Tveir titlaðir "stjórnarmenn" í Evrópusamtökum (ESB-samtökum) Samfylkingarinnar og RÚV

Tveir stjórnarmenn í ESB-samtökunum, Andrés Pétursson og Gunnar Hólmsteinn Ársælsson hafa kannski keypt sér grein í því sem kallað er Fréttablaðið. Þar kvarta þeir undan því að RÚV (ríkisútvarpið) sé ekki ennþá orðið lögfest og þinglýst sem einkafjölmiðill Samfylkingarinnar af Samfylkingunni og handrukkara þeirra, Vinstri grænum.

Eftirfarandi orðaskipti milli mín og Gunnars Hólmsteins Ársælssonar fóru þar á eftir fram sem hér greinir:

Ég svarði bloggfærslunni svona:

RÚV hefur engar forsendur né heimild til að fjalla um ESB málið og á að láta það algerlega ógert. "Hlutlaus umræða" um pólitík er ekki til og verður aldrei til: ESB málið er fyrst og fremst stórpólitík og ekkert annað en stórpólitík.

 

Ef RÚV tæki að sér að fjalla "hlutlaust" um stefnu og framkvæmd stjórnmála Sjálfstæðisflokksins, til þess að reyna að gera kjósendum ljóst hvað flokkurinn er og stendur fyrir, þá yrði það aldrei. Aldrei.

 

Þeir flokkar sem berjast fyrir ESB-aðild eiga að berjast fyrir sínum málum. Allt annað væri þvættingur sem heima á í ruslatunnum fáránleikans.

 

Það er bara einn flokkur sem berst fyrir ESB aðild; Samfylkingin og þess vegna á að draga umsóknina til baka, strax. Hún á ENGAN rétt á sér.  

 

RÚV ætti hinsvegar að vera gagnrýnið á ríkisstjórnina, umsóknina og ESB og horfa gagnrýnum augum á það sem þar erlendis er að gerast og hefur gerst, á frekar vofufleygan hátt, verð ég að segja.

 

RÚV á að segja okkur sannar fréttir úr raunveruleikanum. En það gerir RÚV ekki og er því eins konar ríkisstjórnar fréttastofa DDRÚV.

Það kom svar 

 

Gunnar Hólmsteinn Ársælsson svarar mér og í svari hans vottar fyrir - í fyrsta sinn sem mér er kunnugt - tilraun til að elta boltann og ekki eingöngu mennina eða manninn. Svar hans er hér, ég þori ekki að afrita það, því þá gerist örugglega eitt af þrennu; ég verð bannfærður enn frekar, mér verður úthúðað enn frekar en orðið er, eða þá að bloggfærslunni verður eytt eins og hún leggur sig, eins og þessari hér var eytt á sínum tíma því hún var líklega of gróf eða of falleg í minn garð. Ég vísa þér því áfram á vef ESB-samtakanna sem er kannski bara sérstök áróðursdeild innan Samfylkingarinnar.  

Þessu svara ég svona:

 

Sæll nafni og takk fyrir svar, þó barnalegt sé, sem fyrri daginn. 

Enginn stjórnmálaflokkur nema Samfylkingin hefur ESB-aðild á dagskrá sinni. Enginn. Eins og þú veist sækja þingmenn umboð sitt til kjósenda - en ekki öfugt.

Umsóknin inn í ESB er því án umboðs frá þjóðinni og VERÐUR skilyrðislaust að draga til baka. Hún er óþolandi smán við lýðræðislega stjórnarhætti og halda mætti að við værum nú þegar komin inn í Evrópusambandið, því þetta er svo hörmulega svæsið brot á lýðræðislegum hefðum og leikreglum.

RÚV getur ekki gengið einkaerinda Samfylkingarinnar og verið uppfyllingarefni undir mölbrotin og svikin kosningaloforð Vinstri grænna.

ESB-málið er algerlega og eingöngu flokkspólitískt mál. Það er einnig bæði stórpólitískt og hápólitískt sprengiefni. Það er og verður eingöngu gæluverkefni Samfylkingarinnar einnar. RÚV á ekki að sjá um að reka pólitísk mál fyrir einstaka flokka.

Framferði ríkisútvarps allra landsmanna - sem það segist vera en er ekki - og sem ég og aðrir landsmenn fjármagna, er fyrir neðan allar hellur. Því er í hæsta máta sanngjarnt að líkja því við Austur-Þýskan fjölmiðil sem er í vasa ákveðinna afla samfélagsins. Svo viðrist einmitt vera, marg ítrekað! RÚV er mölbrotin stofnun.

