sem síst mega við endar allur inn á reikningum Bundesbank.

Þetta er no win- no-win situation. Þetta getur bara farið á einn veg. Suður Evrópa er á leið á steinaldarstigið á meðan Þýskaland fitnar eins og púkinn á fjósbitanum.

Þetta gerist nú hraðar en nokkurn óraði fyrir. Ég gef Evrusvæðinu líftíma fram á Maí 2013.  Því fyrr sem Evran verður blásin af því minna verður tjónið. Evran er að valda tjóninu núna. Þetta er sjálfsmorðsvítahringur.

[Ómar Gíslason, 5.8.2011 kl. 12:45]

Góð athugasemd hjá þér Jón Steinar „...að sjá fjórfrelsið virka eins og blásýra á kreppu..."

evran er sjálfsmorðsárás á það land sem ber hana.

[Jóhanna (IP-tala skráð) 5.8.2011 kl. 17:41]

Já það er einmitt það. Það sem Hitler kláraði ekki með vopnabraki og útrýmingum, gera þjóðverjar í dag bara með peningum.

[Jón Steinar Ragnarsson, 6.8.2011 kl. 01:49]

Það eru ekki bara Evrurnar sem eru að nýta sér diplómatapassa fjórfrelsisins til að koma sér á one way ticket til germaníu. Það eru líka menntað fólk og fagfólk.

6 Albaníur eru þegar að verða að veruleika sviðnum bríkum sambandsins og líklega bætast nokkur Túrkmenistan við áður en yfir líkur. Asnakerruhagkerfin er hin nýja Evrópa. Berrassi tekur sér eftirnafnið Hoxa og mun ríkja í kyrrþey og sérlund í arnarhreiðri úr torfi og grjóti. Nú er tími til að fara að rækta rófur.