Vaxtakjör kratabombu Ítalíu orðin verri en íslenska ríkisins

 

Vaxtakostnaður ríkissjóðs Ítalíu; fimm ára lán, pr. 11 júlí 2011

Evruupptaka átti að vera lausnin á svo að segja öllum vandamálum Íslands. En höfundar "Fjármálamiðstöðvar Íslands" í Samfylkingunni kunna ekki að reikna frekar en fyrri daginn er allt þeirra útreiknaða og útriðna bankakerfi hundi til grunna með þeim árangri að þeir fengu sér á ný sæti í nýrri hrunríkisstjórn sem nú er að rústa landinu innanfrá með því murka lífið úr þeim atvinnurekstri sem þeim tókst ekki að kála með þessu hrunbankakerfi sínu og svo síðar með skituskiptastjórnum yfir þrotabúum þeirra og þar næst með því að selja stubbana til erlendra vogunarsjóða sem nú mergsjúga íslensk fyrirtæki í gegnum rauðvaralitað stubbasafn Jóhönnnu & Co, og sem nú lifa eins og stökkbreyttar skelkaðar mýs innan girðinga skjaldborgarinnar gegn þjóðinni.

Nú er svo komið að evrusvæðið sem var hannað af samfylktum hugmyndafræðingum krataismans í Evrópu er að sprengja Evrópu í loft upp eina ferðina enn, eins og Samfyklingarbankakerfið gerði á Íslandi. Nú eru lánskjör ríkissjóðs Ítalíu orðin verri en þau sem ríkissjóði íslenska krónu hagkerfisins bjóðast.

Ef hægt væri að lækna heimsku Samfylkingarmanna þá myndi ég ekki fórna einni krónu á þá meðferð því sjúkdómur hennar, þjóðrægjan og þjóðfyrirlitningin, brýst alltaf út á ný við réttar aðstæður. Samfylkingin er ólæknandi sjúkdómur. Það verðum við að horfast í augu við. Leyfum henni því að deyja út. Brenna sér út. Útbrunninn Steingrímur hefur sannað virkni þessarar meðferðar.  

Skuldatryggingaálagið á Ítalíu (300 punktar) er þotið upp fyrir álagið á krónu-ríkissjóð Íslands (240 punktar)

Munið þið eftir Icesave 1 og Iceave 2 ?

Munið þið eftir manninum honum Davíð sem sagði að við ættum ekki að greiða skuldir fjármálamiðstöðvar Samfylkingarinnar. Hafa menn þakkað honum fyrir? Hann hefði alveg getað látið sér fátt um finnast og verið bara Már í klaustri. En það gerði hann ekki.  

Hvernig stendur á því að þessi ömurlegasta ríkisstjórn Íslandssögunnar er ennþá á lífi? Þetta er hvorki stór né flókin spurning. En hún er siðferðileg - í hæsta máta.

Athugasemdir

[Haraldur Baldursson, 12.7.2011 kl. 16:30]

Bæði Sljóhanna og Seingrímur, vita sem er að þau sitja aldrei aftur í ríkisstjórn og ef það er eitthvað réttlæti í heiminum, aldrei aftur á þingi.

Framkvæmdaleysi og mislagðar hendur einkenna þessa verklausu ríkisstjórn hafta og lyga.

[Haraldur Baldursson, 12.7.2011 kl. 16:32]

Það sem við þurfum er stefnu manns eins og Ron Paul, sem nú er í framboði innan Repúblikana flokksins í USA. Stefnu sem horfir til minnkandi ríkisumsvifa, vissulega með leikreglur og eftirlit (eins og dæmin sýna). En við þurfum ekki 300 manna skrifstofu fyrir hvert einasta smámál. Við þurfum kjarkaða einstaklinga sem þora að tala og hafa meiningu. Ekki hríslast um eins og lauf í fjölmiðlagolu.

Við búum hér í gríðarlega ríku landi, sem getur boðið okkur upp á frelsi og athafnarými langt umfram möppudýratilveru ESB.

[Einar Björn Bjarnason, 12.7.2011 kl. 22:43]

Ég tel næsta víst að Seðlabanki Evrópu hafi gripið inn, þess vegna hafi verð gengið til baka á mörkuðum í Evrópu seinni part dags.