 

Það kom nýtt svar 

 

Bíðið við. Hér kemur svo rúsínan í bloggenda ESB-samtakanna, ég þori ekki að afrita frekar en fyrri daginn, og læt þig því um að smella þér yfir á vef Evrópusamtakanna til að lesa: Þú hefur engar sannanir - og héldu bændum í ánauð hér í gamla daga

 

Fliss

Athugasemdir

[Jón Steinar Ragnarsson, 17.5.2011 kl. 20:33]

Ég tel þig góðan að "fá inni" í athugasemdakerfi Evrópusamtakanna. Flestir þeir sem eitthvað fetta fingur út í þá eru bannaðir.  Þú nærð kannski þeim vegsauka líka ef þú heldur áfram að ergja þá með sannleikanum, en endilega haltu áfram að kalla fram svör þeirra. Þeir minnka með hverju svari.

Það er enda dæmigert fyrir andlýðræðislega innrætingu þeirra að þeir skuli hafa orð á því að þú "fáir inni" á MBL.  Það er nefnilega ekki sjálfgefið í þeirra kreðsum, ef þú talar ekki í takti við ritninguna.

[Gunnar Rögnvaldsson, 17.5.2011 kl. 20:43]

Ég er þegar bannfærður af ESB-samtökunum Jón Steinar, því ég kallaði evrópsku elítuna eitt sinn árið 2008 eða 2009 fyrir "upplýst skítapakk".

 

En það er einmitt reynsla mín af henni eftir að hafa búið í ESB í 25 ár þar sem þjóðkjörnir þingmenn segjast frekar vilja ræða málin við nasista en við ESB-andstæðinga. Þar eru menn ennþá að predika við almenning að umræðan eigi að vera upplýst eftir 50 ár í sambandinu.

 

Hér er nýjasta dæmið um hina "upplýstu málefnalegu" umræðu um (einka) málefni Evrópusambandsmanna - Wall Street Journal; Is lying considered an appropriate mode of communication for euro-zone leaders? 

 

Takk fyrir kaffið.

[Jón Steinar Ragnarsson, 17.5.2011 kl. 20:51]

Það að tala um "ESB hatur" hefur allt yfirbragð trúarbragða hjá þessum pillti.  Eigum við þá kannski að saka hann um ESB-andstæðingahatur eða eitthvað álíka barnalegt.

Þeir hafa allavega gefið nýju hugtaki vængi, sem maður reiknaði aldrei með að yrði, en það er Íslendingahatur, sem er rampant í þeirra hópi. Jafn absúrd og semetísku anti-semetismi eða blökkumaður í Kú klúx kan.

Séra Eiríkur Bergmann hefur jafnvel skrifað heila bók málinu til framdráttar. Hans Mein Kampf. Eða Mein Kamphy academic sofa. Styrkt af Vatíkaninu í Brussel.  Er hann kannski Þorleifur Kortsson endurborinn?

[Jón Steinar Ragnarsson, 17.5.2011 kl. 22:28]

"Mér var sagt að ljúga" segir Junkers. Hver segir honum að ljúga? Það vil ég fá að vita.

Það er marg sýnt að það er ekki nokkurt mark takandi á embættismönnum EU.  Össur hefu lært þessa eðlu list, augljóslega.

[Jón Steinar Ragnarsson, 17.5.2011 kl. 22:39]

Þessir drengir eru annars fyrir Jáhópum Icesave og einhverju sem heitir Sterkara Ísland, en enginn hefur hugmynd um hvort þetta eru í raun einhver félög í almennum skilningi. Hver er félagatalan í þessu öllu?

Ég tek líka eftir því að Ingólfur heitinn Margeirsson er enn skráður sem stjjórnarmaður þarna.  Hvernig í ósköpunum má það vera?

[Jón Steinar Ragnarsson, 17.5.2011 kl. 23:00]

Mannfæðin er kannski að plaga þá. Þeir mega kannski koma hér og segja mér hvað þeir eru margir þarna.  Mig minnir Jón Valur mætti á eitthvað málþing hjá þeim ásamt fleiri andstæðingum, sem vildu kynna sér hvað þeir hefðu fram að færa, sem var mikið auglýst, en þáttakendur reyndst þó varla ná þremur tugum.

Greiskinnin.