Á þjóðin fulltrúa á Alþingi?

Laugardagur 30. apríl 2011; Málmey í blíðu við Þórðarhöfða í Skagafirði  

 

Til að byrja með. Tökum tvo flokka. 

Vinstri grænir: Þetta er orðin nokkurs konar valdamafía fárra prívat persóna sem allar götur frá stjórnarmyndun situr án nokkurs umboðs frá kjósendum. Flokkur sem virkar eins og handrukkari Samfylkingarinnar. Hér á þjóðin varla neinn fulltrúa lengur. Það verður að segjast eins og er. 

Sjálfstæðisflokkurinn: góðar sterkar samþykktir flokksmanna liggja þarna að baki og sem ég aðhyllist, en forystan aðhefst annað hvort með nó komment policy eða í trássi við samþykktir flokksins. Forystan virðist vera veik á vafasömu svelli sem er að bráðna og þorir ekki að aðhafast og framkvæma í samræmi við yfirgnæfandi vilja flokksmanna. Fælni. 

 

Forystan segist ætla að virkja ánna sem rennur í flokkinn, en hefur, samkvæmt sinni prívat skoðun, líklega ákveðið byggja virkjunina á sínu eigin landi í von um að vatnið fyrir slysni leiti þangað þegar stormflóð geisa næst. Flokksmenn borga kannski og kannski ekki. Þeir báðu um afgerandi grænt gras í garðinn Ísland, en fá líklega malbikað lyftuhús sem flestir hafa lúmskan grun um á hvaða stigi og á hvaða hæð hurðir þess munu opnast - þetta virðist vera svo. 

Er þetta pólitík? Á þjóðin fulltrúa þarna?

 

 

Fyrri færsla

 

Össurarsvæðið gjaldþrota - verður ávalt fátækt og ófullvalda

Athugasemdir

[Halldór Jónsson, 8.5.2011 kl. 12:54]

Það er huggun að vita til þess að landið o miðin geta verið svona falleg eins og myndin þín sýnir.Kreppan sést ekki né heldur heimska eða snilld mannfólksins.Eigum við ekki að reyna að hanga á þessu Gunnar og "gefa ekki kóngi Grímsey" nú frekar en í fyrra skiptið?

[Gunnar Rögnvaldsson, 8.5.2011 kl. 17:07]

Sammála og þakka þér innlitið Halldór minn kæri. Kveðja