Skuldatryggingaálag

Staða Markit Itrax Sov kl. 17.30

Tölurnar aftast frá kl. 17.30 - næstu tölurnar við frá fyrr í dag, eða 13.00.

Svo koma tölur frá 17.30 í gær og fyrstu tölur kl. 13.00 í gær.

Þetta sýnir ágætlega þróun þá er átt hefur sér stað í dag og gær.

Grikkland...........2.297 / 2.300 / 2.425 / 2.338

Portúgal.............1.090 / 1.125 / 1.190 / 1.078

Írland..................970 / 1.005 / 1.125 / 996

Spánn..................342 / 345 / 370 / 324

Ítalía...................279 / 302 / 325 / 289
------------------------------------------------

Ísland..................231 (maí. 2011 - nýrri tölur ekki komið fram enn) 

Þróun vaxtakröfu fyrir 10 ára ríkisbréf

Ísland seldi 5 ára bréf, vaxtakrafa 10 ára er vanalega nokkuð hærri - á bilinu 0,5-1% vanalega.

Grikkland............16,77% (17,02% 11/7)

Portúgal..............13,36% (13,39% 11/7)

Írland.................13,35% (13,38% 11/7)

Spánn..................5,8% (6,04 11/7 - 5,56 sl. viku)

Ítalía...................5,56% (5,71 11/7, 5,28 þann 8/7, 5,21 þann 7/7 var 5,08 í 6/7 og 4,99 í sl. viku.)

Ísland..................4,993% (5 ára)

--------------------------------

Það verður áhugavert að sjá hvað gerist á morgun - hvort markaðurinn haldi áfram að vera í paník. En, nk. föstudag verður ný sala skuldabréfa hjá Ítölum.

• Ég verð að segja, tjá mig, um það hve lík þessi atburðarás er þeirri sem átti sér stað, þegar Grikkland var á leið í vandræði - síðan Írland og svo Portúgal.

• En í öllum tilvikum, skapaðist þessi spenna um "bond auction" eftir "bond auction" og Seðlabanki Evrópu, í öllum tilvikum greip inn og gerði tilraun til að róa markaði með því að kaupa, og í öllum tilvikum mistókst það.

• Í þetta sinn eru stærðirnar þ.e. upphæðirnar svo mikið mikið stærri í sniðum.

• En nú er hættan svo mikið - mikið meiri, því fall Ítalíu líklega er hvorki meira né minna en fall Evrusvæðis.

Skuldir Ítalíu eru cirka = 20% af heildarþjóðarframleiðslu alls Evrusvæðisins, sbr. að þjóðarframleiðsla Grikklands í heild er bara 3% cirka af þjóðarframleiðslu Evrusvæðis.

Við getum nú verið að sjá þetta gerast næstu virkurnar - að Ítalía og Spánn, bæði tvö ríkin verði hrakin af mörkuðum. Þá verður tilvistarkreppa Evrunnar öllum ljós.

Kv.

[Gunnar Rögnvaldsson, 12.7.2011 kl. 23:52]

Þakka ykkur Haraldur og Einar Björn

Takk fyrir update EBB. Best að fara ofan í eldhússkúffuna og ná sé í álþynnu og hnoða sér öryggishatt og álregnhlíf.

Allt evrusvæðið er að verða þúsund sinnum verra en maður leyfði sér að óttast eftir 10 ára áróður um ágæti þessarar hörmungar.

PIMCO eykur við birgðir sínar á bandarískum ríkispappírum; A change in Pimco strategy?

10 ára UST krafan (USGG10YR) hefur lækkað niður í 2,88 %.

[Gunnar Rögnvaldsson, 13.7.2011 kl. 00:02]

Ef þetta heldur áfram svona þá verður Ben Bernankie að fljúga í stórri þyrlu yfir brunarústir evrusvæðisins (fyrrverandi) og kasta niður Bandaríkjadölum, sem eins konar Marshahahahall hjálp

(flissa ofaní kaffið mitt)

[Haraldur Baldursson, 13.7.2011 kl. 20:33]

USA er reyndar ekkert í of góðum málum þó fjárfestar hlaupi í skjól í dollarinn.

http://www.youtube.com/watch?v=QGXbKsFH_sI&feature=player_embedded#at=260